Glugginn

Glugginn
(Lag / texti: Rúnar Gunnarsson / Þorsteinn Eggertsson)

Ég sit og gægist oft út um gluggann
að gamni mínu út yfir skuggann
því fólk á förnum vegi,
fótgangandi‘ á nóttu´og degi
er alveg tilvalið að sjá.

Ég sé oft heilar skáldsögur skapast
og skrýtið fólk sem hér um bil tapast,
í amstri‘ og umferð dagsins,
eirðarlaust til sólarlagsins,
það röltir strætin til og frá.

Stúlkur og stælgæjar
standandi upp við bar
og sitthvað fleira má þar sjá.
Laglegir unglingar,
góðlegir gamlingjar
og fólk sem horfir bara á.

Nei ég þarf ekki að sitja við sjónvarp
né sjá í bíói einhvern stríðsgarp,
því út um gluggann gægist,
gerir ekkert þó þú hlæir,
því þar er  ávallt margt að sjá.

Stúlkur og stælgæjar
standandi upp við bar
og sitthvað fleira má þar sjá.
Laglegir unglingar,
góðlegir gamlingjar
og fólk sem horfir bara á.

Ég sit og gægist oft út um gluggann
að gamni mínu út yfir skuggann
því fólk á förnum vegi,
fótgangandi‘ á nóttu´og degi
er alveg tilvalið að sjá.

[á fjölmörgum plötum]