Afmælisbörnin á þessum degi eru sex talsins: Jón Ásgeirsson tónskáld er níutíu og sex ára í dag. Jón fæddist á Ísafirði en nam fræði sín í Reykjavík og síðar í Skotlandi, hann hefur komið að tónlistinni með margs konar hætti, til að mynda hefur hann stjórnað kórum og lúðrasveitum eins og Fóstbræðrum og Lúðrasveit verkalýðsins,…
Tvö tónlistartengd afmælisbörn koma við sögu Glatkistunnar í dag: Hilmar Jensson gítarleikari er fimmtíu og átta ára gamall á þessum degi. Hilmar sem hefur síðustu árin fyrst og fremst starfað í djassgeiranum hefur gefið út nokkrar sólóplötur og með hljómsveitunum Tyft og Mógil en einnig hefur hann gefið út plötur í samstarfi við Skúla Sverrisson,…
Hljómsveitakeppnin í Atlavík um verslunarmannahelgi var lengi vel þekktasta keppni sinnar tegundar en nokkrar sveitir náðu töluverðum vinsældum eftir sigur í henni. E.t.v. mætti segja að gróskan sem var í íslenskri tónlist í kjölfar pönkbylgjunnar um 1980 hafi skilað sér í keppnina því ógrynni landsbyggðasveita spruttu fram á sjónarsviðið og vildu spreyta sig á keppnissviðinu…
Eskifjarðarkaupstaður hélt sumarið 1986 upp á 200 ára kaupstaðarafmæli sitt með miklum og fjölbreytilegum hátíðarhöldum sem stóðu yfir um nokkurra daga skeið. Meðal atriða sem boðið var upp á var hljómsveitakeppni þar sem fimm hljómsveitir kepptu um sigurinn. Sigurvegari keppninnar var hljómsveitin Djony frá Neskaupstað en í öðru og þriðja sæti höfnuðu eskfirskar hljómsveitir, Appolon…
Vorið 2005 var haldin Hljómsveitakeppni Fjörheima en Fjörheimar er miðlæg félagsmiðstöð fyrir alla grunnskóla í Reykjanesbæ og var keppnin hluti af dagskrá félagsmiðstöðvarinnar þann veturinn. Þrjár hljómsveitir bitust um sigurinn í hljómsveitakeppninni, Exem, Post mortem og Prometheus en heimildum ber ekki alveg saman um hvaða sveit bar sigur úr býtum, Post mortem er annars vegar…
Ford fyrirsætukeppnin virðist við fyrstu sýn eiga lítið skylt við tónlist en árið 2011 kom upp sú hugmynd innan keppninnar hérlendis að halda hljómsveitakeppni í samstarfi við hljóðverið Sýrland og Benzin music þar sem sigursveitin myndi koma fram á úrslitakvöldi fyrirsætukeppninnar í febrúar, verðlaunin yrðu þau að lag yrði fullunnið með sigursveitinni auk myndbands við…
Útvarpsstöðin Frostrásin á Akureyri í samstarfi við Flugfélag Íslands héldu utan um hljómsveitakeppni sem haldin var á Ráðhústorginu á Akureyri á þjóðhátíðardaginn 17. júní 1999 en fyrstu verðlaun voru í formi flugmiða til Reykjavíkur með flugfélaginu fyrir sigurhljómsveitina. Engar sögur fara af því hvaða hljómsveit hreppti hnossið né heldur hversu margar eða hvaða sveitir kepptu,…
Hljómsveitakeppnir voru haldnar í tvígang að minnsta kosti í félagsmiðstöðinni Kompaníinu á Akureyri í kringum aldamótin, sú félagsmiðstöð hafði þá verið starfandi áður um árabil undir nafninu Dynheimar en hafði hlotið sitt nýja nafn árið 1998. Fyrri Hljómsveitakeppni Kompanísins var haldið vorið 1999 en þá voru að minnsta kosti sjö hljómsveitir skráðar til leiks, engar…
Lista- og menningarhátíðin Bjartir dagar hafa verið haldnir í Hafnarfirði á vordögum allt frá árinu 2003 og þar kennir ýmissa grasa í öllum afkimum menningarinnar, myndlist, tónlist, leiklist og hvaðeina. Tónlist hefur þ.a.l. verið ríkur þáttur í Björtum dögum og vorið 2006 þegar áhersla var m.a. lögð á þátttöku barna og unglinga í hátíðinni var…
Fjölskylduhátíðin Neistaflug hefur verið haldin um verslunarmannahelgina á Norðfirði svo til árlega allt frá árinu 1993 en útihátíðir hafa verið fastur liður í austfirsku skemmtanahaldi í áratugi. Atlavíkurhátíðin var um skeið vinsælasta samkoman eystra en þar voru haldnar hljómsveitakeppnir sem vöktu mikla athygli. Þegar sú hátíð leið undir lok var gerð tilraun með sambærilega keppni…
Vorið 1987 stóðu Ríkisútvarpið á Akureyri (RÚVAK) og Menningarsamtök Norðurlands (Menor) fyrir hljómsveitakeppni en keppnin fór fram í svæðisútvarpinu á Akureyri, liðsmenn hljómsveitanna máttu ekki vera eldri en 25 ára og sendi hver sveit inn eitt lag í keppnina. Keppnissveitirnar voru fjórar talsins og voru lög þeirra flutt í útvarpinu auk þess sem viðtölum við…
Árið 2002 stóð tímaritið Sánd fyrir hljómsveitakeppni í samstarfi við hljóðverið IMP (Icelandic music production) en verðlaunin voru hljóðverstímar til að hljóðrita þrjú lög, valinkunnir menn úr tónlistarbransanum voru í dómnefnd keppninnar. Alls munu tuttugu og sjö hljómsveitir hafa tekið þátt í keppninni og það var hljómsveitin Fritz sem sigraði hana, Lunchbox hafnaði í öðru…
Glatkistan hefur tvö tónlistartengd afmælisbörn á sinni skrá á þessum degi: Ingvi Rafn Ingvason trommuleikari fagnar fimmtíu og fjögurra ára afmæli í dag. Ingvi Rafn hefur starfað og leikið með ótal hljómsveitum og eru Drykkir innbyrðis, Kókos, Bláa sveiflan, Slikk, Yfir strikið, Signia, Bylting, Hrífa, Tríó Björns Thoroddsen, Blues express og Blúsbræður aðeins hluti þeirra…
Þegar talað er um hljómsveit Kristjáns Kristjánssonar (KK) saxófónleikara ætla flestir að um sé að ræða hinn goðsagnakennda KK-sextett, Kristján rak hins vegar þrívegis hljómsveitir sem einfaldlega kölluðust Hljómsveit Kristjáns Kristjánssonar. Reyndar höfðu þeir Kristján, Svavar Gests trommuleikari og Magnús Blöndal Jóhannsson píanóleikari (síðar þekkt tónskáld) leikið saman á einum dansleik árið 1944 en ekki…
Dúett sem kallaði sig Hljómsveit Kjartans og Sigurjóns vakti töluverða athygli veturinn 1972 til 73 þegar hann kom fram víða um höfuðborgarsvæðið á þjóðlagakvöldum og skemmtunum framhaldsskólanna en um einhvers konar þjóðlagadúett var að ræða sem flutti frumsamda tónlist og texta, og tók sig líklega ekki of alvarlega. Þeir Kjartan og Sigurjón léku á gítar…
Hljómsveit Kristins Baldvinssonar lék stórt hlutverk í tónlistarsýningu í Sæluviku Sauðkrækinga vorið 1990, sem bar yfirskriftina Í þá gömlu góðu daga en þar var tónlist 6. áratugarins í aðalhlutverki – ýmsir söngvarar munu hafa sungið á þeirri sýningu. Engar frekari upplýsingar er að finna um hljómsveit Kristins, sjálfur var Kristinn Baldvinsson hljómborðsleikari sveitarinnar en óskað…
Árið 1995 var djasshljómsveit starfrækt undir nafninu Hljómsveit Kristjáns Guðmundssonar en sveitin kom fram á tónleikum á Fógetanum sem voru hluti af RÚREK djasshátíðinni. Meðlimir sveitarinnar voru Kristján Guðmundsson hljómsveitarstjóri og píanóleikari, Jón Borgar Loftsson trommuleikari, Einar Sigurðsson bassaleikari, Sigurður Perez Jónsson saxófónleikari og Dan Cassidy fiðluleikari en einnig kom Rúnar Georgsson saxófónleikari fram með…
Upplýsingar óskast um Hljómsveit Kristjáns Guðmundssonar sem var starfandi veturinn 1970-71 en sveitin lék á að minnsta kosti einu þorrablóti í janúar 1971, í Kópvogi. Hér er óskað eftir upplýsingum um meðlimi sveitarinnar og hljóðfæraskipan, auk annars sem heima ætti í umfjölluninni.
Glatkistan óskar eftir upplýsingum um hljómsveit sem starfaði að líkindum á sjöunda áratug síðustu aldar undir nafninu Hljómsveit Kristjáns Gunnarssonar. Ekki liggur fyrir hver hljómsveitarstjórinn Kristján Gunnarsson var en óskað er upplýsinga um hann sem og um aðra meðlimi og hljóðfæraskipan sveitarinnar, einnig hvenær þessi sveit starfaði og hversu lengi.
Haustið 1996 starfaði hljómsveit að því er virðist í tengslum við listsýningu, undir nafninu Hljómsveit Kristjáns Hreinssonar (hugsanlega Hljómsveit Kristjáns Hreinssonar og hundurinn Gutti) en svo virðist sem hún sé kennd við ljóðskáldið og tónlistarmanninn Kristján Hreinsson sem þarna hafði gefið út plötu og átti eftir að senda frá sér nokkrar slíkar undir eigin útgáfufyrirtæki…
Vorið 1970 var hljómsveit sem að öllum líkindum lék gömlu dansana, starfandi undir nafninu Hljómsveit Kristjáns Jónssonar en hún lék á veitingastaðnum Skiphóli í Hafnarfirði um það leyti. Hér vantar allar upplýsingar um meðlimi sveitarinnar, hljóðfæraskipan og annað sem heima ætti í þessari umfjöllun en hugsanlegt er að hér sé að ræða trompetleikarann Kristján Jónsson…
Kristján Magnússon píanóleikari starfrækti hljómsveit um tveggja ára skeið í byrjun sjöunda áratugarins, sem lék að því er virðist mestmegnis í Sjálfstæðishúsinu við Austurvöll og Klúbbnum en sveitin varð fyrsta hljómsveitin sem lék í síðarnefnda húsinu. Hljómsveitin tók til starfa um sumarið 1960 og starfaði eitthvað fram á 1962 en því miður eru upplýsingar um…
Árið 1985 annaðist hljómsveit flutning á tónlist á leiksýningu sem Leikfélag Hveragerðis setti á svið, undir nafninu Hljómsveit Kristjáns Ólafssonar en þessi sveit mun einnig hafa leikið á dansleikjum um svipað leyti. Óskað er eftir upplýsingum um þessa sveit, meðlimi hennar og hljóðfæraskipan og ekki síst um hljómsveitarstjórann Kristján Ólafsson.
Hljómsveit Austurríkismannsins Josef Felzmann starfaði um tveggja ára skeið um miðbik sjötta áratugarins en Felzmann hafði þá dvalið hér á landi og starfað með hléum síðan 1933. Hljómsveitin hafði mikið að gera við spilamennsku í Tjarnarcafe og við plötuupptökur en hún kom við sögu á nokkrum plötum Alfreðs Clausen Fyrstu heimildir um hljómsveit í nafni…
Alfreð Clausen – Ágústnótt / Vökudraumar [78 sn.] Útgefandi: Íslenzkir tónar Útgáfunúmer: IM 22 Ár: 1953 1. Ágústnótt 2. Vökudraumar Flytjendur Kvartett Josef Felzmann – Carl Billich – píanó – Josef Felzmann – fiðla – Einar B. Waage – bassi – Jan Morávek – harmonikka Alfreð Clausen – Kveðja / Litla stúlkan [78 sn.] Útgefandi: Íslenzkir tónar Útgáfunúmer: IM 28 Ár: 1953 1. Kveðja 2.…
Hljómsveit Jóns Tynes lék á skátadansleik sem haldinn var í félagsheimili Ungtemplara að Jaðri ofan við Elliðavatn sumarið 1962. Sveitin var að öllum líkindum skipuð ungum tónlistarmönnum úr röðum skáta en Jón Tynes hljómsveitarstjóri var 17 ára gamall. Ekki liggur fyrir á hvaða hljóðfæri Jón lék en hann gæti jafnframt hafa sungið í hljómsveitinni, upplýsingar…
Harmonikkuleikarinn og hjúkrunarfræðingurinn Jóna Einarsdóttir starfrækti hljómsveit í eigin nafni um nokkurra ára skeið innan Harmonikufélags Reykjavíkur á tíunda áratug síðustu aldar. Sveitin var stofnuð vorið 1991 og var fjögurra manna, sjálf lék Jóna á harmonikku en auk hennar voru í sveitinni gítarleikari, trommuleikari og söngkona sem vantar upplýsingar um – hugsanlega var söngkonan Kristrún…
Á árunum 1936 til 39 starfaði hljómsveit sem virðist hafa verið eins konar húshljómsveit í K.R. húsinu en sveitin lék á þeim árum margsinnis þar undir nafninu Hljómsveit K.R. hússins. Svo virðist sem K.R. húsið hafi verið Báran (Bárubúð). Árið 1936 munu meðlimir sveitarinnar hafa verið þeir Óskar Cortes fiðlu- og saxófónleikari, Bjarni Guðjónsson trommuleikari,…
Hljómsveit Kalla Bjarna starfaði á Akranesi um árabil á áttunda áratug síðustu aldar og lék sveitin á fjölmörgum dansleikjum á Skaganum og nágrannasveitarfélögunum. Sveitin var stofnuð haustið 1974 og voru upphaflegir meðlimir sveitarinnar þeir Sveinn Jóhannsson trommuleikari, Reynir Theódórsson söngvari og gítarleikari, Brynjar Víkingur Sigurðsson bassaleikari, Jón Trausti Hervarsson saxófónleikari og hljómsveitarstjórinn Ketill Baldur Bjarnason…
Karl Adolfsson starfrækti hljómsveitir með margra áratuga millibilli, annars vegar á fimmta og sjötta áratug síðustu aldar fyrir norðan og svo hins vegar í lok aldarinnar og fram á þá nýju á höfuðborgarsvæðinu. Karl starfrækti hljómsveit í eigin nafni á Akureyri en sú sveit lék lengstum á Hótel Norðurlandi en síðar einnig víðar um Akureyri…
Gítarleikarinn Karls Lilliendahl var einn fjölmargra sem hófu að starfrækja hljómsveit um og upp úr miðri 20. öldinni en algengt var þá að sveitir væru í nafni hljómsveitarstjórans og að lausráðnir söngvarar syngju með sveitunum um lengri eða skemmri tíma en væru í raun ekki hluti af hljómsveitinni. Karl hafði fyrst verið með skólahljómsveit þegar…
Karl O. Runólfsson var fyrst og fremst þekkt tónskáld en áður en hann sneri sér að þeim fræðum starfrækti hann hljómsveitir og var raunar líklega fyrstur Íslendinga til að reka danshljómsveit hér á landi, sveitir hans voru venjulega auglýstar undir nafninu Hljómsveit Karls Runólfssonar. Fyrstu heimildir um hljómsveit starfandi undir hans stjórn herma hana hafa…
Upplýsingar óskast um hljómsveit sem í heimildum er kölluð Hljómsveit Karls Örvarssonar en hún var starfrækt haustið 1989 og lék þá á dansleik í Keflavík og jafnvel víðar. Ekki liggur neitt meira fyrir um þessa sveit, um meðlimi hennar eða hljóðfæraskipan. Hugsanlegt er að þetta sé hljómsveitin Sprakk sem Karl starfaði með um sama leyti.
Hornaflokkur sem bar heitið Himneskur herskari lék fyrir gesti í Iðnó sumarið 1999 en það sama kvöld hélt hljómsveitin Hr. Ingi R. og Magga Stína stórdansleik í húsinu. Glatkistan veit engin deili á Himneskum herskara en hér er giskað á að einhverjir meðlimir Hr. Inga R. Og Möggu Stínu hafi einnig verið í hornaflokknum –…
Hljómsveit Jóns Sigurðssonar bankamanns lék fyrir gömlu dönsunum víðs vegar um höfuðborgarsvæðið frá því undir lok áttunda áratugar síðustu aldar og fram á þann tíunda en dansleikir sveitarinnar voru kjörinn félagslegur vettvangur fyrir þá sem komnir voru af allra léttasta skeiðinu. Jón Sigurðsson sem hér er um rætt var yfirleitt kallaður Jón í bankanum eða…
Danslagakeppnin Hótel Borg – ýmsirÚtgefandi: Hótel Borg Útgáfunúmer: HB 001 Ár: 1986 1. Hjördís Geirsdóttir – Skíðaferð: polki 2. Þuríður Sigurðardóttir – Söknuður: tangó 3. Jón Kr. Ólafsson – Töfrandi tónar: vals 4. Péturspolki 5. Arna Þorsteinsdóttir – Hestamannaræll 6. Einar Júlíusson – Austur yfir fjall 7. Jóhann Helgason – Minning: tangó 8. Dansað á Borginni: polki 9.…
Hljómsveit Jóns Kjartanssonar á Selfossi starfaði á árunum 1948 til 1950 að minnsta kosti og lék þá yfir sumartímann á dansleikjum tengdum héraðsmótum framsóknarmanna í Árnes- og Rangárvallasýslum. Hljómsveitarstjórinn Jón Kjartansson var frá Unnarholti á Skeiðum og lék á saxófón en ekki er alveg ljóst hverjir skipuðu sveitina með honum, þó liggur fyrir að Guðmar…
Píanistinn Jón Möller starfrækti tvívegis hljómsveitir í eigin nafni á sjöunda áratug síðustu aldar, reyndar var hann í nokkur skipti með djasstríó einnig en þeim tríóum eru gerð skil í sér umfjöllun undir Tríó Jóns Möller. Sumarið 1963 var Jón með hljómsveit í Sjálfstæðishúsinu við Austurvöll og var að öllum líkindum um tríó að ræða…
Upplýsingar óskast um hljómsveit sem starfaði árið 1938 undir nafninu Hljómsveit Jóns Ólafssonar en sveitin lék á skemmtisamkomu í Hveragerði þá um haustið. Engar frekari upplýsingar er að finna um þennan Jón Ólafsson eða aðra meðlimi sveitarinnar og hljóðfæraskipan, og er því hér með óskað eftir þeim.
Jón Sigurðsson trompetleikari eins og hann var yfirleitt nefndur (til aðgreiningar frá Jóni Sigurðssyni í bankanum og Jóni Sigurðssyni bassaleikara) var frá Akureyri og þar starfaði hann með og starfrækti hljómsveitir á yngri árum. Hann var tvítugur þegar hann stofnaði hljómsveit í eigin nafni sem lék mestmegnis á Hótel Norðurlandi en einnig á skemmtunum og…
Jón Páll Bjarnason gítarleikari starfrækti fjöldann allan af hljómsveitum allan sinn starfsferil og af ýmsu tagi, djasstengdum sveitum hans hefur verið gerð skil í sér umfjöllun undir Tríó Jóns Páls Bjarnasonar en hér eru hins vegar til umfjöllunar aðrar hljómsveitir hans. Fyrsta Hljómsveit Jóns Páls Bjarnasonar starfaði í Breiðfirðingabúð í upphafi árs 1957 og var…
Djasssveit sem gekk undir nafninu Hljómsveit Jóns Páls og Árna Scheving starfaði um skamma hríð vorið 1992 en um það leyti lék hún á uppákomu á Hressó í tilefni af Listahátíð í Reykjavík. Eins og glöggir lesendur hafa væntanlega áttað sig á er hér um að ræða gítarleikarann Jón Pál Bjarnason (sem þá bjó reyndar…
Glatkistan óskar eftir upplýsingum um hljómsveit sem í auglýsingu er kölluð Hljómsveit Jóns Pálssonar en hún lék á dansleik tengdum árshátíð Iðnskólans sem haldin var í Næturklúbbnum (síðar Glaumbæ) í febrúar 1962. Ekki er útilokað að um einhvers konar villu sé að ræða, að hér eigi annað hvort að vera hljómsveit Jóns Páls [Bjarnasonar] eða…
Jón Sigurðsson bassaleikari eða Jón bassi, eins og hann var iðulega kallaður til aðgreiðingar frá nöfnum sínum Jóni trompetleikara og Jóni í bankanum (og reyndar fleirum), stjórnaði ógrynni hljómsveita um ævi sína – þar var bæði um að ræða danshljómsveitir sem léku á skemmtistöðum og félagsheimilum víða um land og einnig hljómsveitir sem hann stjórnaði…
Hljómsveit Jóns Svans Péturssonar var starfrækt um skamma hríð en sveitin lék á tónleikum sem Kirkjukór Stykkishólms efndi til í febrúar 1988, og lék væntanlega undir söng kórsins. Meðlimir sveitarinnar voru Hafsteinn Sigurðsson [?], Lárus Pétursson [gítarleikari?], Daði Þór Einarsson básúnuleikari og hljómsveitarstjórinn Jón Svanur Pétursson [?]. Hugsanlega lék þessi sama sveit nokkru síðar í…
Fjölmargar hljómsveitir störfuðu undir stjórn píanóleikarans og lagahöfundarins Jónatans Ólafssonar en heimildum ber ekki saman um starfstíma hljómsveita hans, þannig er hann ýmist hafa starfrækt hljómsveitir frá árinu 1947 eða 1950 og allt til 1959 eða 1966. Jafnframt er talað um hljómsveit í hans nafni sem starfaði á Hótel Birninum í Hafnarfirði á árunum 1941-45…
Óskað er eftir upplýsingum um hljómsveit sem bar nafnið Hljómsveit Jóns Jónssonar en þessi sveit lék ásamt fleiri sveitum á dansleik í Sjálfstæðishúsinu við Austurvöll vorið 1947. Svo virðist sem um skammlífa sveit hafi verið að ræða. Hér er óskað eftir upplýsingum um meðlimi og hljóðfæraskipan, starfstíma og annað sem ætti heima í umfjölluninni.
Haustið 1977 lék Hljómsveit Jóns Jónssonar fyrir dansi á Skiphóli í Hafnarfirði. Engar frekari upplýsingar er að finna um þessa sveit, hvorki meðlimi hennar né hljóðfæraskipan en hún mun hafa leikið gömlu dansana. Allar nánari upplýsingar um Jón Jónsson og félaga má senda Glatkistunni.
Óskað er eftir upplýsingum um Hljómsveit Jóhannesar Ásbjörnssonar sem ku hafa gert út frá Akureyri árið 1979. Engar frekari upplýsingar er að finna um þessa hljómsveit en Jóhannes Ásbjörnsson mun vera harmonikkuleikari sem gæti þó hafa leikið á hljómborð í þessari hljómsveit sinni. Hér er óskað eftir frekari upplýsingum um þessa sveit, meðlimi hennar, hljóðfæraskipan…
Hljómsveit Jóhannesar Jóhannessonar lék fyrir dansi á árshátíð verkakvennafélagsins Framtíðar í Góðtemplarahúsinu í Hafnarfirði haustið 1933. Ekki finnast neinar frekari upplýsingar um þessa hljómsveit en svo virðist sem um sé að ræða harmonikkuleikarann Jóhannes Gunnar Jóhannesson og að hann hafi um þetta leyti starfrækt hljómsveit í sínu nafni. Óskar er eftir frekari upplýsingum um þessa…
