Hljómsveitakeppni var haldin á vegum útgáfufyrirtækisins Cod music í þrígang á árunum 2008 til 2010, sigurvegarar keppninnar hlutu að launum útgáfusamning hjá Cod music. Vorið 2007 hafði veftímaritið getrvk.com staðið fyrir Hljómsveitasveitinni Krúnk í Iðnó í samstarfi við Apple á Íslandi, Ölgerðina Egil Skallagrímsson og Cod music þar sem fyrstu verðlaunin voru útgáfusamningur og hljóðverstímar…
Hljómsveit Páls Helgasonar starfaði veturinn 1966-67 á Akureyri en hún mun hafa verið húshljómsveit þá á Hótel KEA. Ekki liggja fyrir neinar frekari upplýsingar um sveitina aðrar en þær að Helena Eyjólfsdóttir söng með henni, og að öllum líkindum var Páll sjálfur bassaleikari. Þegar Helena hætti til að taka við starfi Erlu Stefánsdóttur í Hljómsveit…
Pétur Vilhelm Bernburg starfrækti hljómsveit í eigin nafni um nokkurra ára skeið – Hljómsveit Péturs Bernburg (stundum Hljómsveit Pjeturs Bernburg) en sveitin gekk einnig um tíma undir nafninu Sumarhljómsveitin er hún lék á skemmtunum og útidansleikjum að Eiði við Gufunes en það var vinsæll samkomustaður sem Heimdellingar komu á fót á fjórða áratugnum. Hljómsveit Péturs…
Hljómsveit Péturs Pétursson lék í fáein skipti á skemmtistað í Kópavogi haustið 1988. Engin frekari deili er að finna um þessa sveit en Pétur sá sem sveitin er kennd við gæti hafa verið hljómborðsleikari. Óskað er eftir frekari upplýsingum um Pétur og hljómsveit hans, meðlima- og hljóðfæraskipan hennar, starfstíma og annað sem heima ætti í…
Skagfirðingurinn Pétur Víglundsson starfrækti hljómsveit á árunum 1974 og 75 að minnsta kosti, undir nafninu Hljómsveit Péturs Víglundssonar. Sveit þessi mun hafa leikið á dansleikjum á svæðinu en engar frekari upplýsingar er að finna um hana aðrar en að Pétur var harmonikkuleikari, og er því hér með óskað eftir þeim upplýsingum.Hl
Fjölmargir prentarar störfuðu sem tónlistarmenn á sínum tíma og reyndar virðist hafa verið vinsælt meðal tónlistarmanna að læra prentiðnina enda hafi það samræmst ágætlega m.t.t. vinnutíma og slíks. Meðal prentara í tónlistargeiranum á þessum tíma má nefna nöfn eins og Skapta Ólafsson, Hauk Morthens, Magnús Ingimarsson, Viðar Alfreðsson, Harald Guðmundsson, Sigurdór Sigurdórsson, Braga Einarsson og…
Hljómsveitir voru oft starfræktar við Héraðsskólann að Reykjum í Hrútafirði og voru líklega iðulega kallaðar Skólahljómsveit Reykjaskóla. Ekki liggur ljóst fyrir hvenær fyrsta hljómsveitin starfaði við skólann, hugsanlega undir lok sjötta áratugarins en fyrsta staðfesta sveitin starfaði þar veturinn 1962-63, Þórir Steingrímsson trommuleikari (og síðar upptökumaður) var þar titlaður hljómsveitarstjóri en aðrir meðlimir voru Gunnar…
Afmælisbörn dagsins eru sex að þessu sinni: Ingibjörg Guðjónsdóttir sópran söngkona og kórstjórnandi er fimmtíu og níu ára í dag. Hún gaf út plötu með óperuaríum fyrir nokkrum árum og síðar einnig djassskotnu plötuna Ó ó Ingibjörg, ásamt bræðrum sínum, hún hefur aukinheldur sungið inn á nokkrar aðrar plötur. Ingibjörg hefur stjórnað Kvennakór Garðabæjar og…
Fjögur tónlistartengd afmælisbörn dagsins eru eftirfarandi: Natalía Chow Hewlett kórstjórnandi frá Hong Kong á sextíu og tveggja ára afmæli á þessum degi, hún hefur stýrt fjölmörgum kórum hér á landi síðustu áratugina eins og Kvennakór Kópavogs, Englakórnum og Kór Ytri-Njarðvíkurkirkju. Þá á Emilía Björg Óskarsdóttir söngkona (Emilía í Nylon) fertugs afmæli – stórafmæli á þessum…
Afmælisbörn Glatkistunnar eru fjölmörg á þessum degi eða tíu talsins: Ásgerður Flosadóttir er sjötug og fagnar því stórafmæli í dag. Ásgerður var þekktust fyrir framlag sitt á plötu Samsteypunnar sem út kom 1970 og hafði m.a. að geyma lagið Friður á jörð (Give peace a change). Hún hefur lítið verið viðloðandi tónlist seinni ár. Jóhann…
Þriðja og síðasta myndasyrpan frá Iceland Airwaves er nú komin á Facebook-síðu Glatkistunnar og að þessu sinni er um að ræða myndir frá laugardagskvöldinu. Airwaves hefur nú verið í gangi síðan á miðvikudaginn með fjölda uppákoma um allan miðbæ Reykjavíkur (og víðar), hátíðin var sett á fimmtudaginn og síðan þá hefur verið stanslaus tónlistarveisla en…
Glatkistan var á ferðinni með myndavélina á Iceland Airwaves tónlistarhátíðinni á föstudagskvöldið og má sjá hluta afrakstursins á Facebook síðu Glatkistunnar – meðal þess sem var á boðstólum það kvöld má nefna Úlf Úlf, Pétur Ben, Flott, Teit Magnússon og Klemens Hannigan.
Fimm tónlistartengd afmælisbörn eru á skrá Glatkistunnar að þessu sinni: Gylfi (Viðar) Ægisson söngvari, gítar- og harmonikkuleikari, sprellari, söngleikjahöfundur, útgefandi, laga- og textasmiður er sjötíu og átta ára gamall í dag, hann hefur mest starfað sem sólólistamaður og gefið út fleiri tugi platna sem slíkur en hefur einnig unnið með GRM, Áhöfninni á Halastjörnunni, auk…
Eins og síðustu ár hefur Glatkistan deilt myndum frá Iceland Airwaves tónlistarhátíðinni. Á Facebook síðu Glatkistunnar má nú líta fjöldann allan af slíkum myndum frá fimmtudagskvöldinu en hátíðin er enn í fullum gangi víðs vegar um borgina og verður fram á sunnudag. Þá er minnt á að fjöldi ókeypis off venue viðburða eru í gangi…
Tvö afmælisbörn koma við tónlistarsögu Glatkistunnar á þessum degi: Leó (Reynir) Ólason hljómborðsleikari frá Siglufirði er sextíu og níu ára gamall á þessum degi, hann hefur komið víða við á hljómsveitaferli sínum og hefur leikið með sveitum eins og Frum, Hendrix, Vönum mönnum og Miðaldamönnum auk fleiri. Leó hefur jafnframt gefið út efni í eigin…
Fjögur afmælisbörn eru á skrá Glatkistunnar að þessu sinni: Torfi Ólafsson tónlistarmaður er sextíu og níu ára gamall í dag en fáir hafa líklega leikið á bassa og gítar með jafnmörgum pöbbasveitum og hann, þeirra á meðal má nefna sveitir eins Droplaugu, Rósina, Glæsi, Marz, Systur Söru, Venus, Borgarsveitina, Dansbandið, ET-bandið og Melódíku. Torfi er…
Afmælisbörn dagsins eru fimm talsins á skrá Glatkistunnar: Óttarr Ólafur Proppé fyrrverandi alþingismaður og söngvari Ham, Funkstrasse, Rass, Dr. Spock, Drullu o.fl. er fimmtíu og sex ára gamall á þessum degi. Margir þekkja hann einnig sem prófessorinn á Diskóeyjunni og enn fleiri muna eftir honum í bakraddahlutverki í Eurovision keppninni með Pollapönkurunum. Alexandra Baldursdóttir gítarleikari…
Iceland Airwaves tónlistarhátíðin er nú í þann mund hefjast í 25. skipti en hátíðin hefur verið hluti af reykvísku tónlistarlífi síðan 1999 þegar hún var haldin í fyrsta sinn í flugskýli á Reykjavíkurflugvelli. Hátíðin verður sett á morgun, fimmtudag og mun standa fram á sunnudag en fyrstu viðburðirnir eru reyndar á dagskrá strax í dag.…
Gítarleikarinn Ólafur Gaukur Þórhallsson starfrækti hljómsveitir svo að segja samfleytt frá því um 1950 og allt til 1985 en þó þeim mun lengur séu allar hans sveitir með taldar. Hans fyrsta sveit var Tríó Ólafs Gauks sem er fjallað um í sér umfjöllun annars staðar á Glatkistunni en sú sveit hafði verið stofnuð 1948, hún…
Svanhildur og Hljómsveit Ólafs Gauks – Ég skal bíða þín / Þú ert minn súkkulaði-ís [ep] Útgefandi: SG-hljómplötur Útgáfunúmer: SG 559 Ár: 1971 1. Ég skal bíða þín 2. Þú ert minn súkkulaði-ís Flytjendur: Svanhildur Jakobsdóttir – söngur Ólafur Gaukur Þórhallsson – gítar [engar upplýsingar um aðra flytjendur] Svanhildur Jakobsdóttir – Ég kann mér ekki læti Útgefandi: SG-hljómplötur Útgáfunúmer: SG –…
Harmonikkuleikarinn Ólafur Pétursson starfrækti um og upp úr 1950 hljómsveit í eigin nafni sem lék á nokkrum dansleikjum. Fyrstu heimildir um hljómsveit í nafni Ólafs eru frá 1949 en þá lék sveit hans í fáein skipti ásamt fleiri sveitum í Breiðfirðingabúð og Mjólkurstöðinni. Tveimur árum síðar lék sveit undir hans stjórn á djassuppákomu og 1953…
Ólafur Þórarinsson (Labbi í Mánum) starfrækti hljómsveit í eigin nafni vorið 1993 en þá var sett á svið sýning á Hótel Selfossi sem bar heitið Leikur að vonum, hún var byggð á tónlist Ólafs og var uppistaðan að einhverju leyti lög sem hann hafði samið fyrir hljómsveitina Mána. Sýningin gekk fyrir fullu húsi í nokkur…
Trúbadorinn Ómar Diðriksson hefur starfrækt hljómsveitir í gegnum árum og meðal annars var hann með sveit í eigin nafni undir lok síðustu aldar og í byrjun þessarar. Á árunum 1996 og 97 starfaði sveit undir nafninu Hljómsveit Ómars Diðrikssonar og lék á öldurhúsum höfuðborgarsvæðisins og annars staðar en hún var í einhverjum tilfellum einnig kölluð…
Tónlistarmaðurinn Óskar Cortes starfrækti nokkrar vinsælar hljómsveitir á sínum tíma, flestar þeirra voru danshljómsveitir en hann var jafnframt einnig með strengjasveit í eigin nafni. Fyrstu sveitir Óskars störfuðu á Siglufirði en þangað fór hann fyrst sumarið 1935 ásamt Hafliða Jónssyni píanóleikara en sjálfur lék Óskar á fiðlu, síðar það sama sumar bættist Siglfirðingurinn Steindór Jónsson…
Haustið 1989 kom fram harmonikkuhljómsveit á höfuðborgarsvæðinu undir nafninu Hljómsveit Óskars Guðmundssonar og Þorvaldar Björnssonar en hún lék í fáein skipti á dansleikjum Eldridansaklúbbsins Eldingar. Engin frekari deili er að finna á þessari sveit, hverjir skipuðu hana aðrir en Óskar og Þorvaldur – Þorvaldur var þekktur harmonikkuleikari en ekki liggur fyrir hver Óskar var, hér…
Hljómsveit Óskars Ósberg (einnig nefnd Danshljómsveit Óskars Ósberg) var þekkt í skemmtanalífinu á Akureyri um miðja síðustu öld en þessi sveit virðist hafa starfað á árunum 1946 til 1950 að minnsta kosti, lék þá víða í samkomuhúsum Akureyrar og var líklega um tíma húshljómsveit á Hótel KEA – sveitin fór einnig til að leika á…
Söngvarinn og bassaleikarinn góðkunni Pálmi Gunnarsson hefur starfrækt nokkrar hljómsveitir í gegnum tíðina í eigin nafni, sú fyrsta var reyndar starfandi á fyrri hluta áttunda áratugarins og fær sér umfjöllun hér á síðunni en sú sveit hlaut síðar nafnið Mannakorn. Af síðari hljómsveitum Pálma ber hér fyrst að nefna tríó sem hann var með haustið…
Afar takmarkaðar upplýsingar er að finna um hljómsveit sem starfaði í Íslendingabyggðum í Winnipeg í Kanada um tuttugu ára skeið á fyrri hluta og um miðbik síðustu aldar undir nafninu Hljómsveit Pálma Pálmasonar. Fyrir liggur að sveitin starfaði fyrst árið 1931 og 32 og lék þá á skemmtunum Vestur-Íslendinga bæði á 17. júní og Íslendingahátíðum…
Hljómsveit Páls Dalman starfaði í fáeina mánuði á Hótel Borg vorið og sumarið 1938. Svo virðist sem Páll Dalman hafi komið hingað til lands í mars 1938 frá Englandi ásamt tveimur enskum hljóðfæraleikurum en sjálfur var Páll af vestur-íslenskum ættum og hafði búið í Winnipeg, hann var trompetleikari en ekki liggur fyrir á hvaða hljóðfæri…
Í dag eru fjögur tónlistartengd afmælisbörn á skrá Glatkistunnar: Jónas Sen fagnar sextíu og tveggja ára afmæli í dag. Jónas er píanóleikari, tónskáld og tónlistargagnrýnandi og hefur fengist við tónlist af ýmsu tagi, hann gaf t.d. út plötu með píanóverkum fyrir um tveimur áratugum og hefur einnig gefið út plötu með söngkonunni Ásgerði Júníusdóttur en…
Fimm afmælisbörn í tónlistargeiranum eru skráð hjá Glatkistunni á þessum degi: Viðar Jónsson tónlistarmaður er sjötíu og sjö ára gamall í dag. Viðar hefur mestmegnis verið viðloðandi pöbbabransann í gegnum tíðina, hann hefur leikið og sungið með fjölda sveita til langs tíma auk þess að starfa eins síns liðs. Meðal sveita sem Viðar starfaði með…
Eitt tónlistartengt afmælisbarn er á lista Glatkistunnar í dag: Það er ljóðskáldið Jóhannes (Bjarni Jónasson) úr Kötlum (1899-1972) sem hefði átt afmæli þennan dag. Fjöldi tónlistarfólks hefur í gegnum tíðina fært ljóð Jóhannesar í lagaform og gefið út á plötum, þeirra á meðal má nefna Valgeir Guðjónsson sem reyndar á að baki þrjár plötur byggðar…
Afmælisbörn Glatkistunnar eru fjögur í dag: Ólafur Þór Arnalds tónlistarmaður er þrjátíu og átta ára gamall á þessum degi. Ólafur hefur að mestu leyti starfað sjálfstætt tónskáld og tónlistarmaður, gefið út fjöldann allan af plötum og hlotið fyrir þær viðurkenningar en hann hefur einnig leikið á trommur með sveitum eins og Mannamúl, Celestine, Fighting shit…
Í dag eru afmælisbörn á skrá Glatkistunnar átta talsins: Troels Bendtsen á áttatíu og eins árs afmæli á þessum degi. Troels var einkum þekktur fyrir framlag sitt í Savanna tríóinu og Þremur á palli en báðar sveitirnar nutu vinsælda á sjöunda áratugnum, síðarnefnda sveitin starfaði einkum í nánu samstarfi við Jónas Árnason og leikhúsið en…
Afmælisbörn dagsins hjá Glatkistunni að þessu sinni eru átta talsins: Jón Sigurbjörnsson söngvari, leikari og hestamaður hefði átt afmæli í dag en hann lést 2021. Jón var fæddur á þessum degi 1922, nam leiklist í Bandaríkjunum og samhliða því lærði hann söng. Hann hélt áfram söngnámi á Ítalíu og hér heima en vann þó fyrst…
Tvö afmælisbörn eru á lista Glatkistunnar að þessu sinni: Grétar Geirsson harmonikkuleikari í Áshól er áttatíu og sjö ára gamall í dag. Grétar sem er með þekktari harmonikkuleikurum landsins hefur verið framarlega í félagsstarfi þeirra en einnig má heyra leik hans á fjölmörgum plötum s.s. Harmonikkufélags Rangæinga, Karlakórs Rangæinga, Félags harmonikkuunnenda, Sigfúss Ólafssonar, Ara Jónssonar…
Tónlistarmaðurinn góðkunni Magnús Kjartansson hafði starfað með fjölmörgum þekktum hljómsveitum á sjöunda og áttunda áratugnum og meðal þeirra má nefna sveitir eins og Trúbrot, Hauka, Júdas og Óðmenn en það var ekki fyrr en undir lok áttunda áratugarins sem hann stofnaði í fyrsta sinn hljómsveit í eigin nafni, eftir það starfrækti hann slíka sveit linnulítið…
Veiðiferðin – úr kvikmynd [ep]Útgefandi: Hljómplötuútgáfan Útgáfunúmer: HÚ 003 Ár: 1980 1. Eitt lítið andartak 2. Veiðiferðin Flytjendur: Hljómsveit Magnúsar Kjartanssonar: – Magnús Kjartansson – [?] – [engar upplýsingar um aðra hljóðfæraleikara] – Pálmi Gunnarsson – söngur Skólakór Garðabæjar – söngur Hljómsveit Magnúsar Kjartanssonar – Samkvæmt læknisráði Útgefandi: Hljóðriti Útgáfunúmer: Hljóðriti 001 0682 Ár: 1982 1. Gamli góði vin 2.…
Óskað er eftir upplýsingum um Hljómsveit Ólafs Kristjánssonar sem starfaði árið 2006, líklega innan Harmonikufélags Reykjavíkur. Sveitin mun hafa verið tríó en ekki liggja fyrir frekari upplýsingar um þessa sveit s.s. hversu lengi hún starfaði eða hverjir skipuðu hana með Ólafi.
Krossfield drengjakórinn var hljómsveit sem starfrækt var í Stórutjarnaskóla í Þingeyjarsveit á árunum í kringum síðustu aldamót, sveitin er í einni heimild að minnsta kosti kölluð Hljómsveit Ólafs Arngrímssonar. Krossfield drengjakórinn skipuðu áðurnefndur Ólafur Arngrímsson þáverandi skólastjóri á Stórutjörnum sem lék á hljómborð, Jaan Alavere kennari við skólann var hljómborðs-, harmonikku- og fiðluleikari, og Sigurður…
Haustið 1965 starfaði á Akranesi hljómsveit undir stjórn Ólafs Guðmundssonar sem lék þá á dansleik er haldinn var af félagi stúdenta á Vesturlandi. Hér er óskað eftir upplýsingum um hljómsveit Ólafs Guðmundssonar, meðlimi hennar og hljóðfæraskipan og ekki síst um sjálfan hljómsveitarstjórann.
Danski gítarleikarinn Ole Östergaard bjó lengi á Akranesi en þar starfrækti hann hljómsveitir. Hann hafði t.a.m. verið með strengjahljómsveit vorið 1948 en einnig starfrækti hann um og eftir 1950 hljómsveitina Fjarkann. Nokkru síðar stofnaði hann svo hljómsveit í eigin nafni sem hét einfaldlega Hljómsveit Ole Östergaard en hún starfaði í tvö eða þrjú ár, á…
Óðinn G. Þórarinsson lagahöfundur með meiru og harmonikkuleikari starfrækti hljómsveit í eigin nafni á Fáskrúðsfirði árið 1959, líklega um skamma hríð. Upplýsingar um hljómsveit Óðins eru mjög af skornum skammti en hér er óskað eftir upplýsingum um meðlimi hennar og hljóðfæraskipan. Ekki löngu síðar starfaði hann með hljómsveitinni Mánum á Fáskrúðsfirði svo þessi sveit hefur…
Oscar Johansen var dansk-sænskur fiðluleikari sem bjó hér á landi og starfaði um þriggja ára skeið á árunum 1909 til 1912, hann kenndi hér á fiðlu en var fyrst og fremst ráðinn hingað til lands til að leika fyrir gesti á Hótel Íslandi en hélt reyndar einnig tónleika víða um land. Oscar stofnaði hljómsveit sem…
Söngvarinn Óðinn Valdimarsson starfrækti hljómsveit í eigin nafni um nokkurra mánaða skeið yfir veturinn 1961 til 62 en sveitin mun líkast til eingöngu hafa leikið á dansleikjum í Alþýðuhúsinu á Akureyri, fjórum sinnum í viku hverri. Meðlimir Hljómsveitar Óðins Valdimarssonar voru auk hans sjálfs þeir Grétar Ingvarsson gítarleikari, Reynir Schiöth píanóleikari, Kristján Páll Kristjánsson bassa-…
Óskað er eftir upplýsingum um Hljómsveit Óla Ben (einnig nefnd Kvartett Óla Ben) en þessi sveit starfaði um skamma hríð fyrri hluta árs 1966, og virðist þá bæði hafa leikið á öskudagsskemmtunum og í Glaumbæ á almennum dansleikjum. Forsprakki sveitarinnar var Ólafur Benediktsson (Óli Ben) trommuleikari en hann hafði fáeinum árum áður starfrækt hljómsveit sem…
Vestur-Íslendingurinn Óli Thorsteinsson (Ólafur Steingrímur Þorsteinsson Thorsteinsson) starfrækti hljómsveit eða hljómsveitir á fimmta áratug síðustu aldar á Gimli í Manitoba í Kanada, sem virðist einkum hafa leikið á Íslendingadeginum sem haldinn var þar hátíðlegur í ágúst ár hvert. Þessi sveit lék að minnsta kosti tvívegis á þess konar hátíðum, árin 1941 og 1947 en fyrrnefnda…
Í dag er eitt tónlistartengt afmælisbarn á skrá Glatkistunnar: Hafnfirðingurinn Jón Ragnar Jónsson eða bara Jón Jónsson fagnar þrjátíu og níu ára afmæli sínu á þessum degi. Jón skaust fram á sjónarsviðið með hljómsveit sinni árið 2010 sem einmitt hét Jón Jónsson, og í kjölfarið hófst sólóferill hans með plötunni Wait for fate ári síðar…
Að þessu sinni eru tvö afmælisbörn á skrá Glatkistunnar: Þorvaldur Halldórsson söngvari frá Siglufirði hefði fagnað áttræðis afmæli sínu í dag en hann lést fyrr á þessu ári. Þorvald þekkja auðvitað allir fyrir lagið Á sjó, sem gefið var út 1966 en þá þegar var hann orðinn einn ástsælasti söngvari landsins. Þorvaldur lék á gítar…
Afmælisbörn dagsins eru átta talsins að þessu sinni: Egill Eðvarðsson er sjötíu og sjö ára gamall í dag. Egill er kunnastur fyrir störf sín hjá Sjónvarpinu en hann var einnig tónlistarmaður á árum áður, hann lék til að mynda með gjörningasveitinni Combó Þórðar Hall sem vakti mikla athygli á sínum tíma en aðrar hljómsveitir sem…
