Fimm tónlistarmenn eiga afmæli í dag og eru á skrá Glatkistunnar: Aðalbjörn Tryggvason söngvari og gítarleikari Sólstafa er fjörutíu og sex ára gamall í dag, Sólstafir hefur starfað síðan 1995 og liggja vel á annan tug útgáfa eftir sveitina. Sólstafir er þó ekki eina sveitin sem Aðalbjörn starfar með því hann hefur einnig leikið með…
Sex afmælisbörn í tónlistargeiranum hafa þennan afmælisdag samkvæmt kokkabókum Glatkistunnar: Magnús Kjartansson tónlistarmaður er sjötíu og tveggja ára gamall í dag. Hann sleit barnskónum í Keflavík og hóf þar tónlistarferil sinn en fáir hafa leikið með jafn mörgum þekktum hljómsveitum og Magnús. Svo nokkrar þeirra séu upp taldar skal nefna hér Hauka, Galdrakarla, Júdas, Óðmenn,…
Kór eða söngfélag mestmegnis skipað söngfólki af svarfdælskum uppruna starfaði á höfuðborgarsvæðinu um nokkurra ára skeið í kringum aldamótin undir nafninu Söngfélagið Sunnan heiða – reyndar gekk hópurinn fyrst um sinn ýmist undir nafninu Kór Svarfdæla/Svarfdælinga sunnan heiða, jafnvel Svarfdælingakórinn í Reykjavík en Sunnan heiða nafnið varð ofan á að lokum og undir því nafni…
Söngfélagið Sunnan heiða, Gunnsteinn Ólafsson, Ólafur Kjartan Sigurðsson baritón, Pétur Björnsson kvæðamaður – Stemmur Útgefandi: [engar upplýsingar] Útgáfunúmer: [engar upplýsingar] Ár: 2004 1. kynning 2. Stemmur Flytjendur: Söngfélagið Sunnan heiða – söngur undir stjórn Kára Gestssonar Ólafur Kjartan Sigurðsson – einsöngur Pétur Björnsson – rímur
Fremur fáar heimildir er að finna um kór brottfluttra Svarfdælinga í Reykjavík sem starfaði innan Samtaka Svarfdælinga á höfuðborgarsvæðinu á níunda áratug liðinnar aldar, kórinn virðist hafa gengið undir nokkrum nöfnum en Svarfdælingakórinn í Reykjavík mun mestmegnis hafa verið notað. Svo virðist sem kórinn hafi starfað á árunum 1983 til 87 og ekki alveg samfleytt…
Um fimmtán ára skeið var haldinn árlegur tónlistarviðburður í Skálholti þar sem fólk úr ýmsum áttum hittist og æfði söng sem var svo fluttur á tónleikum í Skálholtskirkju, undir yfirskriftinni Söngdagar í Skálholti en hugmyndin og frumkvæðið kom frá Jónasi Ingimundarsyni píanóleikara sem var alla tíð stjórnandi verkefnisins, fleira tónlistarfólk kom þó einnig að verkefninu.…
Óskað er eftir upplýsingum um söngkvintett sem starfaði á Raufarhöfn árið 1995 undir nafninu Söngdívur en kvintettinn gæti þá hafa verið starfandi um nokkurn tíma.
Haustið 1916 fóru tólf ungir menn úr Ungmennafélagi Reykdæla í Borgarfirðinum til Reykjavíkur til fundar við tónlistarfrömuðinn Sigfús Einarsson og námu hjá honum kórsöng í nokkra daga. Þessi sönghópur er kallaður Söngflokkur Reykdæla í heimild og söng hann opinberlega á skemmtifundi hjá Ungmennafélagi Reykjavíkur í þessari sömu ferð við góðar undirtektir. Ekki liggur fyrir hvort…
Kór stúlkna söng á afmælishátíð Kvennaskóla Húnvetninga sumarið 1939 þegar skólinn fagnaði 60 ára afmæli sínu með veglegum hátíðarhöldum. Sólveig Benediktsdóttir stjórnaði þá kórnum sem gekk undir nafninu Söngflokkur Kvennaskóla Húnvetninga. Engar heimildir eru til um að þessi kór hafi verið starfræktur á öðrum tíma en upplýsingar um hann eru vel þegnar.
Glatkistan óskar eftir upplýsingum um Söngkvartett MA sem keppti í Viðarstauk, tónlistarkeppni Menntaskólans á Akureyri árið 1993. Að öllum líkindum var um söngkvartett að ræða eftir nafninu að dæma en það þarf þó ekki endilega að vera enda getur menntaskólahúmor teygst víða og í allar áttir.
Sönghópurinn eða Söngsveitin Október var starfandi innan vinstri hreyfingarinnar um miðjan áttunda áratuginn, að minnsta kosti frá árinu 1974 og eitthvað fram eftir árinu 1976 en þá var auglýst eftir fleiri söngröddum og svo gítarleikara, svo ljóst er að hópurinn kom fram við gítarundirleik, hópurinn skemmti í nokkur skipti á skemmtunum og fundum. Upplýsingar um…
Á síðasta hluta tuttugustu aldarinnar var starfræktur sönghópur – misstór og með hléum, sem skemmti með fjölbreytilegum söng allt frá Bítlunum til Bach, undir nafninu Sönghópurinn Emil og Anna Sigga. Haustið 1985 var sönghópurinn stofnaður sem kvartett og voru upphaflegir meðlimir hans þeir Bergsteinn Björgúlfsson tenór, Snorri Wium tenór, Sigurður Halldórsson kontratenór og Ingólfur Helgason…
Innan Menntaskólans á Laugarvatni störfuðu söngkvartettar stóran hluta sjöunda áratugar síðustu aldar og hefur Glatkistan upplýsingar um nokkra slíka. Sá fyrsti var starfandi um 1960 og hann skipuðu þeir Gestur Steinþórsson fyrsti tenór, Sigurður Rúnar Símonarson annar tenór, Þórhallur Hróðmarsson fyrsti bassi og Sigurjón Jónsson annar bassi. Ingimar Eydal annaðist undirleik og æfði kvartettinn. Næsti…
Hvorki fleiri né færri en átta afmælisbörn er að finna í Glatkistunni í dag: Kristín Lilliendahl söngkona er sextíu og átta ára gömul í dag. Kristín vakti upphaflega athygli í hljómsveitinni Formúla ´71 en síðar var hún annar Söngfuglanna sem gaf út barnaplötu um miðjan áttunda áratuginn og lagið Ég skal mála allan heiminn elsku…
Glatkistan hefur fimm afmælisbörn á skrá sinni á þessum degi: Fyrstan skal nefna rokkarann og Eurovision-farann Eirík Hauksson en hann er sextíu og fjögurra ára gamall í dag. Eiríkur hefur hin síðustu ár starfað í Noregi og verið þar í hljómsveitum s.s. Artch en hér heima gerði hann garðinn frægan með ýmsum hljómsveitum, Start, Drýsill,…
Í dag eru þrjú tónlistartengd afmælisbörn á skrá hjá Glatkistunni: Tónlistarmaðurinn Lýður Ægisson hefði átt afmæli á þessum degi en hann lést 2019. Lýður (f. 1948), sem var bróðir Gylfa Ægissonar tónlistarmanns og faðir Þorsteins Lýðssonar sem einnig hefur gefið út efni, sendi frá sér nokkrar sólóplötur á sínum tíma, þá fyrstu 1985. Lýður starfaði…
Tvö tónlistartengd afmælisbörn eru á skrá Glatkistunnar að þessu sinni: Gunnar Bjarni Ragnarsson tónlistarmaður er fimmtíu og fjögurra ára á þessum degi. Margir muna eftir honum sem gítarleikara og lagahöfundi í hljómsveitinni Jet Black Joe sem fór mikinn upp úr 1990 en hann hefur einnig starfrækt fjöldann allan af hljómsveitum frá unga aldri, þar má…
Fimm afmælisbörn eru á lista Glatkistunnar í dag: Fyrstan skal nefna Hreim Örn Heimisson söngvara, eða bara Hreim í Landi og sonum en hann er fjörutíu og fimm ára gamall í dag. Hreimur söng og spilaði með nokkrum hljómsveitum áður en Land og synir komu til sögunnar, þar má nefna Föroingabandið, Sexappeal, Eins og hinir,…
Á þessum síðasta degi júnímánaðar koma fjögur afmælisbörn við sögu: Hjörtur Howser píanó- og hljómborðsleikari hefði átt afmæli á þessum degi en hann lést fyrr á árinu. Hann kom mjög víða við í íslensku tónlistarlífi, fyrst með sveitum eins og Tívolí og Fermata um 1980 en síðan með Bogart, Dúndrinu, Gömmum, Grafík, Hljómsveit Björgvins Halldórssonar,…
Afmælisbörn Glatkistunnar eru fimm að þessu sinni: Bryndís Sunna Valdimarsdóttir er fimmtíu og fjögurra ára gömul í dag. Bryndís lærði söng og píanóleik, hefur sungið inn á nokkrar plötur og verið í hljómsveitum eins og 8villt og Doríu, og sönghópum eins og Afródítum og Söngsystrum en líka sungið í sýningum eins og Bítlaárunum, sem sett…
Söngflokkur Eiríks Árna spratt fram á sjónarsviðið fyrir jólin 1976 þegar út kom plata með söngflokknum á vegum hljómplötuútgáfunnar Júdasar. Ekki liggur fyrir hvenær Söngflokkur Eiríks Árna var stofnaður en um var að ræða hóp 23 söngvara sem sungu undir stjórn söngkennarans og myndlistamannsins Eiríks Árna Sigtryggssonar en hann var um þær mundir einnig stjórnandi…
Söngflokkur Eiríks Árna – Söngvar um ástina Útgefandi: Hljómplötuútgáfan Útgáfunúmer: Júdas JUD 007 Ár: 1976 1. Stysta leið til Stokkseyrar 2. Konan sem kyndir ofninn minn 3. Minning 4. Meira 5. Smáblóm 6. Hvað gerist nú 7. Regndropar falla 8. Hringdu 9. Allir eru að tala um mig 10. Hver má sigla þá blæs ei…
Litlar upplýsingar er að finna um karlakór sem í heimild er kallaður Söngflokkur Íslendinga í Kaupmannahöfn en þessi kór mun hafa starfað veturinn 1913-14 undir stjórn William Barbieri sem þá var söngstjóri Frúarkirkjunnar í Kaupmannahöfn. Um var að ræða karlakór sem innihélt á annan tug söngmanna og þeirra á meðal voru nokkrir þekktir tónlistarmenn, þeir…
Sönghópur starfaði um fimm ára skeið um aldamótin 2000 á Ísafirði undir nafninu Söngfjelagið úr Neðsta. Söngfjelagið úr Neðsta mun hafa verið stofnað í Neðstakaupstað á Ísafirði vorið 1996 í tengslum við sumarhátíð fyrir vestan en hópurinn hlaut reyndar ekki nafn fyrr en um ári síðar, um páskana 1997 þegar hann kom fram á dagskrá…
Söngfélagið Vonin var stofnað og starfrækt árið 1907 meðal Íslendinga í Brandon í Manitoba en virðist hafa verið skammlíft. Hr. og frú Sigurðsson (sem ekki liggja fyrir frekari upplýsingar um) stofnuðu söngfélagið, annars vegar til að styrkja söng í kirkju safnaðarins á staðnum og hins vegar til að syngja íslensk lög svo unglingarnir (önnur kynslóð…
Hér er fjallað um nokkur söngfélag og kóra sem störfuðu í nafni stúkufélagsins Framfarar í Garði undir nafninu Söngfélög Framfarar en erfitt er að henda reiður nákvæmlega hvað fellur undir hvað í þessum efnum, stundum er jafnvel talað um Söngfélag Gerðahrepps. Stúkan Framför var stofnuð árið 1889 í Garði en fjölmörg slík stúkufélög voru stofnuð…
Fjölmargir kórar og söngfélög hafa starfað innan K.F.U.M. og K í gegnum tíðina síðan sr. Friðrik Friðriksson stofnaði fyrst til þessa kristilega félagsskaps, frægastur er karlakór K.F.U.M sem síðar varð að karlakórnum Fóstbræðrum. Sr. Friðrik hafði líka frumkvæði að stofnun fleiri slíkra kóra og einn sem kallaður hefur verið Söngflokkur K.F.U.M. og K.F.U.K. starfaði á…
Kvennakór var starfræktur undir nafninu Söngflokkur íslenskra kvenna í Minneapolis innan kvenfélagsins Heklu í Minneapolis í Minnesota en söngfélagar munu þó einnig hafa komið úr byggðum Vestur-Íslendinga í nágrannafylkjunum. Söngflokkur íslenskra kvenna í Minneapolis mun að öllum líkindum hafa verið stofnaður árið 1939 en kom fyrst fram á opinberum tónleikum vorið 1940 undir stjórn Hjartar…
Svo virðist sem nokkur söngfélög hafi verið starfandi í Reykjadal í Suður-Þingeyjarsýslu á síðustu áratugum 19. aldarinnar og fyrstu áratugum þeirrar 20, svo öflugt var sönglífið á köflum að um tíma voru tvö félög starfandi á sama tíma í dalnum en þess á milli var rólegra og líklega er um að ræða nokkur slík félög.…
Ekki er mikið vitað um söngfélag eða kór sem líklega var kallað Söngflokkur Akureyrarbúa en sá söngflokkur starfaði á árunum 1880 til 88 undir stjórn Magnúsar Einarssonar organista, líkast til þó ekki samfleytt því Magnús bjó á Húsavík á árunum 1881-86. Einhver annar gæti þó hafa tekið við hans starfi á meðan. Haustið 1888 varð…
Söngfélög eða kórar voru starfandi á Stokkseyri um árabil undir lok 19. aldar og fram á þá tuttugustu en mikil tónlistarætt er tengd staðnum og má nefna að fjórir bræður gegndu starfi organista og söngstjóra við kirkjuna á Stokkseyri. Söngfélag þessi voru að miklu leyti tengd söngstarfi kirkjunnar og voru eins konar undanfarar kirkjukórs Stokkseyrarkirkju.…
Fjögur afmælisbörn eru á skrá Glatkistunnar á þessum degi: Barnastjarnan og söngkonan Katla María (Gróa) Hausmann er fimmtíu og fjögurra ára gömul. Margir muna eftir henni í kringum 1980 en um það leyti komu út fjórar plötur með henni. Lög eins og Lítill Mexíkani, Ég fæ jólagjöf, Rúdolf og Prúðuleikararnir urðu feikilega vinsæl og um…
Afmælisbörnin í dag eru fjögur talsins og eru þessi: Hallberg Daði Hallbergsson er þrjátíu og þriggja ára gamall í dag en hann var gítarleikari hljómsveitarinnar Jakobínurínu sem sigraði Músíktilraunir vorið 2005. Jakobínarína fór víða um lönd eftir sigurinn en lítið hefur farið fyrir Hallberg eftir að sveitin hætti störfum í ársbyrjun 2008. Hann hefur þó…
Í dag eru tvö afmælisbörn á skrá Glatkistunnar: Stefán Hilmarsson söngvari á afmæli í dag en hann er fimmtíu og sjö ára gamall. Stefán kom fyrst fram með hljómsveitum eins og Bjargvættinum Laufeyju, Bóas, Tvöfalda bítinu og Reðr áður en hann steig á stokk með Sniglabandinu með lagið Jólahjól. Í kjölfarið fékk hann fjölmörg verkefni…
Í dag eru tvö afmælisbörn á skrá Glatkistunnar: Ragnar Páll Steinsson bassaleikari og smiður úr Hafnarfirði er fjörutíu og níu ára í dag. Þekktasta sveit Ragnars er auðvitað Botnleðja en hann tók einnig þátt í Pollapönk ævintýrinu og hefur leikið með hljómsveitum eins og Blend og fleirum. María (Einarsdóttir) Markan óperusöngkona átti afmæli á þessum…
Tvö afmælisbörn eru á skrá Glatkistunnar í dag: Gunnar (Bergmann) Ragnarsson á þrjátíu og fjögurra ára afmæli í dag. Gunnar er söngvari hljómsveitarinnar Grísalappalísu sem hefur reyndar hætt störfum en margir muna einnig eftir Gunnari sem söngvara í Jakobínurínu sem sigraði Músíktilraunir 2005. Sú sveit hugði á landvinninga, fékk plötusamning erlendis en sneri heim og…
Hljómsveitin Fjöll sendir nú frá sér sína aðra smáskífu á árinu en hún ber heitið Í rokinu, sem á einmitt ágætlega við í rokinu á suðvesturhorninu í dag. Samhliða útgáfunni gefur sveitin út myndband við lagið sem var tekið í sal gamla Tónabíós sem nú er verið að gera upp og stendur til að opna…
Afmælisbörn dagsins í tónlistargeiranum eru eftirfarandi: Kristján Freyr Halldórsson trommuleikari frá Hnífsdal er fjörutíu og átta ára gamall í dag. Kristján hefur leikið með ótal hljómsveitum, fyrst vestra en síðar á höfuðborgarsvæðinu. Meðal sveita hans má nefna Níkagagva group, Homebreakers, Geirfuglunum, Miðnes, Prinspóló, Reykjavík! og Dr. Gunna. Kristján hefur einnig komið að tónlist með öðrum…
Sjö afmælisbörn úr tónlistargeiranum koma við sögu í dag: Eva Mjöll Ingólfsdóttir fiðluleikari á sextíu og eins árs afmæli í dag. Hún er af miklum tónlistarættum, nam fiðluleik hér heima á Íslandi áður en hún hélt til Belgíu, Sviss og Hollands til framhaldsnáms, hún menntaði sig einnig í Bandaríkjunum í tónsmíðum og hljómsveitastjórnun. Tvær plötur…
Söngfélagið Hekla er samband norðlenskra karlakóra, stofnað haustið 1934 og starfar líklega enn í dag að nafninu til en SÍK (Samband íslenskra karlakóra) hefur að mestu tekið við hlutverki þess. Söngfélagið Hekla var stofnað í minningu Magnúsar Einarssonar organista og söngstjóra á Akureyri og var einnig stofnaðu minningarsjóður í nafni hans, Magnús hafði einmitt stjórnað…
Söngfélagið Hekla: Raddir að norðan (Songs of Iceland, Volume 2) – ýmsir Útgefandi: Fálkinn Útgáfunúmer: CPMA 11 Ár: 1965 1. Sameiginlegur söngur – Heklusöngur 2. Karlakór Akureyrar – Alþýðuómar: Stundum þungbær þögnin er / Frjóvgur blær / Dagsins runnu / Sumri hallar / Rangá / Öslað gnoðin 3. Karlakór Akureyrar – Vögguljóð 4. Karlakór Bólstaðarhlíðarhrepps…
Íslenskt söngfélag starfaði á stríðsárunum í Bellingham í Washington ríki í Bandaríkjunum undir stjórn Helga Sigurðar Helgasonar. Það gekk undir nafninu Söngfélagið Harpa og sótti stjórnandinn nafnið ekki langt yfir skammt því föðurbróðir hans, Jónas Helgason hafði einmitt stofnað söngfélag undir sama nafni í Reykjavík nokkrum áratugum fyrr. Söngfélagið Harpa var líklega stofnað á fyrri…
Söngfélag eða blandaður kór var starfandi innan alþýðuflokksfélags Reykjavíkur í ríflega áratug rétt um miðbik síðustu aldar, saga kórsins skiptist í rauninni í tvennt – annars vegar var um söngfélag að ræða sem söng á skemmtunum og öðrum samkomum á vegum alþýðuflokksins en hins vegar metnaðarfullan kór sem hélt tónleika og söng stærri söngverk. Söngfélagið…
Óskað er eftir upplýsingum um kór sem starfaði á Patreksfirði á árunum 1908 til 1913 undir nafninu Söngfélagið Harpa, einnig gæti verið um sama kór að ræða sem gekk undir nafninu Söngfélagið Fram. Hermann Þórðarson skólastjóri á Patreksfirði mun hafa verið söngstjóri Hörpu en hann var jafnframt organisti og stjórnandi kirkjukórsins á staðnum, þeir Sigurður…
Söngfélagið Hekla á Akureyri er með merkilegum kórum sem þar hafa starfað, bæði var hann einn af fyrstu kórum bæjarins en auk þess var Hekla fyrstur allra kóra til að fara í söngferðalag til útlanda. Söngfélagið Hekla var karlakór og var að öllum líkindum stofnaður aldamótaárið 1900 af Magnúsi Einarssyni þótt elstu heimildir um hann…
Söngfélagið Heimir er ekki meðal þekktustu kóra landsins en um var að ræða einn fyrsta blandaða kórinn sem starfaði á Íslandi og þótti mjög góður. Tildrög þess að kórinn var stofnaður voru þau að Sigfús Einarsson hafði sett á stofn blandaðan kór fyrir Alþingishátíðina sumarið 1930 sem söng þar við hátíðahöldin en var síðan að…
Söngfélagið Harpa var starfandi um árabil á Hofsósi og söng víða um land meðan það starfaði. Fyrstu heimildir um söngfélagið Hörpu á Hofsósi eru frá því um vorið 1970 en hér er giskað á að það hafi verið stofnað haustið á undan, þá voru um þrjátíu manns í þessum blandaða kór en fólk úr þremur…
Óskað er eftir upplýsingum um karlakór Vestur-Íslendinga starfandi í Leslie í Saskatchewan fylki í Kanada á árunum 1914 til 1921, þessi kór gekk undir nafninu Söngfélagið Hekla. Söngfélagið Hekla var stofnað haustið 1914 og voru meðlimir þess ellefu í byrjun. Stofnandi er sagður vera Mrs. W.H. Paulson og á árunum 1915-16 er Anna Paulson stjórnandi…
Litlar upplýsingar er að finna um blandaðan kór, söngfélag Íslendinga í Vancouver í Kanada sem starfaði á öðrum áratug 20. aldar. Vitað er að kórinn var settur á laggirnar 1910 og hlaut nafnið Söngfélagið Hekla eftir að hafa fyrst um sinn gengið undir nafninu Söngfélag Íslendinga í Vancouver, það var þó ekki fyrr en haustið…
Lítið þekkt söngfélag, blandaður kór starfaði á árunum 1888 til 1890 undir stjórn Jónasar Helgasonar – eitt fjölmargra söngfélaga sem hann stýrði í Reykjavík. Kórinn gekk undir nafninu Söngfélagið Svava og vitað er að hann hélt samsöng í Góðtemplarahúsinu við Tjörnina en engar aðrar upplýsingar er að finna um frekari tónleikahald á vegum hans. Söngfélagið…
Glatkistan 