Kór Íslendinga í Winnipeg í Kanada var starfandi á árunum 1920 til 1924 undir stjórn Björgvins Guðmundssonar tónskálds en kórinn gekk undir nafninu Söngfélagið Svanur. Litlar upplýsingar er að finna um þetta söngfélag og er því óskað eftir frekari upplýsingum um það.
Kór var starfandi meðal Vestur-Íslendinga í Ballard í Seattle í Bandaríkjunum um nokkurra ára skeið við upphaf 20. aldar, kórinn gekk undir nafninu Söngfélagið Svanur og líklega var um að ræða karlakór. Heimildir herma að Söngfélagið Svanur hafi verið stofnað árið 1909 og starfaði það til ársins 1913 að minnsta kosti undir stjórn Helga Sigurðar…
Söngfélagið Svanur eða Söngfélag Seltjarnarneshrepps var með fyrstu starfandi söngkórum hér á landi en margt er á huldu varðandi sögu þess og er þessi umfjöllun nokkuð lituð af því. Guðmundur Einarsson þáverandi söngkennari á Seltjarnarnesi stofnaði söngfélagið 1874 eða 75 en hann var stjórnandi þess fyrstu árin og æfði kórinn þá í barnaskólanum í Mýrarhúsum.…
Glatkistan óskar eftir upplýsingum um Söngfélagið Röst sem starfaði á Eyrarbakka veturinn 1971-72 undir stjórn Ingimars Pálssonar kaupfélagsstjóra. Röst (sem í einni heimild er kallað Raust) söng á einum tónleikum í Hlíðardalsskóla í Ölfusi en Ingimar stjórnandi var fyrrverandi nemandi þar.
Söngfélagið Iðunn var skammlífur kór starfandi í Hafnarfirði árið 1908 en hann hélt þá tvenna tónleika með nokkurra vikna millibili í Góðtemplarahúsinu í bænum undir stjórn Brynjólfs Þorlákssonar Dómkirkjuorganista. Líklega var um að ræða karlakór en allt eins gæti hafa verið um drengjakór að ræða. Óskað er eftir frekari upplýsingum um Söngfélagið Iðunni.
Söngfélagið Húnar (einnig stöku sinnum kallað Húnvetningakórinn) var stofnaður innan Húnvetningafélagsins í Reykjavík að öllum líkindum árið 1942 en Húnvetningafélagið hafði verið stofnað sex árum fyrr. Kórnum var stundum ruglað saman við karlakórinn Húna sem um svipað leyti starfaði í Húnavatnssýslu, Söngfélagið Húnar var hins vegar blandaður kór. Söngfélagið Húnar starfaði fyrstu árin innan Húnvetningafélagsins…
Söngfélagið Tíbrá starfaði á Austurlandi, nánar til tekið á Norðfirði á árunum 1918 til 1924. Tíbrá var stofnuð haustið 1918 gagngert til að syngja á fullveldishátíð í desember byrjun, svo virðist sem söngurinn hafi heppnast nógu vel til að samstarfinu var haldið áfram en kórinn söng þar undir stjórn Sigdórs V. Brekkan. Sigdór stjórnaði söngfélaginu…
Blandaður kór starfaði á Akureyri undir nafninu Söngfélagið Tíbrá um tveggja ára tímaskeið á árunum 1904 til 1906. Þegar Sigurgeir Jónsson frá Stóru Völlum í Þingeyjasýslu flutti til Akureyrar stofnaði hann Tíbrá en hann átti síðar eftir að gegna veigamiklu hlutverki í tónlistarlífi bæjarins sem organisti, kórstjórnandi og tónlistarkennari. Söngfélagið Tíbrá þótti góður kór, hann…
Kór sem gekk undir nafninu Söngfélagið Svava mun hafa verið starfandi árið 1908 og er líklega ekki um sama söngfélag og starfaði undir sama nafni um áratug áður í Reykjavík, þetta söngfélag var að líkindum starfrækt í Hafnarfirði enda hélt það tónleika í Góðtemplarahúsinu þar í bæ snemma árs undir stjórn Sigfúsar Einarssonar. Óskað er…
Glatkistan óskar eftir upplýsingum um kór sem gekk undir nafninu Söngfélagið Víkverjar og starfaði á höfuðborgarsvæðinu haustið 1925. Svo virðist sem Hallgrímur Þorsteinsson hafi stjórnað því en engar aðrar upplýsingar liggja fyrir um þetta söngfélag.
Í dag eru fimm tónlistartengd afmælisbörn á skrá Glatkistunnar: Inga (Jónína) Backman sópran söngkona frá Akranesi er sjötíu og sex ára gömul í dag. Inga hóf ekki söngnám fyrr en hún komst á fertugsaldur og lauk söngkennaraprófi árið 1988, en hefur síðar fengist einkum við kirkjulegan söng en einnig ljóða- og óperusöng. Hún hefur ennfremur…
Sex afmælisbörn koma við sögu í dag: Ágústa (Aðalheiður) Ágústsdóttir sópransöngkona frá Þingeyri er áttatíu og sex ára gömul í dag. Hún nam söng og fiðluleik hér heima og í Þýskalandi, hefur haldið tónleika á Íslandi og erlendis en hefur starfað mestmegnis hér heima, hún stjórnaði m.a. Samkór Ísafjarðarsýslu á sínum tíma. Eftir Ágústu liggur…
Í dag er eitt tónlistartengt afmælisbarn á skrá Glatkistunnar: Örn Árnason leikari og skemmtikraftur er sextíu og fjögurra ára gamall í dag en hann er einnig kunnur söngvari og hefur bæði sungið inn á fjölmargar plötur tengdar leiksýningum auk annars konar platna. Hann hefur til að mynda verið í hlutverki sögumanns og sungið á plötum…
Afmælisbörn dagsins eru tvö að þessu sinni: Ólafur Hólm (Einarsson) trymbill er fimmtíu og þriggja ára gamall í dag. Ólafur hefur um árabil verið trommuleikari hljómsveitarinnar Nýdanskrar en hann hefur leikið með ótal öðrum sveitum, þeirra á meðal eru Todmobile, Tweety, Burkina Faso og Dægurlagacombó Jóns Ólafssonar. Ólafur hefur einnig komið við sögu á plötum…
Fjögur afmælisbörn eru á skrá Glatkistunnar á þessum annars ágæta þjóðhátíðardegi Íslendinga: Magnús Stefánsson trommuleikari frá Raufarhöfn er sextíu og fjögurra ára gamall í dag. Magnús lék á sínum tíma með mörgum misþekktum hljómsveitum og voru Utangarðsmenn, Egó, Sálin hans Jóns míns, Maó, Skuggar, Tíbet tabú, Jenný og Bodies meðal þeirra. Magnús hefur í seinni…
Styrkjum úr Hljóðritasjóði og Tónlistarsjóði hefur verið úthlutað af menningar- og viðskiptaráðherra til ýmissa tónlistartengdra verkefna og varð Glatkistan eitt þeirra verkefna sem hlaut náð fyrir augum úthlutunarnefndarinnar að þessu sinni en vefsíðan hlaut 500.000 króna styrk úr Tónlistarsjóði. Við athöfn sem fór fram í Safnahúsinu við Hverfisgötu á miðvikudaginn var tilkynnt að 19 milljónum…
Þrjú afmælisbörn dagsins koma við sögu Glatkistunnar að þessu sinni, þau eru öll látin: Fyrst ber að nefna tónlistarfrumkvöðulinn Olufu Finsen (1836-1908) en hún var landshöfðingjafrú sem bjó hérlendis um tveggja áratuga skeið. Á þeim tíma fór hún mikinn í íslensku tónlistarlífi, stofnaði hér kóra og æfði á heimili sínu, kenndi tónlist og varð aðal…
Nú liggur fyrir hvaða tónlistaratriði koma fram á Iceland Airwaves 2023. Fjöldinn allur af frábærlega flottum, ofur hipp og ótrúlega skemmtilegum atriðum mun spila í miðborg Reykjavíkur í nóvember. Meðal nýjustu nafnanna sem nú slást í hópinn eru okkar allra besti Daði Freyr, iðnaðar teknópönk-rokk- og sviðsframkomugoðsagnirnar í Hatara, heimaræktaði rapparinn GKR, indí-folkstjarnan Axel Flóvent, hin dáleiðandi JFDR, hin…
Í dag eru fjögur afmælisbörn á lista Glatkistunnar: Athafnamaðurinn Sigurjón Sighvatsson (iðulega kallaður Kútur hér áður fyrr) á sjötíu og eins árs afmæli í dag. Sigurjón var þekktur bassaleikari á tímum bítla og blómabarna og lék þá í hljómsveitum eins og Kjörnum, Mods, Falcon, Flowers, Ævintýri, Brimkló og Þokkabót áður en hann hélt til náms…
Söngfélagar Einn og átta var tvöfaldur kvartett karla úr Mosfellsbænum sem kom töluvert fram opinberlega í kringum 1990 og gaf út eina plötu með íslenskum og erlendum lögum. Þessi tvöfaldi kvartett mun hafa verið stofnaður sumarið 1987 gagngert til að fara til Sovétríkjanna í söngferðalag, þar sungu þeir félagar á nokkrum tónleikum sem og á…
Söngfélagar Einn og átta – Söngfélagar Einn og átta Útgefandi: Söngfélagar Einn og átta Útgáfunúmer: SF 001D Ár: 1991 1. Rosa Marie 2. Hestavísur 3. Nú er ég glaður 4. Söngur sjóræningjanna 5. Fornt ástarljóð enskt 6. Matona mia cara 7. Mein Mädel hat einen Rosenmund 8. Hanna 9. Minning 10. Vandi mikill var á…
Söngfélagið Harpa (hið fyrsta) á sér nokkuð flókna sögu en strangt til tekið er um að ræða þrjá kóra sem störfuðu nokkuð samfleytt í rúmlega þrjá áratugi, fyrsti kórinn var nafnlaus og starfaði á árunum 1862-72, næst tók við Söngfélag í Reykjavík sem starfaði 1872-75 og síðan hið eiginlega Söngfélagið Harpa sem starfaði á árunum…
Glatkistan óskar eftir upplýsingum um Samkór Reykdæla en blandaður kór undir því nafni söng á útihátíð sem haldin var um verslunarmannahelgina sumarið 1971. Svo virðist sem þessi kór hafi verið settur saman einvörðungu til að syngja á samkomunni og hugsanlega einnig við messu sem haldin var á sömu hátíð. Hér er óskað eftir upplýsingum um…
Að minnsta kosti í þrígang hafa verið starfandi söngfélög á Fáskrúðsfirði undir nafninu Samkór Fáskrúðsfjarðar en umfjöllunum um þá er hér steypt saman. Fyrsti Samkór Fáskrúðsfjarðar var að öllum líkindum stofnaður haustið 1968 og starfaði hann um þriggja til fjögurra ára skeið og að líkindum allan tímann undir stjórn Steingríms Sigfússonar organista og skólastjóra tónlistarskólans…
Blandaður kór var starfræktur í Öngulstaðahreppi í Eyjafirði á árunum 1970 til 1973 undir nafninu Samkór Öngulsstaðahrepps. Kórinn var stofnaður sumarið 1970 og söng hann þá fyrst opinberlega á bændahátíð í félagsheimilinu Freyvangi undir stjórn söngstjórans Guðmundar Þorsteinssonar en hann stjórnaði kórnum á þeim þremur árum sem hann virðist hafa starfað. Reyndar fór almennt ekki…
Stefán Guðjohnsen kaupmaður á Húsavík hafði forgöngu um stofnun söngfélags í bænum um aldamótin 1900 en það hlaut nafnið Söngfélagið 4. nóvember 1899 og er þar vitanlega vísað til stofndags þess, Stefán mun hafa annast söngstjórnina sjálfur en hann var af tónlistarættum – afi hans var Pétur Guðjohnsen sem var framámaður í söngmálum Íslendinga. Söngfélagið…
Söngfélag sem starfaði undir nafninu Freyja var starfrækt á höfuðborgarsvæðinu á framanverðum þriðja áratug síðustu aldar. Um var að ræða kór um þrjátíu kvenna í framsóknarflokknum sem söng undir stjórn Bjarna Péturssonar á fjölda skemmtana innan flokksins og utan árið 1922 og framan af árinu 1923 áður en hann hvarf af sjónarsviðinu. Kórinn sem ýmist…
Veturinn 1892 til 93 starfaði söngfélag á Seyðisfirði undir nafninu Freyja, hugsanlega starfaði þetta félag eitthvað lengur. Árni Jóhannsson mun hafa verið söngstjóri Freyju en frekari upplýsingar er ekki að finna um þennan félagsskap, hvorki um stærð hans eða hvers konar kór um var að ræða.
Karlakór sem bar nafnið Söngfélagið frá 14. janúar 1892 starfaði um nokkurra ára skeið í Reykjavík undir lok 19. aldarinnar og naut hvarvetna vinsælda þar sem hann söng opinberlega enda voru tónleikar ekki á hverju strái á þeim tíma. Söngfélagið Harpan hafði verið starfandi í nokkra áratugi en nokkuð var farið að fjara undan því…
Karlakór sem bar nafnið Söngfélagið Baldur starfaði að öllum líkindum í Eyjafirði en hann söng á skemmtisamkomu á Grund í Eyjafirði á vegum ungmennafélagsins Framtíðarinnar vorið 1918. Engar frekari upplýsingar er að finna um þennan kór og því biðlað til lesenda Glatkistunnar um þær s.s. starfstíma, söngstjóra og annað sem þykir við hæfi í umfjölluninni.
Í febrúar 1901 hélt söngfélag sem virðist hafa borið nafnið Söngfélagið Alfa, samkomu til heiðurs Jónasi Helgasyni söngforkólfi í samkomuhúsinu Bárunni en um var að ræða kveðjusamsæti eða skilnaðarsamkomu svo hér er giskað á að hann hafi verið fráfarandi söngstjóri söngfélagsins. Að öðru leyti er ekki að finna neinar aðrar heimildir um þetta söngfélag og…
Karlakór var stofnaður innan verkamannafélagsins Dagsbrúnar vorið 1920 og starfaði í nokkur ár undir nafninu Söngfélagið Bragi. Félagið var afar virkt, um þrjátíu manns skráðu sig strax í það og fljótlega var sú tala komin upp í fjörutíu – ekki liggur fyrir hvort fjölgaði enn frekar í því. Pétur Lárusson var ráðinn söngkennari og söngstjóri…
Söngfélagið Bragi var fjölmennt söngfélag sem starfaði í Reykjavík um aldamótin 1900 en að sama skapi skammlíft, virðist aðeins hafa starfað í eitt eða tvö ár. Steingrímur Johnsen söngkennari og söngfræðingur (d. 1901) annaðist söngstjórnina en upplýsingar um þetta félag eru af skornum skammti.
Blómlegt tónlistarlíf var á Eyrarbakka undir lok 19. aldar enda kemur mikil tónlistarætt frá svæðinu, þar var m.a. söngfélag, blandaður kór sem starfaði um tveggja áratuga skeið og hélt úti öflugu söngstarfi. Söngfélagið sem ýmist er í heimildum kallað Söngfélag Eyrarbakka (Söngfélag Eyrbekkinga) eða Söngfélagið Bára (Báran) var stofnað árið 1883 á Eyrarbakka, litlar upplýsingar…
Söngfélag, að öllum líkindum karlakór starfaði í Vestur-Landeyjahreppi undir nafninu Söngfélagið Ernir á síðari hluta tuttugusta aldarinnar en ekki liggur fyrir hvenær nákvæmlega. Þeir sem gætu haft upplýsingar um Erni mega gjarnan miðla þeim til Glatkistunnar, s.s. um hvers konar kór var að ræða, hvenær og hversu lengi hann starfaði, hver eða hverjir önnuðust söngstjórn…
Óskað er eftir upplýsingum um Söngfélagið Einingu sem stofnað var í Bárðardal árið 1892. Ekkert liggur fyrir um þetta söngfélag annað en það sem kemur fram hér að ofan.
Söngfélag starfandi undir nafninu Harpa meðal Vestur-Íslendinga á Gimli í Manitoba í Kanada undir lok nítjándu aldar, að minnsta kosti á árunum 1989 og 99. Þorbjörg Paulsen stjórnaði þessum kór en um stúlknakór virðist hafa verið um að ræða. Óskað er eftir frekari upplýsingum um Söngfélagið Heklu á Gimli.
Söngfélagið Glóð starfaði um nokkurra ára skeið frá því um miðbik áttunda áratugar fram undir lok níunda áratugar síðustu aldar í Austur-Húnavatnssýslu. Það var Sigrún Grímsdóttir frá Saurbæ í Vatnsdal sem hafði forgöngu um stofnun söngfélagsins haustið 1975 en hún var þá organisti við Undirfells- og Þingeyrakirkjur og stjórnaði kirkjukórunum þar, en uppistaðan í Glóð…
Söngfélagið Gleym mér ei var barna- eða unglingakór starfræktur í upphafi 20. aldarinnar, líklega 1902 til 03 undir stjórn barnaskólakennarans Baldvins Bergvinssonar Bárðdal. Ekki liggur fyrir hvar söngfélag þetta var starfandi en eftir því sem best verður komist var Baldvin kennari í Bolungarvík um þetta leyti.
Litlar upplýsingar er að finna um söngfélag sem Brynjólfur Þorláksson stjórnaði veturinn 1905-06. Fyrir liggur að kór þessi söng á skemmtun Þjóðræknisfélagsins í Báruhúsinu við Tjörnina en annað er ekki að finna um Söngfélagið Hörpu.
Sex afmælisbörn eru á skrá Glatkistunnar að þessu sinni: Steinunn Harðardóttir er fyrsta afmælisbarnið á listanum en hún er þrjátíu og sex ára gömul í dag. Steinunn hefur verið í hljómsveitum og verkefnum eins og Sparkle poison, Fushigi four og Skelki í bringu en er að sjálfsögðu þekktust sem Dj flugvél og geimskip og hefur…
Hvorki fleiri né færri en sex afmælisbörn eru á lista Glatkistunnar í dag: Bjartmar A. Guðlaugsson tónlistarmaður og listmálari afmæli í dag en hann er sjötíu og eins árs. Bjartmar þekkja allir og lög hans og texta en hann hefur gefið út á annan tug sólóplatna og í félagi við aðra, lög eins og Fimmtán…
Þrjú afmælisbörn eru á skrá Glatkistunnar að þessu sinni: Jakob Smári Magnússon bassaleikari er fimmtíu og níu ára gamall á þessum degi. Jakob hóf sinn feril með hljómsveitum eins og Tappa tíkarass og Das Kapital en síðar lék hann með Síðan skein sól / SSSól, Grafík, Todmobile og Pláhnetunni svo einungis fáeinar af þeim þekktustu…
Í dag eru afmælisbörn Glatkistunnar tvö: Jón Þór Hannesson framleiðandi er sjötíu og níu ára gamall í dag. Hann hóf sinn tónlistartengda feril með rekstri ólöglegrar útvarpsstöðvar 1962 ásamt Pétri Steingrímssyni og var handtekinn fyrir uppátækið. Jón Þór var einnig í hljómsveitinni Tónum um miðjan sjöunda áratuginn áður en hann sneri sér upptökufræðum, þar sem…
Sex afmælisbörn koma við sögu hjá Glatkistunni á þessum degi: Hugi Guðmundsson tónskáld er fjörutíu og sex ára gamall í dag, hann nam tónsmíðar hér heima, auk mastersgráða í Danmörku og Hollandi og hefur unnið til ýmissa verðlauna og viðurkenninga fyrir verk sín, m.a. á Íslensku tónlistarverðlaununum í flokki sígildrar og samtímatónlistar. Hugi hefur starfað…
Glatkistan hefur fjögur afmælisbörn á skrá í dag sem eitthvað hafa með tónlist að gera: Guðni Már Henningsson útvarpsmaður með meiru, ljóðskáld og tónlistarmaður (1952-2021) hefði átt afmæli á þessum degi. Guðni Már hefur starfað við vinsældir hjá Ríkisútvarpinu í áratugi og hefur náð eins konar trúnaðarsambandi við marga af þeim hlustendum sem hlusta á…
Fjögur tónlistartengd afmælisbörn koma við sögu Glatkistunnar í dag: Sindri (Þórsson) Eldon er þrjátíu og sjö ára á þessum degi. Sindri hefur gefið út sólóplötuna Bitter and resentful en hann hefur verið viðloðandi tónlist með einum eða öðrum hætti nánast frá fæðingu, mest í hljómsveitum en þeirra á meðal má nefna Dáðadrengi, Slugs, Desidiu, Dynamo…
Söngfélag Þorlákshafnar (stundum kallað Samkór Þorlákshafnar) er með eldri starfandi blönduðum kórum á landinu en það hefur starfað samfellt frá árinu 1960, aldrei hefur þó komið út plata með kórnum. Það var Ingimundur Guðjónsson (faðir Jónasar Ingimundarsonar píanóleikara) sem hafði frumkvæðið að stofnun Söngfélags Þorlákshafnar haustið 1960 en Þorlákshöfn var á þeim tíma nýbyggt að…
Söngfélag Æskunnar var starfandi innan barnastúkunnar Æskunnar (nr. 1) en sú stúka var stofnuð árið 1886. Söngfélag þetta var starfandi árið 1910 og söng þá á skemmtunum undir stjórn Brynjólfs Þorlákssonar en einnig gæti það hafa verið starfandi árið 1901. Óskað er eftir frekari upplýsingum um þetta söngfélag.
Söngfélag Vestmannaeyja var einn fyrsti kórinn sem starfaði í Vestmannaeyjum en þá var þar fyrir kirkjukór Landakirkju sem Sigfús Árnason stjórnandi söngfélagsins (og organisti kirkjunnar) stjórnaði reyndar einnig en sá kór hafði verið starfandi í um fimmtán ár. Söngfélagið var stofnað haustið 1894 af Sigfúsi og voru um tuttugu manns sem skipuðu kórinn í upphafi…
Glatkistan 