Óskað er eftir frekari upplýsingum um blandaðan kór sem gekk undir nafninu Söngfélag Vestur-Húnvetninga og starfaði á árunum 1968 og 69 hið minnsta, vorið 1969 virðist félagið hafa komið fram á bændaviku Búnaðarsambands Vestur-Húnvetninga og sungið bæði sem karla- og kvennakór auk þess sem tvöfaldur kvartett karla kom þar fram. Söngstjóri var Sveinn Kjartansson en…
Óskað er eftir upplýsingum um SMS tríóið sem starfaði líkast til í Vestur-Húnavatnssýslu, annað hvort á síðari hluta níunda áratugar síðustu aldar eða þeim tíunda. Skúli Einarsson var einn meðlima sveitarinnar, hann gæti hafa verið gítar- eða trommuleikari en upplýsingar vantar um aðra meðlimi SMS tríósins.
Upplýsingar óskast um lúðrasveit sem mun hafa borið heitið Skólahljómsveit Vestur-Húnavatnssýslu en hún starfaði veturinn 1984-85 undir stjórn Hjálmars Sveinbjörnssonar af því er heimild segir.
Sönghópurinn Sandlóur eða Sandlóurnar eins og hann var iðulega kallaður var ekki eiginlegur kór þótt hann tengdist Karlakórnum Lóuþrælnum, um var að ræða sönghóp maka Lóuþrælanna sem oft kom fram ásamt karlakórnum. Vestur-húnvetnski karlakórinn Lóuþrælar hafði verið starfandi í um tvö ár árið 1987 þegar nokkrir makar meðlima kórsins stofnuðu sönghóp sem þær kölluðu Sandlóurnar,…
Glatkistan 