Söngfélag var starfandi á Oddeyrinni á Akureyri á síðari hluta 19. aldar uns það virðist hafa sameinast Söngflokki Akureyrarbúa (og jafnvel fleiri söngfélögum) haustið 1888 og hlaut þá nafnið Söngfélagið Gígjan eða bara Gígjan. Magnús Einarsson hafði leiðbeint söngfólki í báðum söngfélögunum en ekki liggur þó fyrir hversu lengi. Söngfélagið á Oddeyri gæti hafa verið…
Innan góðtemplarareglunnar á Akureyri starfaði söngfélag um nokkurra áratuga skeið á fyrri hluta síðustu aldar undir forystu og stjórn Sigurgeirs Jónssonar söngkennara og organista, líklega var um að ræða nokkra kóra. Góðtemplarastúkan Brynja hafði verið stofnuð á Akureyri árið 1904 og gekk þá Sigurgeir til liðs við stúkuna en hann var þá nýfluttur til Akureyrar,…
Hljómsveit frá Akureyri sem gekk undir nafninu Sýkklarnir markar tímamót að nokkru leyti í norðlensku tónlistarlífi en hún innihélt tvö síðar þekkta tónlistarmenn sem hófu feril sinn innan hennar. Reyndar er rithátturinn Sýkklarnir misvísandi því nafn sveitarinnar hefur verið ritað með ýmsum öðrum hætti s.s. Sýklarnir, Sýkkklarnir, Zýklarnir, Zýkklarnir og Zýkkklarnir – Sýkklarnir er hér…
Kvennahljómsveit sem bar nafnið Svörtu ekkjurnar starfaði á Akureyri á fyrri hluta níunda áratugar síðustu aldar, sveitin kom töluvert fram á tónleikum í annars nokkuð líflegu tónlistarlífi fyrir norðan á þessum tíma og þess má geta að þegar sveitin keppti í hljómsveitakeppninni í Atlavík um verslunarmannahelgina 1983 þá voru sex aðrar sveitir frá Akureyri í…
Hljómsveitin Svörtu kaggarnir var rokkabillýsveit starfrækt á Akureyri og var nokkuð virk á tónleikasviðinu um tíma þann tíma er sveitin starfaði á fyrri hluta tíunda áratugarins. Svörtu kaggarnir voru stofnaðir síðsumars 1990 á Akureyri en sveitin var stofnuð upp úr annarri sveit af þeim Kristjáni Ingimarssyni bassaleikara og söngvara og Konráði Vilhelm Sigursteinssyni gítarleikara en…
Hljómsveit sem bar heitið Svörtu sauðirnir og mun hafa verið starfandi á Akureyri 1992, kom suður til Reykjavíkur síðsumars það sama ár og lék á Amsterdam, þá mun sveitin hafa verið starfandi um tíma fyrir norðan skv. umfjöllun. Engar frekari upplýsingar er að finna um þessa sveit og er því hér með óskað eftir upplýsingum…
Hljómsveit starfaði í skamman tíma á Akureyri árið 1990 (frekar en 1991) undir nafninu Súersæt (Suicide). Upplýsingar um þessa sveit eru afar takmarkaðar en þó liggur fyrir að Helga Kvam var einn meðlima hennar. Óskað er eftir frekari upplýsingum um þessa sveit, þ.m.t. aðra meðlimi hennar og hljóðfæraskipan.
Stúlknakór Gagnfræðaskólans á Akureyri gæti hafa verið starfræktur nokkuð samfleytt um ríflega þrjátíu ára skeið en hann gæti einnig hafa starfað slitrótt, jafnvel einn og einn vetur með löngu millibili. Heimildir eru til um stúlknakór við Gagnfræðaskólann á Akureyri veturinn 1946-47 en sá kór söng við skólaslit skólans vorið 1947 undir stjórn söngkennarans Áskels Jónssonar,…
Á Akureyri var rekið um nokkurra ára skeið hljóðver og síðar einnig útgáfufyrirtæki undir nafninu Stúdíó Bimbó, á annan tug hljómplatna kom út á vegum fyrirtækisins og fjölmargar plötur voru þar hljóðritaðar. Akureyringurinn Pálmi Guðmundsson hafði um tíma rekið ferðadiskótek undir nafninu Bimbó og frá árinu 1976 var hann einnig fastráðinn diskótekari í Sjálfstæðishúsinu á…
Laust eftir 1980, allavega 1981 til 1983 starfaði tríó á Akureyri undir nafninu Straumar. Strauma skipuðu þeir Ragnar Kristinn Gunnarsson söngvari og trommuleikari, Jakob Jónsson gítarleikari og Ásmundur Magnússon [bassaleikari?] en margt er á huldu varðandi þessa sveit. Straumar hættu líklega störfum þegar hljómsveitin Skriðjöklar var stofnuð sumarið 1983.
Um nokkurra ára skeið á níunda og tíunda áratug liðinnar aldar var starfrækt öflug hljómsveit við Tónlistarkóla Akureyrar undir nafninu Stórsveit Tónlistarskólans á Akureyri, sveitin lék oftsinnis opinberlega og vakti hvarvetna athygli fyrir góðan leik. Sveitin var stofnuð í upphafi árs 1983 og virðist í byrjun hafa verið eins konar tilraunaverkefni fram á vorið. Sú…
Stilltir strengir var strengjasveit sem lék fyrir matargesti á Hótel Kea á Akureyri sumarið 1986. Óskað er eftir frekari upplýsingum um þessa sveit s.s. hverjir skipuðu hana og hver hljóðfæraskipan hennar var.
Stórsveit Akureyrar mun hafa verið skammlíf sveit sem gerði þó garðinn frægan á Djasshátíð Austurlands sumarið 1996 en virðist ekki hafa spilað aftur opinberlega. Aðstandendur hátíðarinnar gerðu ráð fyrir að sveitin kæmi aftur fram að ári en svo varð líklegast ekki svo tilvera sveitarinnar virðist bundin við árið 1996 eingöngu. Ekki er að finna neinar…
Svo virðist sem að hljómsveit hafi verið starfandi innan Tónlistarskólans á Akureyri árið 2008 undir nafninu Stormsveitin en aðrar upplýsingar er ekki að finna um þessa sveit. Hljómsveit með þessu nafni lék einnig fyrir dansi á dansleik í Hrísey tveimur árum síðar og er hér giskað á að um sama mannskap sé að ræða. Óskað…
Hljómsveitin Stonehenge var frá Akureyri og starfaði líklega í nokkra mánuði undir því nafni áður en því var breytt í Shiva. Stonehenge var stofnuð haustið 1995 og voru meðlimir hennar í upphafi Viðar Sigmundsson gítarleikari, Hlynur Örn Zophoníasson söngvari og gítarleikari, Kristján B. Heiðarsson trommuleikari og Bergvin F. Gunnarsson bassaleikari. Þannig var sveitin skipuð þegar…
Óskað er eftir upplýsingum um hljómsveit sem líklega var starfandi á Akureyri eða nágrenni sumarið 1996 undir nafninu Stíblan. Ekkert annað liggur fyrir um þessa hljómsveit og er því óskað eftir upplýsingum um meðlimi hennar, hljóðfæraskipan, starfstíma og annað.
Hljómsveitin Stjánar vakti nokkra athygli á Akureyri á fyrri hluta tíunda áratugarins en sveitin sem var skipuð tónlistarmönnum á menntaskólaaldri var talsvert áberandi um tíma í tónlistalífi bæjarins. Sveitin kom fram á sjónarsviðið vorið 1992 þegar hún lék á tónleikum en hún spilaði svo töluvert um sumarið fyrir norðan. Það var svo síðari part vetrar…
Veturinn 1992 til 93 starfaði hljómsveit innan Menntaskólans á Akureyri undir nafninu Stjórnin. Sveit þessi var meðal keppenda snemma árs 1993 í hljómsveitakeppninni Viðarstauk sem haldin hefur verið í MA um árabil. Engar upplýsingar er að finna um hverjir skipuðu Stjórnina eða um hljóðfæraskipan sveitarinnar en þær upplýsingar væru vel þegnar.
Sigurgeir Jónsson var í byrjun 20. aldarinnar einn af hornsteinum tónlistarlífs á Akureyri og áður reyndar einnig í Suður-Þingeyjarsýslu en hann kenndi tónlist og stjórnaði kórum auk þess sem hann var organisti um áratuga skeið í Akureyrarkirkju. Sigurgeir var Suður-Þingeyingur, hann fæddist haustið 1866 á Stóruvöllum í Bárðardal þar sem hann ólst upp og var…
Hljómsveitin Steðjabandið frá Akureyri starfaði í um eitt og hálft ár um miðjan níunda áratug síðustu aldar, flestir meðlimir sveitarinnar áttu eftir að verða þekktir tónlistarmenn. Steðjabandið hét upphaflega Jafnaðamenn en þegar sveitin keppti í Viðarstauks-keppni Menntaskólans á Akureyri vorið 1984 höfðu þeir skipt um nafn og kölluðust eftir það Steðjabandið, kennt við bæinn Steðja…
Stefán Ágúst Kristjánsson var mikill framámaður í tónlistarlífi Akureyringa og reyndar í félagsmálum almennt þar í bæ, hann samdi auk þess tónlist og ljóð og var gefin út plata að honum látnum með nokkrum sönglögum eftir hann. Stefán fæddist í Glæsibæ við Eyjafjörð vorið 1897 og var yngstur sjö systkina, tónlist var nokkuð iðkuð á…
Splæsing nönns spilaði svokallað dauðapönk en sveitin kom frá Akureyri og keppti í Músíktilraunum Tónabæjar vorið 1998, reyndar án þess að hafa þar erindi sem erfiði því hún komst ekki áfram í úrslit. Sveitina skipuðu þeir Helgi Jónsson trommuleikari, Bragi Bragason söngvari, Viðar Sigmundsson gítarleikari og Kristján Heiðarsson bassaleikari.
Upplýsingar óskast um hljómsveit sem starfaði á Akureyri árið 1992, og gekk undir nafninu Sokkabandið. Líkast til var um einhvers konar rokksveit að ræða en hún lék á tónleikum það haust.
Smárakvartettinn á Akureyri er meðal allra þekktustu tónlistarflytjenda höfuðstaðs Norðurlands en kvartettinn naut geysilegra vinsælda um allt land meðan hann starfaði og jafnvel lengur því lengi eftir að hann var hættur störfum ómuðu lög hans í Ríkisútvarpinu. Kvartettinn gaf út nokkrar plötur á meðan hann starfaði en jafnframt var gefin út veglegt heildarsafn hans um…
Á Akureyri starfaði hljómsveit undir nafninu Skýborg snemma á áttunda áratug síðustu aldar, líklega í kringum 1971 og 72 en meðlimir sveitarinnar voru þá á gagnfræðaskólaaldri. Liðsmenn Skýborgar voru þeir Hreinn Laufdal [?], Gunnar Friðriksson [?], Sigurður Albertsson [?], Sigfús E. Arnþórsson hljómborðsleikari [?] og Hermann Ingi Arason bassaleikari [?]. Glatkistan óskar eftir frekari upplýsingum…
Hljómsveit sem bar nafnið Skurður starfaði á Akureyri vorið 1992 og var að öllum líkindum skammlíf sveit. Sveitin sem var líklega rokkband kom fram að minnsta kosti einu sinni á tónleikum og voru meðlimir hennar þá þeir Rögnvaldur Bragi Rögnvaldsson bassaleikari, Kristinn Þeyr Magnússon söngvari, Magnús Rúnar Magnússon trommuleikari og Baldvin Ringsted Vignisson gítarleikari.
Hljómsveit sem bar nafnið Skuggar var ein þeirra sveita sem keppti í tónlistarkeppninni Viðarstauk í Menntaskólanum á Akureyri vorið 1992. Meðlimir Skugga voru Hörður [?], Tryggvi [?], Stefán [?], Ómar [?] hljómborðsleikari og Sigfús [?] trommuleikari. Óskað er eftir frekari upplýsingum um meðlimi (og hljóðfæraskipan) Skugga.
Akureyska hiphopsveitin Skytturnar vakti töluverða athygli í kringum síðustu aldamót þegar rappvorið sem svo mætti kalla stóð sem hæst, sveitin var þó hálfgert eyland í tónlistarflóru þeirra Akureyringa og naut mun meiri velgengni sunnan heiða en norðan. Segja má að sveitin hafi verið stofnuð 1998 en þá höfðu meðlimir hennar starfað undir nafninu Definite skillz…
Rokksveitin Skurk frá Akureyri hefur starfað frá því undir lok níunda áratugar síðustu aldar en þó langt frá því samfellt, sveitin var endurreist á nýrri öld eftir hátt í tveggja áratuga hlé en hefur á síðara starfsskeiði sínu sent frá sér tvær skífur. Skurk var angi af mikilli rokkbylgju eða vakningu sem gekk yfir norðanvert…
Innan Tónlistarskólans á Akureyri (Tónlistarskóla Akureyrar) hefur jafnan verið blómlegt hljómsveitastarf og voru áttundi og níundi áratugur síðustu aldar einkar blómlegir hvað það varðar, erfitt er að henda reiður á fjölda þeirra því þær hafa verið af alls konar tagi og af ýmsum stærðum. Tónlistarskólinn á Akureyri var stofnaður 1946 og þrátt fyrir að eiginleg…
Margt er á huldu varðandi kórsöng nemenda við Gagnfræðaskólann á Akureyri en þessi umfjöllun miðast við að skólakór hafi verið starfandi við skólann nokkuð samfellt frá 1964 til 1988, þau ártöl eru þó engan veginn marktæk og nokkuð öruggt er að kórastarf var iðkað mun lengur við skólann en stofnunin var starfrækt undir því nafni…
Glatkistan óskar eftir upplýsingum um Skólakór Glerárskóla sem starfaði undir lok áttunda áratugar síðustu aldar og fram á þann níunda, hugsanlega þó lengur. Ekki liggur fyrir hvort kórinn (sem einnig var kallaður Barnakór Glerárskóla) starfaði samfleytt en hann var starfandi 1977, 1979 (undir stjórn Jóhanns Baldvinssonar) og 1983 (undir stjórn Ásrúnar Atladóttur).
Akureyska hljómsveitin Skriðjöklar nutu töluverðra vinsælda á síðari hluta níunda áratugar síðustu aldar fyrir lög eins og Tengja, Hesturinn, Steini, Mikki refur og Aukakílóin sem öll mætti flokka sem eins konar gleðipopp með grínívafi, sveitin var einnig þekkt fyrir að vera skemmtileg á sviði og almennt sprell þegar kom að viðtölum, myndbandagerð, myndatökum o.þ.h. Segja…
Fjölmargar hljómsveitir störfuðu innan Gagnfræðaskóla Akureyrar en skólinn (sem gekk iðulega undir nafninu Gagginn meðal almennings) starfaði frá árinu 1930 til 1997 en þá var hann sameinaður Barnaskóla Akureyrar undir nafninu Brekkuskóli. Elstu heimildir um skólahljómsveit innan skólans eru frá því um fyrir 1950 (hugsanlega 1947 eða 48) en þá starfaði þar sveit sem m.a.…
Síhanouk var hljómsveit á Akureyri sem starfaði líklega um eða upp úr 1980. Meðlimir sveitarinnar voru þeir Ásgeir Jónsson gítarleikari, Balli [Baldvin H. Sigurðsson?] hljómborðsleikari, Ási Magg [Ásmundur Magnússon?] bassaleikari, Óli Þór [Ólafur Þór Kristjánsson?] söngvari og Jóhannes Már [?] trommuleikari. Heimild segir jafnframt að Steinþór Stefánsson bassaleikari hafi tímabundið verið í sveitinni. Síhanouk fór…
Skógartríóið starfaði á Akureyri um miðjan sjötta áratuginn, nánar tiltekið sumrin 1954 og 55 (e.t.v. lengur) og lék fyrra sumarið um helgar á dansleikjum í Vaglaskógi, hugsanlega kemur nafn tríósins þannig til. Einnig lék sveitin eitthvað á dansleikjum í Eyjafirðinum. Meðlimir Skógartríósins voru þeir Reynir Jónasson harmonikkuleikari, Gissur Pétursson píanóleikari og Rögnvaldur Gíslason trommuleikari.
Hippasveit sem bar nafnið Skapti var starfandi innan Menntaskólans á Akureyri veturinn 1969-70, jafnvel lengur. Skapti lék á einhverjum samkomum norðan heiða og var skipuð fimm meðlimum, Kristján Pétur Sigurðsson gítarleikari og Helgi Hannesson gítarleikari voru tveir þeirra en ekki finnast upplýsingar um hina þrjá, því er óskað eftir þeim upplýsingum hér með.
Sjálfstæðishúsið (Sjallinn) á Akureyri er með þekktustu samkomuhúsum landsins og án nokkurs vafa langvinsælasti skemmtistaður sem starfað hefur í bænum en hér fyrrum þótti ómissandi að fara á Sjallaball með Hljómsveit Ingimars Eydal væri maður á annað borð staddur í höfuðstað Norðlendinga. Undirbúningur að smíði og hönnun Sjálfstæðishússins á Akureyri mun hafa byrjað 1960 en…
Tónlistarmaðurinn Siggi Helgi var töluvert áberandi á níunda áratug síðustu aldar og sendi þá frá sér sólóplötu auk þess sem hann kom fram í kvikmyndinni Kúrekum norðursins ásamt fleirum og tók samhliða því þátt í kántríhátíðar-ævintýrinu á Skagaströnd. Í seinni tíð hefur hann mestmegnis starfrækt hljóðver og eitthvað starfað með hljómsveitum. Sigurður Helgi Jóhannsson (Siggi…
Fremur fáar heimildir finnast um hina allt að því goðsagnkenndu hljómsveit Shiva sem starfaði undir lok síðustu aldar og fram á nýja öld, á Akureyri. Sveitin var stofnuð haustið 1995 og voru stofnmeðlimir hennar Viðar Sigmundsson gítarleikari og Hlynur Örn Zophoníasson söngvari og gítarleikari. Fljótlega bættust í hópinn trommuleikarinn Kristján B. Heiðarsson og Bergvin F.…
Harmonikkuhljómsveit sem gekk undir nafninu Sérsveit Eyjafjarðar (jafnvel Sérsveitin) starfaði sumarið 2016 að minnsta kosti, á Akureyri eða þar í kring. Meðlimir þessarar sveitar voru Valberg Kristjánsson, Árni Ólafsson, Hörður Kristinsson og Agnes Harpa Jósavinsdóttir en þau voru öll harmonikkuleikarar.
Upplýsingar um akureysku ballsveitina Sérsveitina eru af skornum skammti. Sveitin virðist hafa spilað mestmegnis á heimaslóðum á Akureyri nokkuð samfleytt á árunum 2004 til 2009 og var Vélsmiðjan þeirra heimavígi þótt hún lék reyndar víðar. Engar upplýsingar er að finna um meðlima- og hljóðfæraskipan þessarar sveitar og mega lesendur Glatkistunnar gjarnan fylla upp þær eyður…
Vorið 1988 var hljómsveit sem bar nafnið Shake með öllu nema hráum meðal sveita sem kepptu í tónlistarkeppninni Viðarstauk, árlegri keppni innan Menntaskólans á Akureyri. Þessi sveit vann til verðlauna í keppninni, átti þar besta frumsamda lagið en engar upplýsingar er að finna um meðlimi og hljóðfæraskipan hennar, þær væru vel þegnar.
Unhuman casualties var hljómsveit frá Akureyri sem var meðal keppenda í Músíktilraunum Tónabæjar vorið 1993. Meðlimir sveitarinnar, sem reyndar var sögð í umsögn Morgunblaðsins leika fremur dauðapopp en -rokk, voru þeir Gunnbjörn Arnljótsson trommuleikari, Sigurður Pálmason bassaleikari, Hjörtur Halldórsson gítarleikari, Ari Fannar Vilbergsson gítarleikari og Árni Jökull Gunnarsson söngvari. Unhuman casualties komst ekki í úrslit…
Hljómsveit sem bar nafnið Ég skaut frænda minn með tívolíbombu var að öllum líkindum skammlíf sveit, stofnuð sérstaklega fyrir tónlistarkeppnina Viðarstauk ´88, sem haldin hefur verið innan Menntaskólans á Akureyri. Af þessu má ætla að sveitin hafi verið starfandi innan skólans. Engar upplýsingar er að finna um þessa sveit og er því hér með óskað…
Hljómsveitin Fudd starfaði á Akureyri vorið 1996 en ekki liggur fyrir hversu lengi. Sveitin keppti þá í hljómsveitakeppninni Fjörunganum ´96 og var gítarleikari sveitarinnar, Kristján Örnólfsson kjörinn besti gítarleikari keppninnar. Jens Ólafsson, síðar kenndur við Toy machine, Brain police og fleiri sveitir var söngvari Fudd en upplýsingar vantar um aðra meðlimi sveitarinnar.
Hljómsveitin Fugl virðist hafa verið skammlíf sveit starfrækt á Akureyri vorið 1990. Meðlimir þessarar sveitar voru Rögnvaldur Bragi Rögnvaldsson bassaleikari, Siggi [?] gítarleikari og Gummi [?] trommuleikari. Upplýsingar óskast um þau föðurnöfn sem vantar.
Heimildir eru afar takmarkaðar um hljómsveit á Akureyri, starfandi 1993, sem bar nafnið Frú Roosevelt segir frá en sveitin lék það sumar á tónleikum nyrðra. Glatkistan óskar því eftir upplýsingum um meðlimi sveitarinnar, hljóðfæraskipan og annað bitastætt efni tengt henni.
Hljómsveitin Frantic starfaði innan Verkmenntaskólans á Akureyri 1992 og 93, hugsanlega lengur. Sveitin spilaði nokkuð opinberlega á dansleikjum fyrir norðan. Meðlimir þessarar sveitar voru þeir Finnur B. Jóhannsson söngvari (síðar þekktur handboltamaður), Atli Rúnarsson [?], Jonni [?] og Matthías Stefánsson gítarleikari.
Forsetahjónin sem vildu ekki að sonurinn dansaði ballet var hljómsveit sem var sett sérstaklega saman fyrir hljómsveitakeppnina Viðarstauk sem haldin var við Menntaskólann á Akureyri 1984, en hún var þar meðal keppenda. Fyrir liggur að Arnar Matthíasson var meðal hljómsveitarmeðlima en upplýsingar vantar um aðra þá sem skipuðu þessa skammlífu sveit.
Glatkistan 