Hljómsveit starfandi um tíma innan sjálfstæðisflokksins og bar heitið Bláa bandið. Sveitin mun hafa komið einhverju sinni fram á samkomum innan flokksins. Meðlimir Bláa bandsins voru þeir Friðjón Þórðarson píanóleikari, Matthías Á. Mathiesen trommu- og harmonikkuleikari, Ólafur G. Einarsson munnhörpuleikari, Árni Johnsen gítarleikari og Valdimar Indriðason söngvari. Sveitin starfaði a.m.k. árið 1984 en ekki liggur…
Á Stöðvarfirði var starfrækt hljómsveit árið 1989 undir nafninu Bláa bandið, ekki liggja fyrir upplýsingar um hversu lengi sveitin starfaði. Meðlimir hennar voru Magnús Axel Hansen gítarleikari, Jón K. Þorsteinsson bassaleikari, Þórður H. Jónsson trommuleikari og Garðar Harðarson hljómborðsleikari og söngvari.
Vorið 1992 var hljómsveit í blúsgeiranum sem gekk undir nafninu Bláa bandið, hún var þá ný af nálinni. Engar upplýsingar finnast um þessa sveit og er hér með óskað eftir þeim.
Svo virðist sem hljómsveit hafi starfað á stríðsárunum í Keflavík undir nafninu Bláa bandið. Allar tiltækar og frekari upplýsingar um þessa sveit óskast sendar Glatkistunni með fyrirfram þökkum.
Hljómsveitin Bláa bandið var starfandi í Kópavogi árið 1967. Sveitin hafði gengið undir nafninu Tacton og eini kunni meðlimur hennar er Árni Blandon gítarleikari. Bláa bandið fékk næst nafnið Dýrlingarnir en að lokum náði hún nokkrum vinsældum undir nafninu Tatarar, að öllum líkindum með nokkuð breyttri liðsskipan.
Hljómsveit að nafni Bláa bandið lék á djasskvöldi árið 1980, að líkindum í aðeins eitt skipti. Meðlimir þessarar sveitar voru Carl Möller píanóleikari, Viðar Alfreðsson trompetleikari, Árni Scheving bassaleikari og Guðmundur Steingrímsson trommuleikari.
Hljómsveit sem síðar gekk undir nafninu Nýja kompaníið starfaði í skamman tíma undir heitinu Bláa bandið árið 1980 og lék opinberlega í tvö skipti. Meðlimir sveitarinnar voru Tómas R. Einarsson bassaleikari, Jóhann G. Jóhannsson píanóleikari, Sigurður Valgeirsson trommuleikari, Sveinbjörn I. Baldvinsson gítarleikari og Sigurbjörn Einarsson saxófónleikari.
Glatkistan 