Cupid [1] (1997-98)

Hljómsveit að nafni Cupid starfaði í Mosfellsbænum á árunum 1997 og 98. Sveitin var meðal keppenda í Músíktilraunum vorið 1998 og voru meðlimir hennar þá Ólafur Haukur Flygenring gítarleikari, Egill Hübner söngvari og gítarleikari, Sigurbjörn Ragnarsson bassaleikari og Tumi Þór Jóhannesson trommuleikari. Sveitin komst ekki áfram í úrslit.

Vitrun (1994)

Hljómsveitin Vitrun úr Mosfellsbæ vakti nokkra athygli með tveimur lögum á safnplötunum Algjört kúl og Ýkt böst vorið 1994. Helgi Már Hübner (sem gengur undir nafninu Hitesh Ceon) starfrækti sveitina og var hún hálfgildings eins manns verkefni en hann fékk sér til liðsinnis aðstoðarfólk þegar þurfti, þannig söng Anna Björk Ólafsdóttir með honum á fyrrnefndu…