Hitt liðið (1988-89)

Hljómsveit sem bar nafnið Hitt liðið starfaði um veturinn 1988-89 og var skipuð meðlimum úr Foringjunum og Stuðkompaníinu, sveitin lék í nokkur skipti á skemmtistöðum höfuðborgarsvæðisins. Þórður Bogason var söngvari Hins liðsins en ekki finnast upplýsingar um aðra meðlimi hljómsveitarinnar eða hljóðfæraskipan og er því hér með óskað eftir þeim.

Foringjarnir (1986-91 / 2014-)

Hljómsveitin Foringjarnir birtist óvænt með einn af stórsmellum sumarsins 1987, þeir náðu hins vegar ekki að fylgja því eftir og sveitin hvarf jafnskjótt og hún hafði birst. Foringjarnir voru stofnaðir síðsumars 1986 en sveitin innihélt blöndu reynslubolta og nýliða úr ýmsum ólíkum áttum, þetta voru þeir Þórður Bogason söngvari, Einar Jónsson gítarleikari (Drýsill o.fl.), Oddur…