Karlakór Mývatnssveitar [1] (1908-21)

Karlakór Mývatnssveitar undir stjórn Sigfúsar Hallgrímssonar í Vogum starfaði í Mývatnssveit fyrir margt löngu. Sá kór var lagður niður um það leyti sem annar karlakór var stofnaður í sveitinni árið 1921. Litlar upplýsingar er að finna um þennan kór, hann starfaði líklega á árunum 1908-21 og gæti hafa verið einnig kirkjukór sveitarinnar um tíma.

Karlakór Mývatnssveitar [2] (1921-72)

Karlakór Mývatnssveitar (oft einnig kallaður Karlakór Mývetninga) starfaði í ríflega hálfa öld fyrir norðan en sami stjórnandi kórsins stýrði honum í þrjátíu og sex ár. Það var Jónas Helgason hreppstjóri frá Grænavatni í Mývatnssveit sem má segja að hafi verið aðalsprauta kórsins allt frá stofnun en hann var aðalhvatamaður að því að kórinn var yfir…