Blússveit Hamrahlíðar (um 1970)

Blússveit Hamrahlíðar mun hafa verið starfandi innan Menntaskólans við Hamrahlíð um eða upp úr 1970, meðlimir sveitarinnar voru þeir Árni Blandon gítarleikari, Valgeir Guðjónsson bassaleikari, Aðalsteinn Eiríksson trommuleikari, Stefán Eiríksson söngvari og Þórður Árnason gítarleikari. Þessi sveit var líklega fremur skammlíf.

Fyrirbæri [1] (1985-86)

Hljómsveitin Fyrirbæri úr Reykjavík var stofnuð snemma vors 1985 og starfaði a.m.k. eitthvað fram á sumar 1986. Sveitin tók þátt í Músíktilraunum Tónabæjar síðara árið en komst ekki í úrslit. Meðlimir sveitarinnar þá voru þeir Kristján Eldjárn gítarleikari, Stefán Eiríksson söngvari (síðar lögreglustjóri í Reykjavík), Baldur Stefánsson bassaleikari, Ingi R. Ingason trommuleikari og Haraldur Kristinsson…