Títus [1] (1990-91)

Hljómsveitin Títus var starfrækt í Árbænum á árunum 1990 og 91 og var skipuð ungum tónlistarmönnum úr Árbæjarskóla. Meðlimir Títusar voru í upphafi þeir Daníel Þorsteinsson trommuleikari og Óli Hrafn Ólafsson gítarleikari en fljótlega bættust í hópinn þeir Freyr Friðriksson söngvari og Eggert Gíslason bassaleikari. Sveitin fór mikinn í Árbænum og gerðu þar garðinn frægan…

Títus [2] (1995)

Hljómsveitin Títus starfaði í Keflavík 1995 og tók þá um vorið þátt í Músíktilraunum Tónabæjar án þess að komast þó í úrslit. Títus lék eins konar gleðipopp og voru meðlimir sveitarinnar Gunnar Ingi Guðmundsson bassaleikari, Guðrún Ósk Gunnlaugsdóttir söngkona, Bergþór Haukdal Jónasson gítarleikari, Vilhelm Ólafsson trommuleikari og Styrmir Barkarson hljómborðsleikari.