Mistök [1] (um 1969)

Hljómsveitin Mistök var skammlíf hljómsveit starfandi í kringum 1969 og lék þá eitthvað í Oddfellow húsinu við Vonarstræti. Meðlimir þessarar sveitar voru Benedikt Torfason söngvari og gítarleikari, Hilmar Kristjánsson gítarleikari, Pétur Pétursson trommuleikari og Þráinn Örn Friðþjófsson bassaleikari.

Mistök [2] (1976-77)

Hljómsveit að nafni Mistök starfaði veturinn 1976-77 að minnsta kosti, á Núpi af því er heimildir herma. Líklega er þar um að ræða Núp í Dýrafirði og héraðsskólann þar. Óskað er eftir upplýsingum um meðlimi og hljóðfæraskipan Mistaka, sem og um annað sem skiptir máli í tengslum við sögu sveitarinnar.

Mistök [3] (1986-90)

Hljómsveitin Mistök starfaði á Húsavík á síðari hluta níunda áratugar síðustu aldar og lék einkum á skóladansleikjum innan skólanna í bænum enda voru meðlimir sveitarinnar á grunnskóla- og menntaskólaaldri. Sveitin var að öllum líkindum stofnuð haustið 1986 og mun hafa gengið undir öðru nafni í byrjun. Ekki er ljóst hverjir skipuðu sveitina þá en haustið…