Treflar (1965-66)

Unglingasveitin Treflar var starfrækt á Akureyri á árunum 1965 og 66. Meðlimir hennar voru Kári Gestsson gítarleikari, Haraldur Tómasson gítarleikari, Aðalsteinn Bergdal söngvari, Sigurður Ringsted trommuleikari og Ólafur Aðalsteinsson bassaleikari. Kjarni sveitarinnar átti síðar eftir að starfa saman í fleiri sveitum eins og Þeir og Taxmenn.

Taxmenn (1966-68)

Hljómsveitin Taxmenn (væntanlega með skírskotun í bítlalagið Taxman) starfaði í Menntaskólanum á Akureyri og lék á fjölmörgum böllum nyrðra en varð einnig svo fræg að leika í Glaumbæ þegar sveitin fór suður til Reykjavíkur. Meðlimir Taxmanna voru Haukur Ingibergsson gítarleikari, Sigurður G. Ringsted trommuleikari, Kári Gestsson gítarleikari og Stefán Ásgrímsson bassaleikari, sveitin var stofnuð upp…

Nafnleysingjarnir og Johnny (1964-66)

Á Akureyri starfaði á árunum 1964-66 bítlasveit sem hlaut nafnið Nafnleysingjarnir, venjulega var sveitin þó kölluð Nafnleysingjarnir og Johnny en sá Johnny var Jón Stefánsson söngvari. Nafnleysingjarnir var stofnuð 1964 og voru meðlimir sveitarinnar auk Johnnys, Árni Þorvaldsson, Vilhelm J. Steindórsson gítarleikari, Haraldur Tómasson [gítarleikari?], Reynir Adolfsson og Sigurður Ringsted Sigurðarson [trommuleikari?]. Þegar sveitin kom…

Þeir (1966)

Bítlasveitin Þeir frá Akureyri vakti nokkra athygli, einkum norðanlands 1966. Sveitin kom einnig suður til spilamennsku en meðlimir hennar voru Sigurður Ringsted trommuleikari, Kári Gestsson gítaleikari, Haraldur Tómasson gítarleikari, Stefán Ásgrímsson bassaleikari og Aðalsteinn Bergdal söngvari. Ekki liggur fyrir hversu lengi Þeir störfuðu.