Hljómsveitin Skuggar starfaði á Suðurlandi í byrjun áttunda áratugar síðustu aldar en hún lék á dansleikjum ásamt Mánum frá Selfossi árið 1971 og 72. Hugsanlegt er að Stefán Ásgrímsson hafi verið gítarleikari þessarar sveitar. Óskað eftir eftir frekari upplýsingum um þessa sveit, meðlimi hennar, hljóðfæraskipan og starfstíma.
Hljómsveitin Mono system (Monosystem) var eins konar skólahljómsveit innan Menntaskólans á Laugarvatni veturinn 1964-65. Meðlimir sveitarinnar voru þeir Þorvaldur Örn Árnason bassaleikari, Stefán Ásgrímsson gítarleikari, Jens Þórisson gítarleikari, Páll V. Bjarnason hljómborðsleikari og Guðmundur Harðarson trommuleikari. Mono system lék á dansleikjum og öðrum samkomum mestmegnis innan ML og annarra skóla í héraðinu þennan vetur, en…
Mánar frá Selfossi var ein stærsta bítla- og hipparokkssveit Íslands á sínum tíma, líklega fór þó nokkuð minna fyrir sveitinni en ella þar sem hún var utan af landi og kom sér þ.a.l. minna á framfæri á höfuðborgarsvæðinu. Vígi sveitarinnar var Suðurland, og oftast er talað um að stærstu og frægustu hljómsveitir landsins hefðu ekki…
Hljómsveitin Bláklukkur (einnig nefnd Bítlahljómsveitin Bláklukkur) var angi af líflegu og öflugu starfi Íslendinga í Kaupmannahöfn á síðari hluta áttunda áratugar síðustu aldar. Sveitin var nátengd hinum goðsagnarkenndu Kamarorghestum en meðlimir sveitarinnar voru Benóný Ægisson, Björgúlfur Egilsson, Ólafur Sigurðsson, Sigrún Einarsdóttir, Sigurður Einarsson og Stefán Ásgrímsson. Eflaust komu fleiri við sögu sveitarinnar.
Hljómsveitin Taxmenn (væntanlega með skírskotun í bítlalagið Taxman) starfaði í Menntaskólanum á Akureyri og lék á fjölmörgum böllum nyrðra en varð einnig svo fræg að leika í Glaumbæ þegar sveitin fór suður til Reykjavíkur. Meðlimir Taxmanna voru Haukur Ingibergsson gítarleikari, Sigurður G. Ringsted trommuleikari, Kári Gestsson gítarleikari og Stefán Ásgrímsson bassaleikari, sveitin var stofnuð upp…
Á 20. öldinni var hljómsveitin Kaktus með langlífustu sveitaballaböndunum á markaðnum en sveitin starfaði í sautján ár með hléum. Þótt kjarni sveitarinnar kæmi frá Selfossi var hljómsveitin þó stofnuð í Reykjavík og gerði út þaðan í byrjun en eftir miðjan áttunda áratuginn spilaði hún mestmegnis í Árnessýslu og á Suðurlandi, með undantekningum auðvitað. Kaktus var…
Bítlasveitin Þeir frá Akureyri vakti nokkra athygli, einkum norðanlands 1966. Sveitin kom einnig suður til spilamennsku en meðlimir hennar voru Sigurður Ringsted trommuleikari, Kári Gestsson gítaleikari, Haraldur Tómasson gítarleikari, Stefán Ásgrímsson bassaleikari og Aðalsteinn Bergdal söngvari. Ekki liggur fyrir hversu lengi Þeir störfuðu en það hefur líklega verið fram á 1967.
Glatkistan 