Upplýsingar óskast um kór sem virðist hafa starfað í Dölunum árið 1987 undir nafninu Hörpukórinn en kór með því nafni söng á skemmtun tengdri Jörfagleði í félagsheimilinu Dalabúð í Búðardal þá um vorið, undir stjórn Ragnars Inga Aðalsteinssonar. Hörpukórsins er hvergi annars staðar getið í heimildum og gæti hann því annað hvort hafa starfað um…
Harmonikufélagið Nikkólína hefur starfað í Dölunum um árabil, allt frá árinu 1981. Nikkólína var stofnuð haustið 1981 en aðal hvatamaður að stofnun félagsins var Kristján Ólafsson tónlistarkennari í Dölunum. Félagið gekk reyndar fyrsta árið undir nafninu Harmonikkufélag Dalamanna en nafni þess var breytt í Harmonikufélagið Nikkólína á fyrsta aðalfundi þess haustið 1982. Kristján var jafnframt…
Hljómsveitin Capó starfaði í Dalabyggð vor og sumar 1995, í nokkra mánuði að minnsta kosti. Meðlimir sveitarinnar voru þau Herdís Gunnarsdóttir söngkona, Sigurður Rögnvaldsson [?], Sigurður Sigurjónsson [?], Jói [?] Baldursson [?] og Ingvar Grétarsson [?], yngsti meðlimur sveitarinnar mun hafa verið fjórtán ára gamall en ekki liggur fyrir hver það var. Capó lék á…
Vorboðinn er líkast til með elstu starfandi kórum á landsbyggðinni en ekki liggur þó fyrir hvort hann hefur starfað samfleytt allan tímann frá árinu 1947 þegar hann var settur á laggirnar. Kórinn var reyndar ekki stofnaður formlega fyrr en í janúar 1948 en aðal hvatamenn að stofnun hans voru hjónin Magnús Rögnvaldsson og Elísabet Guðmundsdóttir…
Björn Stefán Guðmundsson kennari og skólastjóri úr Dölunum var hljóðfæraleikari og ljóðskáld en vinir og velunnarar gáfu út plötu með lögum við ljóð hans. Björn var frá Reynikeldu á Skarðsströnd, fæddur 1939 en fluttist tuttugu og fjögurra ára gamall í Dalina þar sem hann starfaði lengst af sem kennari og skólastjóri. Hann lék á harmonikku…
Nær engar upplýsingar er að finna um hljómsveitina Roða frá Búðardal en hún er auglýst tvívegis á síðum Morgunblaðsins í upphafi árs 1968, sem önnur af tveimur hljómsveitum á sviði Glaumbæjar. Upplýsingar um þessa sveit væru vel þegnar.
Suðvestan hvassviðri var hljómsveit sem var starfrækt í Búðardal fyrir margt löngu, sveitin var stofnuð árið 1979 og starfaði til ársins 1985. Var gjarnan talað um að skammstöfunin á nafni sveitarinnar væri R.O.K. Meðlimir Suðvestan hvassviðris voru þeir Friðrik Sturluson gítarleikari, Helgi Björnsson gítarleikari, Sigurður Svansson bassaleikari og Ingþór Óli Thorlacius trommuleikari.
Glatkistan 