Fjögur tónlistartengd afmælisbörn koma við sögu dagsins: Fyrstan skal nefna Sigurð Björnsson óperusöngvara sem er níutíu og þriggja ára gamall í dag. Hann nam söng fyrst hér heima hjá Guðmundi Jónssyni, Kristni Hallssyni og fleirum en fór til framhaldsnáms í Þýskalandi, þar starfaði hann um árabil. Ein fjögurra laga plata með jólasálmum kom út hér…
Hljómsveit Jóns Illugasonar starfaði veturinn 1971 til 72 í Mývatnssveit og lék mestmegnis fyrir dansi á heimaslóðum þar sem félagsheimilið Skjólbrekka var þeirra aðalvígi, þeir fóru þó einnig út fyrir sitt svæði og léku t.a.m. á Laugum í Reykjadal. Hljómsveitin var stofnuð haustið 1971 af Jóni Illugasyni en hann hafði nokkrum árum áður starfrækt hljómsveitina…
Hljómsveit Illuga Þórarinssonar á Húsavík er með langlífari ballhljómsveitum Þingeyinga en sveitin starfaði í um tuttugu og þrjú ár, reyndar gæti hún hafa verið starfandi enn lengur – það sérstæðasta við þessa sveit er þó að hún starfaði í áratug eftir andlát hljómsveitarstjórans. Hljómsveit Illuga mun hafa verið stofnuð haustið 1978 en stofnmeðlimir hennar voru…
Hafliði Jósteinsson var virkur í tónlistarstarfi Þingeyinga, hann starfaði með hljómsveitum, söng með kórum og kom að söngstarfi bæði eldri borgara og barna. Hafliði var fæddur vorið 1941 og bjó mestan part ævi sinnar á Húsavík. Hann starfaði lengst af hjá Kaupfélagi Þingeyinga, m.a. um tíma sem útibússtjóri í Reykjahlíð en einnig á Húsavík og…
Hljómsveitin Haukar starfaði um árabil norður á Húsavík, um svipað leyti og sveitin var stofnuð var önnur sveit stofnuð sunnan heiða undir sama nafni sem varð til þess að sú norðlenska – sem hér um ræðir var eftirleiðis kölluð Húsavíkur-Haukar til aðgreiningar frá þeirri sunnlensku. Sveitin var að öllum líkindum stofnuð 1962 en ekki liggur…
Haustið 1987 var hljómsveit á Húsavík sem bar nafnið Mánatríóið. Leifur Vilhelm Baldursson gítarleikari, Þórhallur Aðalsteinsson hljómborðsleikari og Hafliði Jósteinsson söngvari skipuðu tríóið en það starfaði að líkindum aðeins fram að áramótum. Allar ábendingar og leiðréttingar um þessa sveit eru þó vel þegnar.
Hljómsveitin Fimm starfaði á Húsavík veturinn 1984 til 1985, meðlimir þeirrar sveitar voru Sigurður Friðriksson hljómborðsleikari, Leifur Vilhelm Baldursson gítarleikari, Stefán Helgason trommuleikari, Hafliði Jósteinsson söngvari og Karl Hálfdánarson bassaleikari. Sveitin var líklega í sveitaballageiranum og lék aðallega fyrir norðan en allar frekari upplýsingar um hana eru vel þegnar.
Hljómsveitin Víbrar (stundum nefnd Víbrar og Hafliði) starfaði á árunum 1965-70 (ein heimild segir hana hafa starfað til 1972) á Húsavík og lék einkum á heimaslóðum norðanlands. Lengst af var sveitin skipuð þeim Braga Ingólfssyni trommuleikara og söngvara, Birni Gunnari Jónssyni gítarleikara, Þórhalli Aðalsteinssyni orgelleikara, Leifi Vilhelm Baldurssyni bassaleikara og Hafliða Jósteinssyni söngvara. Aðalsteinn Ísfjörð…
Glatkistan 