Newshit (1996)

Hljómsveitin Newshit var starfandi á Siglufirði 1996 en sveitin átt lag á safnplötunni Lagasafnið 5 sem út kom það ár. Meðlimir Newshit, sem spilaði grunge rokk, voru Víðir Vernharðsson gítarleikari, Gottskálk Kristjánsson söngvari og gítarleikari, Jón Svanur Sveinsson bassaleikari og Sveinn Hjartarson trommuleikari. Þeir félagar breyttu nafni sveitarinnar síðar í Plunge.

Plunge (1996-98)

Hljómsveitin Plunge frá Siglufirði var nokkuð í fréttum á árinu 1997 þegar sveitinni bauðst að vera á bandarískri safnplötu sem dreift var til kynningar fyrir útvarpsstöðvar og útgefendur. Tildrög þess voru þau að þeir félagar höfðu rekist á auglýsingu í bandarísku gítarblaði þar sem óskað var eftir efni frá tónlistarmönnum, Plunge-liðar sendu þrjú lög og…

Blackmail (1995)

Hljómsveitin Blackmail var starfandi 1995 og sendi frá sér lag á safnplötunni Sándkurl 2 það sama ár. Meðlimir voru Gottskálk Kristjánsson söngvari, Ásgrímur Antonsson trommuleikari, Ester Ingvarsdóttir hljómborðsleikari, Sigþór Frímannsson gítarleikari, Jón Sveinsson bassaleikari og Víðir Vernharðsson gítarleikari. Ekki liggja fyrir nánari upplýsingar um þessa sveit.