Veturinn 1982-83 var í Kópavogi starfandi hljómsveit skipuð meðlimum á grunnskólaaldri, undir nafninu XAF. XAF varð ekki langlíf en meðlimir hennar voru Flosi Þorgeirsson bassaleikari og söngvari, Guðjón Þór Baldursson trommuleikari og Magnús Árni Magnússon söngvari og hljómborðsleikari. Sveitin lék nýbylgjurokk en helsta ástæða þess að hún liðaðist í sundur var ágreiningur um stefnu hennar,…
Hljómsveitin Band nútímans gekk um tíma sumarið 1985 undir nafninu Twilight toys, og fluttu þá efni sitt á ensku. Sveitina skipuðu þeir Gunnar Ólafsson bassaleikari, Finnur Frímann Pálmason gítarleikari, Pétur Jónsson trommuleikari, Magnús Árni Magnússon söngvari og hljómborðsleikari og Ævar Sveinsson gítarleikari. Twilight toys starfaði einungis í fáeinar vikur undir þessu nafni.
Antarah var hljómsveit úr Kópavoginum. Hún var stofnuð upp úr Bandi nútímans haustið 1985 og var skipuð þeim Magnúsi Árna Magnússyni söngvara, Sváfni Sigurðarsyni hljómborðsleikara, Gunnari Ólasyni bassaleikara, Pétri Jónssyni gítarleikara og Ríkharði Flemming Jensen trommuleikara. Sveitin var skráð til þátttöku í Músíktilraunum Tónabæjar vorið 1986 en mætti ekki til leiks. Ekki er vitað hversu…
Hljómsveitin Band nútímans starfaði í Kópavogi á árunum 1982-85 og vakti töluverða athygli á sínum tíma, einkum fyrir að lenda í öðru til þriðja sæti í Músíktilraunum Tónabæjar haustið 1983 ásamt Þarmagustunum en Dúkkulísurnar sigruðu það árið. Í kjölfar árangursins í Músíktilraununum kom út lag með sveitinni á safnplötunni SATT 3. Sveitin sem spilaði nýrómantík…
Glatkistan 