Cigarette (1994-96)

Hljómsveitin Cigarette vakti nokkra athygli fyrir stórsmellinn I don‘t believe you vorið 1995, gaf út plötu í kjölfarið en hætti fljótlega eftir það. Sveitin var stofnuð síðla árs 1994 og voru meðlimir hennar í upphafi þeir Einar Tönsberg bassaleikari, Haraldur Jóhannesson gítarleikari, Sigtryggur Ari Jóhannsson hljómborðsleikari og Rafn Marteinsson trommuleikari. Sveitin hóf fljótlega að vinna…

Greifarnir [2] (1986-)

Hljómsveitin Greifarnir frá Húsavík er eitt af stærstu nöfnunum í íslenskri poppsögu en líklega hafa fáar sveitir skotist jafn skyndilega upp á stjörnuhimininn og hún gerði sumarið 1986 eftir sigur í Músíktilraunum Tónabæjar. Hljómsveitin, sem varð eins konar samnefnari fyrir svokallað gleðipopp, sendi á skömmum tíma frá sér fjölda stórsmella og troðfyllti félagsheimili landsins á…

Óðfluga [2] (1993)

Þessi sveit var starfandi 1993 og átti það árið lag á safnplötunni Landvættarokk. Þá var sveitin skipuð þeim Haraldi Jóhannessyni gítarleikara, Rafni Marteinssyni trommuleikara, Einari Tönsberg bassaleikara, Sigtryggi Ara Jóhannssyni orgelleikara og Þóri Jónssyni Hraundal söngvara. Ekki liggja fyrir frekari upplýsingar um sveitina.

Diddi (1991)

Hljómsveitin Diddi kom úr Reykjavík og var starfandi 1991, tók þá þátt í Músíktilraunum Tónabæjar. Meðlimir sveitarinnar voru Rafn Marteinsson trommuleikari, Einar Tönsberg bassaleikari, Haraldur Jóhannesson gítarleikari og Þorri Jónsson söngvari. Diddi komst ekki áfram í úrslit Músíktilrauna en starfaði allavega eitthvað fram yfir mitt sumar.