Íslensk knattspyrna (1989)

Íslensk knattspyrna var hljómsveit starfandi í Eiðaskóla 1989. Sveitin tók þátt í Músíktilraunum þá um vorið og var þá skipuð þeim Benedikt Páli Magnússyni bassaleikara (Trassarnir), Jóni Tryggva Jónssyni gítarleikara, Guðbjarti Pétri Árnasyni trommuleikara og Róberti Ólafssyni söngvara og gítarleikara. Sveitin gekk framan af undir nafninu Kaffidanirnir.

Svívirðing (1993)

Hljómsveitin Svívirðing var starfandi 1993 en það ár átti sveitin lag á safnplötunni Landvættarokk. Meðlimir hennar voru þá Róbert Ólafsson söngvari, Guðbjartur Árnason trommuleikari, Jón Tryggvi Jónsson bassaleikari og Arnar Þór Guttormsson gítarleikari. Sama ár átti sveitin lag á safnplötunni Íslensk tónlist 1993. Ekki liggja fyrir frekari upplýsingar um Svívirðingu.