Þúsund og ein nótt ku hafa verið hljómsveit starfrækt í Fjölbrautaskóla Vesturlands á Akranesi í kringum 1990, að minnsta kosti árið 1989 en þá gæti sveitin hafa átt efni á safnsnældu sem nemendafélag skólans stóð fyrir útgáfu á.

Litlar sem engar upplýsingar er að hafa um þessa sveit utan þess að Orri Harðarson og Ólafur Páll Gunnarsson (síðar dagskrárgerðarmaður á Rás 2) munu hafa verið í henni. Meðlimir Þúsund og einnar nætur voru augljóslega á menntaskólaaldri.

Allar frekar upplýsingar um þessa sveit óskast sendar Glatkistunni.