Hljómsveitin Fleyja sjer (færeyska) starfaði innan Fjölbrautaskóla Vesturlands á Akranesi haustið 1997 en þá var sveitin meðal keppenda í tónlistarkeppninni Frostrokki sem haldin var innan veggja skólans. Fleyja sjer hafnaði í þriðja sæti keppninnar og átti í framhaldinu tvö lög á safnplötunni Frostrokk 1997: tónlistarkeppni NFVA, sem kom út vorið 1998. Meðlimir sveitarinnar voru þau…
Fjúkyrðin með að utan var skammlíf rokksveit, stofnuð upp úr Óþekktum andlitum (frá Akranesi) snemma árs 1988. Ekki liggja fyrir upplýsingar um meðlimi og hljóðfæraskipan þessarar sveitar en óskað er eftir þeim hér með.
Um miðbik síðustu aldar starfaði hljómsveit á Akranesi undir nafninu Fjarkinn. Fjarkinn (einnig stundum nefnd Fjarkar) gæti hafa verið sett á laggirnar litlu fyrir 1950 og starfaði hún í nokkur ár undir stjórn Danans Ole H. Östergaard gítarleikara, sem stofnaði hana. Fjarkinn var lengst af kvartett undir stjórn Östergaard en aðrir meðlimir voru Helga Jónsdóttir…
Hljómsveitin Fitl vakti nokkra athygli í lok síðustu aldar en sveitin sendi þá frá sér fjögur laga smáskífu. Fitl birtist fyrst á sjónarsviðinu á tónleikum í Hinu húsinu í febrúar 1998 en ekki liggur fyrir hversu lengi hljómsveitin hafði þá verið starfandi. Sveitin var sögð vera af Skaganum en mun hafa starfað á höfuðborgarsvæðinu og…
Hljómsveitin Faktus var meðal sveita sem kepptu í árlegri hljómsveitakeppni Fjölbrautaskóla Vesturlands á Akranesi, haustið 2000. Ekki liggja fyrir neinar upplýsingr um meðlima- og hljóðfæraskipan sveitarinnar og gæti allt eins verið að hún hafi verið sett saman fyrir þessa einu uppákomu, Glatkistan óskar því eftir frekari upplýsingum um Faktus.
Hljómsveit starfaði á Akranesi á árunum 2000 til 2001, að öllum líkindum innan Fjölbrautaskóla Vesturlands Akranesi, undir nafninu Close down eða Closedown. Fyrir liggur að meðal meðlima hennar voru Sigurður Mikael Jónsson söngvari, Sigurður Ingvar Þorvaldsson bassaleikari og Bjarki [?] en ekki finnast meiri upplýsingar um þessa sveit, Glatkistan óskar þ.a.l. eftir þeim.
Gunnar Sturla Hervarsson kennari á Akranesi (f. 1974) hefur verið virkur í menningarlífinu á Skaganum, bæði í leiklistinni og tónlistinni í bænum um árabil. Gunnar var á menntaskólaárum þegar fyrst kvað að honum en hann var þá í Fjölbrautaskóla Akraness og var afar virkur í félagslífi skólans, tók þátt í leiklistinni innan hans og tónlistinni…
Söngflokkurinn Octavia (Oktavía) starfaði á Akranesi á seinni hluta níunda áratugar síðustu aldar, að minnsta kosti á árunum 1987 til 89. Meðlimir Octaviu voru Hrönn Eggertsdóttir, Jensína Valdimarsdóttir, Leif Steindal, Sigurjón Skúlason, Bjarki Sveinbjörnsson, Jensína Waage og Sigurður Ólafsson.
Hljómsveit sem gekk undir nafninu Oddfellowbandið var að öllum líkindum starfandi á Akranesi árið 1990, að minnsta kosti lék sveitina á tónleikum þar í bæ sumarið 1990. Óskað er eftir upplýsingum um þessa hljómsveit.
Hljómsveit sem bar annað hvort nafnið Moskito eða Moskító var líklega starfandi á Akranesi, meðal meðlima sveitarinnar var Geir Harðarson en ekki liggja fyrir upplýsingar um aðra Moskító-liða. Þessi sveit var líkast til starfandi á síðari hluta níunda áratugarins.
Hljómsveitin Melasveitin starfaði á Akranesi um árabil og var líklega þekktust fyrir að innihalda bæjarstjórann í plássinu, Gísla Gíslason. Sveitin mun hafa verið stofnuð árið 1995 sem skemmtiatriði fyrir árshátíð, meðlimir hennar voru Lárus Sighvatsson hljómborðsleikari, Skúli Ragnar Skúlason fiðluleikari, Guðmundur Jóhannsson bassaleikari, Birgir Þór Guðmundsson gítarleikari, Einar Skúlason gítarleikari, Sigursteinn Hákonarson söngvari, Gísli Gíslason…
Á Akranesi hefur verið starfandi blússveit um árabil sem ber nafnið Magnús. Ekki liggur fyrir nákvæmlega hvenær Magnús var stofnuð en hún var starfandi haustið 1990 og hafði þá auðsýnilega verið starfandi í nokkurn tíma. Sveitin hefur starfað með hléum og árið 2008 voru meðlimir hennar Ragnar Knútsson [bassaleikari ?], Ólafur Páll Gunnarsson söngvari og…
Hljómsveitin Winston light orchestra frá Akranesi kom fram í nokkur skipti snemma árs 1986 eða þar til sveitin breytti nafni sínu í Þema um vorið og keppti undir því nafni í Músíktilraunum Tónabæjar, og komst reyndar í úrslit keppninnar. Meðlimir Þemu voru þau Anna Halldórsdóttir söngkona, Theódór Hervarsson hljómborðsleikari, Ingimundur Sigmundsson gítarleikari, Logi Guðmundsson trommuleikari…
Þjóðlaga- eða kammersveitin Brotnir bogar var starfrækt á Akranesi um og eftir 1980 og mun hafa verið stofnað fyrir tilstuðlan Wilmu Young sem þá kenndi tónlist við tónlistarskólann í bænum. Brotnir bogar áttu eftir að koma margsinnis fram á næstu árum og misstór eftir því, stundum voru þau fimm en mest voru þau líklega átta…
Blúsboltarnir er í raun ekki starfandi hljómsveit heldur sveit sem kemur saman einu sinni á ári á Akranesi, 30. desember ár hvert. Upphaf Blúsboltanna má rekja til þess er Rúnar Júlíusson bassaleikari og Tryggvi J. Hübner gítarleikari voru eitt sinn að spila á Hótel Akranesi fyrir margt löngu, það gæti hafa verið annað hvort árið…
Unglingahljómsveit starfaði á Akranesi árið 2001 undir nafninu Blaze. Fyrir liggur að nafnarnir Axel Gíslason trommuleikari [?] og Axel Björgvin Höskuldsson bassaleikari [?] voru í sveitinni en aðrar upplýsingar vantar um hana.
Barnakór Akraness var öflugur kór sem starfaði á Skaganum í hartnær áratug, nánast allan tímann undir stjórn Jóns Karls Einarssonar. Jón Karl Einarsson var skólastjóri tónlistarskólans á Akranesi og átti stærsta þátt í stofnun Barnakórs Akraness innan skólans en hann stjórnaði kórnum sjálfur. Kórinn tók til starfa haustið 1976 og varð strax mjög virkur bæði…
Tregablandin lífsgleði var ein af fjölmörgum hljómsveitum af Akranesi sem skörtuðu Orra Harðarsyni en sveitin keppti í Músíktilraunum vorið 1988. Meðlimir sveitarinnar voru auk Orra sem lék á bassa, Pétur H. Þórðarson söngvari og gítarleikari, Ingimundur Sigmundsson gítarleikari og Bjarni Hjaltason trommuleikari. Sveitin kom ekki áfram í úrslit Músíktilraunanna.
Hljómsveitin Blúsboltarnir kveðja árið á Gamla kaupfélaginu á Akranesi í kvöld, 30. desember klukkan 22:00. Húsið opnar klukkan 21:00 og er miðaverðið kr. 3000, ekki er tekið við kortum. Blúsboltana skipa þeir Halldór Bragason söngvari og gítarleikari, Eðvarð Lárusson gítarleikari, Tryggvi J. Hübner gítarleikari, Birgir Baldursson trommuleikari, Sigurþór Þorgilsson bassaleikari og Gunnar Ringsted söngvari og…
Hljómsveitin Tíbrá frá Akranesi náði nokkrum vinsældum á níunda áratug síðustu aldar og gaf þá út þrjár skífur með alls fjórtán lögum, færri vissu þó að sveitin hafði þá verið starfandi allt frá miðjum áratugnum á undan en alls starfaði sveitin í um þrettán ár. Tíbrá var stofnuð veturinn 1974-75 á Akranesi og voru meðlimir…
Laga- og textahöfundurinn Theódór Einarsson er mörgum kunnur fyrir lög sín en margir af þekktustu tónlistarmönnum landsins hafa flutt þau í gegnum tíðina. Theódór Frímann Einarsson fæddist í Leirársveitinni 1908 og var kominn á fullorðins ár þegar hann flutti inn á Akranes þar sem hann síðan bjó til æviloka, starfaði framan af við verkamannastörf en…
Engar upplýsingar finnast um hljómsveitina Takta sem lék a.m.k. tvívegis á Akranesi árið 1974. Líkur benda því til þess að hún hafi verið starfandi þar í bæ.
Nafn Óðins G. Þórarssonar tónskálds og harmonikkuleikara er ekki það þekktasta í íslenskri tónlist en hann hefur samið fjöldann allan af lögum sem eru þekkt, þekktast þeirra allra er þó vafalaust lagið Nú liggur vel á mér. Óðinn Gunnar Þórarinsson fæddist 1932 austur á Fáskrúðsfirði en flutti þrettán ára gamall með fjölskyldu sinni til Akraness…
Þúsund og ein nótt ku hafa verið hljómsveit starfrækt í Fjölbrautaskóla Vesturlands á Akranesi í kringum 1990, að minnsta kosti árið 1989 en þá gæti sveitin hafa átt efni á safnsnældu sem nemendafélag skólans stóð fyrir útgáfu á. Litlar sem engar upplýsingar er að hafa um þessa sveit utan þess að Orri Harðarson og Ólafur…
Allar upplýsingar um hljómsveitina Proof frá Akranesi væru vel þegnar. Sveitin er auglýst sem ný sveit í febrúar 1969 en annað liggur ekki fyrir um hana, hvorki líftíma hennar né meðlimi og hljóðfæraskipan.
Plastgeir og Geithildur var tríó frá Akranesi sem keppti í Músíktilraunum 1988 og voru meðlimir hennar Hrannar Örn Hauksson bassaleikari, Leifur Óskarsson gítarleikari og söngvari og Jóhann Á. Sigurðsson trommuleikari. Sveitin var þá nýstofnuð upp úr Óþekktum andlitum og áttu meðlimir hennar eftir að keppa síðar með öðrum Skagasveitum á sama vettvangi. Pétur Heiðar Þórðarson…
Hljómsveitin Plast var skammlíf rokksveit sem starfaði 1992 og 93. Hún var hugsanlega frá Akranesi. Meðlimir Plasts voru Jón Bentsson bassaleikari, Logi Guðmundsson trommuleikari, Ólafur Friðriksson gítarleikari og Þorbergur Viðarsson söngvari. Plast var ekki áberandi þann tíma sem hún starfaði en sendi þó frá sér þrjú lög sem komu út á safnsnældunni Strump 2 árið…
Hljómsveitin Pegasus frá Akranesi starfaði 1993 og tók þá um vorið þátt í Músíktilraunum Tónabæjar. Meðlimir Pegasusar voru Einar Harðarson gítarleikari, Gunnar S. Hervarsson söngvari og gítarleikari, Sigurjón Þorgrímsson bassaleikari, Guðmundur Claxton trommuleikari og Svanfríður Gísladóttir söngkona. Sveitin lék eins kona nýbylgjupopp og komst í úrslit keppninnar án þess þó að gera þar einhverjar rósir.…
Karlarkórinn Svanir á Akranesi var sá kór hérlendis sem hvað lengst hefur starfað en hann starfaði nær samfellt í sextíu og fimm ár á síðustu öld. Sögu kórsins er þó ekki lokið því hann var endurreistur haustið 2013 og lifir ágætu lífi í dag. Litlar heimildir er að finna um kórinn frá fyrstu árum hans,…
Auðvelt er að rugla saman tveimur karlakórum sem starfað hafa á Akranesi, og störfuðu reyndar samtíða um tveggja ára tímabil. Annar vegar var um að ræða Söngfélagið / Karlakórinn Svani (stofnaður 1915) sem einnig var reglulega kallaður Karlakór Akraness, hins vegar hinn eiginlega Karlakór Akraness [2] sem stofnaður var 1943 á meðan hinn kórinn var í…
Allar upplýsingar um hljómsveitina Dog sem starfaði árið 1996 eru vel þegnar, en sveitin spilaði á balli á Akranesi það ár. Sveitin starfaði hugsanlega í því bæjarfélagi.
Litlar upplýsingar er að finna um lúðrasveit drengja sem starfandi var á Akranesi um 1960 en þó liggur fyrir að hún var starfrækt og 1959 og 1961, 1974 er talað um skólahljómsveit Akraness en líklegt er að hún hafi verið stofnuð upp úr þessari sveit. Ekki liggja heldur fyrir upplýsingar um hver stýrði Drengjalúðrasveit Barnaskólans…
Saga hljómsveitarinnar Dúmbó er bæði margslungin og flókin, spannar langan tíma og inniheldur fjölmargar mannabreytingar – svo mjög að ekki er víst að þessi umfjöllun nái utan um þær allar. Sögu sveitarinnar er reyndar líklega enn ekki lokið því hún kemur reglulega saman og leikur opinberlega. Hljómsveitin Dúmbó (Dumbo/Dumbó) var stofnuð í Gagnfræðaskóla Akraness vorið…
Rómeó og Júlíus virðist hafa verið fremur skammlíf hljómsveit frá Akranesi starfandi árið 1993. Um vorið keppti sveitin í Músíktilraunum Tónabæjar, þá voru liðar hennar Hörður Ómarsson bassaleikari, Ólafur Böðvarsson trommuleikari, Kristinn Elíasson gítarleikari og Geir Harðarson söngvari og gítarleikari. Sá síðast taldi gaf síðar út sólóplötur en hinir virðast ekki hafa komið meira nálægt…
Litlar sem engar heimildir er að finna um hljómsveit sem bar nafnið Rivera og starfaði á Akranesi sumarið 1986. Líklega var um unglingahljómsveit að ræða. Allar upplýsingar um þessa sveit eru vel þegnar.
Hljómsveitin Yggdrasill var starfandi á Akranesi um eða fyrir 1990. Anna Halldórsdóttir mun hafa verið í þessari hljómsveit, sem var að öllum líkindum starfrækt í Fjölbrautaskóla Vesturlands á Skaganum. Allar upplýsingar eru vel þegnar.
Engar upplýsingar finnast um hljómsveitina Yogurt frá Akranesi en hún starfaði sumarið 1995, þá hitaði hljómsveitin upp á sveitaballi fyrir Stjórnina. Allar upplýsingar um Yogurt eru vel þegnar.
Á Akranesi var hljómsveit á áttunda áratugnum sem hét Rapsódía (iðulega nefnd Rabsódía í auglýsingum Morgunblaðsins). Ekki liggja fyrir upplýsingar um hversu lengi sveitin starfaði en hún var þó að minnsta kosti starfandi á árunum 1976 til 1979, hugsanlega þó með hléum. Sumarið 1979 var sveitin í pásu en ráðgert var þá að hún myndi…
Hljómsveitin Ofbirta var skipuð mjög ungum tónlistarmönnum sem unnu sér það helst til frægðar að leika lag í Stundinni okkar í Ríkissjónvarpinu. Ofbirta, sem var frá Akranesi, var stofnuð haustið 1984 og voru meðlimir hennar Pétur Atli Lárusson hljómborðsleikari, Jóhann Ágúst Sigurðarson trommuleikari, Hrannar Örn Hauksson bassaleikari og Pétur Hreiðar Þórðarson söngvari og gítarleikari. Sveitin…
Óðfluga var hljómsveit, starfrækt á Akranesi. Árið 1991 átti sveitin lag á safnplötunni Húsið sem gefin var út til styrktar Krýsuvíkursamtökunum og voru meðlimir sveitarinnar þá Þorbergur A. Viðarsson söngvari, Leifur Óskarsson gítarleikari, Jón Ingi Þorvaldsson bassaleikari, Hjörleifur Halldórsson hljómborðsleikari og Logi Guðmundsson trommuleikari, einnig söng Anna Halldórsdóttir raddir með þeim á plötunni en var…
Þungarokkhljómsveitin Batterí (Battery) kom frá Akranesi og keppti í Músíktilraunum Tónabæjar og Bylgjunnar 1989. Meðlimir voru þá Jón Ingi Þorvaldsson bassaleikari, Sigurður Gíslason gítarleikari, Guðmundur Þórir Sigurðsson gítarleikari og Gautur Garðar Gunnlaugsson trommuleikari en Batterí hafði verið stofnuð upp úr annarri Skagasveit, Deja vu í lok árs 1988.
Bróðir Darwins var hljómsveit frá Akranesi sem keppti í Músíktilraunum Tónabæjar og Bylgjunnar 1989 og lenti þar í þriðja sæti. Orri Harðarson gítarleikari var í þeirri hljómsveit og Anna Halldórsdóttir söngkona en aðrir meðlimir sveitarinnar voru Logi Guðmundsson trommuleikari (Óðfluga) og Karl Lilliendahl bassaleikari. Þetta var einhvers konar nýbylgjusveit. 1991 átti sveitin lag á safnplötunni…
Hljómsveitin Búnaðarbanki Íslands var starfandi 2002 og var líklega frá Akranesi. Þetta óvenjulega nafn má líklega rekja til styrktaraðila sveitarinnar. Ekki liggja fyrir nánari upplýsingar um meðlimi hennar eða líftíma.
Deja vu var hljómsveit frá Akranesi (stofnuð síðla árs 1986) sem keppti í Músíktilraunum vorið 1987. Meðlimir sveitarinnar voru Halldór Þorsteinsson bassaleikari, Guðmundur Þ. Sigurðsson gítarleikari, Gautur Gunnarsson trommuleikari, Logi Guðmundsson gítarleikari og Jón Ingi Þorvaldsson söngvari. Hún komst ekki áfram í úrslitin. Hljómsveitin Batterý var síðar stofnuð upp úr Deja vu.
Hljómsveitin Ecco (Ekkó) starfaði á Akranesi 1965, meðlimir þeirrar sveitar voru Óli [?] bítill rytmagítarleikari, Reynir [?] bítill sólógítarleikari, Sigurður Sig. [?] gerfibítill trommuleikari og Rúnar [?] bítill bassaleikari. Síðla þetta sama ár skipti Ecco um bassaleikara þegar Júlíus Sigurðsson tók við af Reyni, og notaði sveitin þá tækifærið til að breyta um nafn, kölluðust…
Dúettinn Ég og Jónas frá Akranesi átti lag á safnplötunni Sándkurl 2 sem kom út 1995. Dúettinn var skipaður þeim Þórdísi Ingibjartsdóttur söngkonu og munnhörpuleikara og Jónasi Björgvinssyni gítar- og munnhörpuleikara. Ég og Jónas komu mest fram á heimaslóðum 1995 og 96 en birtust einnig á höfuðborgarsvæðinu og léku sína blús- og trúbadoratónlist.
Hljómsveitin Fídus kom frá Akranesi og var starfandi 1985 þegar hún keppti í Músíktilraunum Tónabæjar. Meðlimir sveitarinnar voru þau Anna Halldórsdóttir söngkona, Theódór Hervarsson hljómborðsleikari (síðar veðurfræðingur), Logi Guðmundsson trommuleikari (Bróðir Darwins o.fl.), Jón Páll Pálsson bassaleikari og Ingimundur Sigmundsson gítarleikari (Tregablandin lífsgleði). Fídus komst ekki í úrslit Músíktilraunanna.
Hljómsveitin Fuse frá Akranesi og Borgarnesi keppti í Músíktilraunum 1999. Sveitin hafði þá sérstöðu að hafa innanborðs tvo trommuleikara en tónlist þeirra var skilgreind sem drum‘n bass. Þorsteinn Hannesson trommuleikari, Árni Teitur Ásgeirsson hljómborðsleikari, Bjarni Þór Hannesson trommuleikari, Guðríður Gunnarsdóttir Ringsted söngkona og Vilberg Hafsteinn Jónsson bassaleikari skipuðu sveitina en hún hafði ekki erindi sem…
Bítlahljómsveitin Gneistar var frá Akranesi og hafði um nokkurra mánaða skeið leikið undir nafninu Ecco (Ekkó) þegar Júlíus Sigurðsson bassaleikari gekk til liðs við þá, við þá mannabreytingu tók sveitin upp nafnið Gneistar. Aðrir meðlimir sveitarinnar voru Óli [?] og Reynir gítarleikarar og Sigurður Sig. trommuleikari. Ekki eru líkur á að þessi sveit hafi verið…
Á Akranesi var starfandi hljómsveit, stofnuð haustið 1936 og mun hafa leikið á böllum á Skaganum og nágrenni. Meðlimir sveitarinnar sem var tríó, voru Theódór Einarsson harmonikkuleikari (kunnur dægurlaga- og textahöfundur), Sigurður B. Sigurðsson harmonikkuleikari og Guðjón Bjarnason trommuleikari. Kátir strákar störfuðu í nokkur ár en ekki liggur fyrir hversu lengi nákvæmlega.
