Sveifluvaktin

Djasskvartett sem hlaut nafnið Sveifluvaktin starfaði á Akranesi um miðjan níunda áratug síðustu aldar, sveitin var stofnuð vorið 1985 og starfaði að minnsta kosti fram á vorið 1986 en hún mun hafa verið fyrsta starfandi djasssveitin á Skaganum.

Sveitin kom fram í nokkur skipti í heimabænum og lék blöndu frumsamins efnis og þekktra standarda. Meðlimir Sveifluvaktarinnar voru þeir Eðvarð Lárusson hljómborðs- og gítarleikari, Eiríkur Guðmundsson trommuleikari og bræðurnir Gunnar gítarleikari og Ragnar bassaleikari Knútssynir.