Afmælisbörn 11. nóvember 2014

Ásgerður Flosadóttir

Ásgerður Flosadóttir

Afmælisbörnin eru fjölmörg á þessum degi:

Ásgerður Flosadóttir var þekktust fyrir framlag sitt á plötu Samsteypunnar sem út kom 1970 og hafði m.a. að geyma lagið Friður á jörð (Give peace a change), hún er sextug í dag.

Samúel Jón Samúelsson básúnuleikari á einnig stórafmæli í dag, hann er fertugur og hefur komið víða við, rekið eigin sveitir (Stórsveit Samúels Jóns Samúelssonar) og leikið með hljómsveitum eins og Jagúar, Havana og Milljónamæringunum. Hann hefur einnig gefið út sólóplötur og unnið með fjölmörgu tónlistarfólki og hljómsveitum, ýmist á sviði og á plötum sem skipta tugum ef ekki hundruðum.

Pétur Ben tónlistarmaður er 38 ára, hann hefur gefið út sólóplötur auk þess að vinna með listamönnum eins og Eberg, Elínu Ey, Mugison, Lay Low og Ólöfu Arnalds, hann hefur ennfremur leikið með sveitum eins og Tristian og Inflammatory.

Höskuldur Ólafsson hagfræðingur og fyrrum Quarashi meðlimur er 37 ára, hann var einnig í hljómsveitum eins og Wool, Ske og 2001.