Þögnin [2] (1969)

Hljómsveitin Þögnin starfaði í Vestmannaeyjum 1969 og líklega lengur, og var skipuð ungum meðlimum á aldrinum þrettán til fimmtán ára. Meðlimir Þagnarinnar voru Sigurjón Ingi Ingólfsson gítarleikari, Einar Hallgrímsson söngvari og gítarleikari, Guðmundur Jóhann Olgeirsson hljómborðsleikari, Valþór Sigþórsson trommuleikari og Kristinn (Diddi) Jónsson bassaleikari. Sól sveitarinnar mun hafa risið hvað hæst þegar hún var meðal…

Þyrlukúkarnir (?)

Heimild hermir að hljómsveit hafi borið nafnið Þyrlukúkarnir, engar upplýsingar er hins vegar að finna um þessa sveit nema að hún hafi hugsanlega innihaldið bassaleikarann Lúðvik Þóri Guðmundsson (Trassar o.fl.). Frekari upplýsingar óskast því um þessa sveit.

Þyrlar (1970-85)

Hljómsveitin Þyrlar var áberandi á Hólmavík og Ströndum um árabil, enda var hún aðalhljómsveit svæðisins í hátt í tvo áratugi og lék á helstu skemmtunum og böllum. Þyrlar voru stofnaðir um 1970  (nákvæm tímasetning liggur ekki fyrir og upphaf sveitarinnar gæti allt eins þess vegna hafa verið mun fyrr) og eins og gengur með langlífar…

Þögnin [1] (1968)

Hljómsveit sem bar nafnið Þögnin lék á árshátíð Menntaskólans á Akureyri haustið 1968. Engar upplýsingar finnast um þessa sveit, hvorki um meðlimi hennar né líftíma og hér er gert ráð fyrir að sveitin hafi verið starfrækt á Akureyri en sé ekki sú sama og starfaði líklega í Vestmannaeyjum um svipað leyti.

ÞÆÖ-40 (1991)

Tríóið TÆÖ-40 var starfrækt við Menntaskólann á Akureyri haustið 1991 að minnsta kosti. Litlar heimildir er að finna um þessa sveit en meðlimir hennar hétu Einar Hafberg (Grétar á gröfunni o.fl.), Frosti [?] og Ási [?]. Svo virðist sem sveitin hafi spilað einhvers konar tölvuskotna danstónlist. Nánari upplýsingar óskast um ÞÆÖ-40.

Þær tvær (1990)

Dúettinn Þær tvær var samstarfsverkefni þeirra Dúkkulísa, Hörpu Þórðardóttur hljómborðsleikara og Erlu Ragnarsdóttur söngkomu árið 1990 en þá áttu þær eitt lag á safnplötunni Hitt og þetta aðallega hitt alla leið. Harpa og Erla höfðu valinkunna tónlistarmenn sér til halds og traust á þeirri safnplötu. Ekki virðist hafa verið um frekara samstarf þeirra að ræða…

Þyrnar [2] (1974)

Hljómsveitin Lúdó og Stefán kom saman sumarið 1974 eftir nokkurra ára hlé og starfaði þá undir nafninu Þyrnar í fáeinar vikur áður en þeir félagar tóku upp gamla nafnið aftur. Í framhaldinu gáfu þeir út tvær vinsælar plötur. Meðlimir Þyrna voru að öllum líkindum þá þeir Berti Möller söngvari og gítarleikari, Stefán Jónsson söngvari, Elfar…

Þyrnar [1] (1966)

Hljómsveitin Þyrnar var frá Ólafsvík og lék bítlatónlist fyrir heimamenn og nærsveitunga um miðjan sjöunda áratug síðustu aldar. Þyrnar var stofnuð upp úr Ómó sem var líklega að mestu skipuð sömu meðlimum en þeir voru Snorri Böðvarsson gítarleikari, Trausti Magnússon bassaleikari, Stefán Alexandersson trommuleikari og Sturla Böðvarsson gítar- og harmonikkuleikari en sá síðast taldi var…

Afmælisbörn 6. september 2017

Eitt afmælisbarn kemur við sögu Glatkistunnar í dag: Sverrir Ólafson (Sverrir Stormsker) er fimmtíu og fjögurra ára gamall. Sverrir hefur í gegnum tíðina gefið út um tuttugu plötur og ljóðabækur en frægðarsól hans reis hvað hæst fyrir 1990, þá átti hann hvern stórsmellinn á fætur öðrum s.s. Horfðu á björtu hliðarnar, Þórður, Við erum við,…