Afmælisbörn 14. október 2018

Bjarni Þorsteinsson

Afmælisbarn Glatkistunnar er aðeins eitt í dag:

Bjarni Þorsteinsson þjóðlagasafnari frá Siglufirði (1861-1938) átti afmæli þennan dag. Bjarni var þekktur fyrir þjóðlagasafn sitt en hann safnaði íslenskum þjóðlögum um tuttugu fimm ára skeið og gaf út undir nafninu Íslenzk þjóðlög árið 1905. Um var að ræða þúsund blaðsíðna rit sem hafði að geyma um fimm hundruð lög og hafa margir sótt í þennan sjóð Bjarna, meðal annars hljómsveitin Þursaflokkurinn. Bjarni, sem var prestur á Siglufirði, samdi einnig sjálfur sönglög en minnisvarði um hann var reistur þar í bæ 2013.

Auglýsingar