Um nokkurra ára skeið á áttunda áratugnum var starfræktur söngflokkur á vegum Hjálpræðishersins í Reykjavík. Engar upplýsingar er að finna um meðlimi hópsins sem skemmti á árunum 1975-75 á samkomum Hjálpræðishersins með söng og undirleik. Allar frekari upplýsingar um Blóð og eld má gjarnan senda Glatkistunni.
Hljómsveitin Blekking frá Vestmannaeyjum keppti í Músíktilraunum vorið 1993 en hafði ekki erindi sem erfiði þar enda mun tónlist sveitarinnar hafa verið nokkuð á skjön við það sem þótti móðins á þeim tíma í tilraununum, þrátt fyrir ágæt tilþrif að sögn. Meðlimir Blekkingar voru Þröstur Jóhannsson gítarleikari, Gísli Elíasson trommuleikari, Unnþór Sveinbjörnsson gítarleikari, Guðrún Á.…
Á árunum 1989-91, jafnvel lengur var starfandi rokksveit í þyngri kantinum á Húsavík undir nafninu Blóðmör. Meðlimir þessarar sveitar voru Þorgeir Tryggvason [gítarleikari?], Eggert Hilmarsson [bassaleikari?], Halli [Haraldur Ringsted Steingrímsson trommuleikari?] og Þrási [Þráinn Árni Baldvinsson gítarleikari?]. Staðfesting á meðlimum Blóðmörs og frekari upplýsingar um sveitina væru vel þegnar.
Snemma árs 1997 var starfandi hljómsveit innan neðanjarðarsenunnar, sem bar heitið Blóðtakan. Sveitin lék á einum tónleikum að minnsta kosti en engar heimildir finnast um hverjir skipuðu hana. Upplýsingar þ.a.l. eru því vel þegnar.
Hljómsveitin Mánar frá Selfossi hætti í fáeina mánuði veturinn 1973-74 og megnið af sveitinni stofnaði nýja sveit sem fékk nafnið Blóðberg. Blóðberg starfaði í nokkrar vikur og lék á nokkrum böllum undir því nafni en meðlimir sveitarinnar voru Smári Kristjánsson bassaleikari, Guðmundur Benediktsson píanóleikari, Ólafur Þórarinsson (Labbi) söngvari og gítarleikari og Sigurjón Skúlason trommuleikari en…
Hljómsveitin Blóðtaktur úr Kópavoginum er ekki meðal þekktustu sveita íslenskrar tónlistarsögu en hún hefur starfað í áratugi (með hléum). Blóðtaktur var stofnuð vorið 1993 og nefndist fyrst um sinn Anal Arbeit en um sumarið fékk sveitin endanlegt nafn sitt. Hún starfaði líklega nokkuð samfleytt til ársins 1998 og spilaði þá nokkuð oft á opinberum vettvangi…
Hljómsveitin Blóðrefill var skráð til leiks í hljómsveitakeppni sem haldin var um verslunarmannahelgina 1987 í Atlavík. Glatkistan veit engin deili á þessari sveit og því væru allar upplýsingar um hana vel þegnar.
Dauða- og kántrýdúettinn Blóðmör starfaði innan Sniglabandsins og kom fram í nokkur skipti samhliða þeirri sveit árið 1993 að minnsta kosti. Meðlimir dúettsins voru þeir Þorgils Björgvinsson og Einar Rúnarsson. Á Sniglabandsplötunni RÚVtops (2006) er að finna þrjú lög í flutningi Blóðmörs.
Hljómsveitin Blue boys var meðal fyrstu djasssveita sem störfuðu hér á landi en aðalvígi sveitarinnar var Iðnó. Sveitin var stofnuð haustið 1935 af Henna Rasmus píanóleikara og lagahöfundi sem þá var nýkominn hingað heim frá Þýskalandi þar sem hann var við nám. Aðrir meðlimir Blue boys voru Skafti Sigþórsson saxófón- og trompetleikari, Adolf Theódórsson saxófónleikari,…
Hljómsveit sem bar hið einkennilega nafn, Blóma keppti í hljómsveitakeppni Menntaskólans á Akureyri, Viðarstauk (Woodstock) vorið 1990. Ekki liggja fyrir upplýsingar um meðlimi sveitarinnar eða hvort um eins kvölds flipp var að ræða.
Bítlasveitin Blóm afþökkuð starfaði innan Menntaskólans á Laugarvatni vorið 1967 og síðan veturinn 1967-68. Meðlimir sveitarinnar voru þeir Björn Bergsson söngvari og gítarleikari, Bjarni Fr. Karlsson trommuleikari, Guðmundur Svavarsson bassaleikari og Sverrir Kristinsson söngvari og gítarleikari. Þá gætu Þorvaldur Örn Árnason bassaleikari og Einar Örn Stefánsson trommuleikari einnig hafa komið við sögu hennar.
Mikil blúsvakning var í kringum 1970 og spruttu víðast hvar upp blúshljómsveitir af ýmsum stærðum og gerðum hérlendis. Blúsáhugamannaklúbburinn Blue note var stofnaður mitt í þessari vakningu og starfaði í rúmlega ár, hann hafði aðsetur í Klúbbnum við Lækjarteig (nú Cabin hótel við Borgartún) og þar voru haldin blúskvöld þar sem hinar og þessar hljómsveitir…
Allar tiltækar upplýsingar um Blue boys kvartettinn sem starfaði árið 1959, óskast sendar Glatkistunni, meðlima- og hljóðfæraskipan, starfstíma o.s.frv.
Hljómsveit að nafni Bluebirds lék í fjölmörg skipti í klúbbum á Keflavíkurflugvelli á árunum 1963-66. Ekki liggur fyrir hvort sveitin var sett saman sérstaklega fyrir þessi gigg á Vellinum eða hvort um var að ræða aðra sveit sem kallaði sig þessu nafni við þau tækifæri, t.d. Hljómsveit Guðmundur Ingólfssonar úr Keflavík sem skipuð var sömu…
Í dag eru tvö afmælisbörn á skrá Glatkistunnar: Karl Ottó Runólfsson tónskáld hefði átt afmæli í dag. Karl fæddist aldamótaárið 1900, nam trompet- og píanóleik, auk þess ljúka námi í hljómsveitaútsetningum og tónsmíðum. Hann var einn af stofnendum Lúðrasveitar Reykjavíkur og stýrði nokkrum lúðrasveitum og danshljómsveitum víða um land, hann sinnti ennfremur tónlistarkennslu en lék…
