Froskar og fiðrildi [1] (1994)

Árið 1994 var hljómsveit starfandi á Selfossi eða nágrenni undir nafninu Froskar og fiðrildi, þessi rokksveit lék eitthvað á dansleikjum og tónleikum en var líklega ekki langlíf.

Meðlimir Froska og fiðrilda munu hafa verið bræðurnir Ólafur Ólason söngvari og Árni Ólason bassaleikari, Rikki [?] gítarleikari og Jónas Sigurðsson trommuleikari (Sólstrandargæi o.fl.) en þannig var sveitin skipuð á safnplötunni Sándkurl (1994) þar hún átti fjögur lög. Sævar Logi Ólason (Trassarnir) mun jafnframt hafa verið söngvari sveitarinnar um skeið.

Nánari upplýsingar um nöfn þeirra sem vantar, má senda Glatkistunni, auk annars sem gæti vantað upp á í þessari umfjöllun.