Sautjándi júní

Sautjándi júní
(Lag / texti: Haukur Ingibergsson / Bjartmar Hannesson)

Blómin springa út og þau svelgja í sig sól,
sumarið í algleymi og hálft ár enn í jól.
Í hjarta sínu fólkið gleðst og syngur lítið lag
því lýðveldið Ísland á afmæli í dag.

viðlag
Hæ hó, jibbí jei og jibbí jei,
það er kominn 17. júní.
Hæ hó, jibbí jei og jibbí jei,
það er kominn 17. júní.

Jóni heitnum Sigurðssyni færir forsetinn
firnamikinn árvissan og stóran blómsveiginn.
Fjallkonan í múnderingu prílar upp á pall,
með prjáli les hún ljóð eftir löngu dauðan kall.

viðlag

Skrúðgöngurnar þramma undir lúðrasveitarleik,
lítil börn með blöðrur, hin eldri snafs og reyk.
Síðan líður dagurinn við hátíðanna höld,
heitar étnar pylsurnar við fjölmörg sölutjöld.

viðlag

Um kvöldið eru alls staðar útidansleikir,
að sunnan koma rándýrir skemmtikraftarnir.
En rigning bindur enda á þetta gleðigeim
því gáttir opnast himins og allir fara heim.

viðlag

[m.a. á plötunni Upplyfting – 20 vinsæl lög]