Hinsegin kórinn með vortónleika

Hinsegin kórinn

Hinsegin kórinn heldur vortónleika sína í Guðríðarkirkju laugardaginn 18. maí nk. kl. 15.

„Miklu meira en orð“ er titill tónleikanna, enda eru kórfélagar sammála um að þær tilfinningar sem vakna við flutning kórtónlistar séu mun sterkari en innantóm orð. Halldór Smárason meðleikari kórsins lætur ekki sitt eftir liggja við að þétta litrófið með tónum frá flyglinum.

Á tónleikunum flytur kórinn tónlist í öllum regnbogans litum.  Þar má heyra ómstríða kórútsetningu á lagi rokksveitarinnar Nirvana, ljúfan söng um von um betra líf handan regnbogans og ekki síst frumflutning á lagi eftir Helgu Margréti Marzellíusardóttur, stjórnanda kórsins, sem leiðir kórinn yfir svart gólf á leiðinni til regnbogans.

Miðasala fer fram á Tix.is.