Taktu til við að tvista

Taktu til við að tvista
(Lag / texti: Valgeir Guðjónsson)

Ertu einn af fólkinu sem hreyfir aldrei legginn eða liðinn stirða
og liggur grimmt á meltunni og sefur þegar tækifæri gefst,
og ert með það á planinu (því langtíma) að fara fljótlega að girða
fyrir spikið en það bara dregst og dregst?

Eða ertu kannski trøstespiser, knúinn slöppum taugum til að kýla kviðinn
og kannt svo vel að skjóta vandamálagalleríinu á frest?
Hæ, gleðstu elsku feitabolla, tími bjarghringjanna‘ er bráðum löngu liðinn
því lúði, eitt gefst allra best:

Taktu til við að tvista, teygja búkinn og hrista,
taktu til við að tvista, tvista, tvista, tvista, tvista
je je je je – je je je je.

Og sjáðu til, það hrynur af þér holdið sem að gerði þér svo gramt í geði,
þú gengur bæði‘ á Esjuna og Öskuhlíð og mæðin fyrir bí.
Svo lifirðu í vellystingum, praktuglega‘ í endalausri ofsagleði
og ef þú ferð að fitna‘ á ný, þá segi ég:

Taktu til við að tvista, teygja búkinn og hrista,
taktu til við að tvista, tvista, tvista, tvista, tvista
je je je je – je je je je.

[m.a. á plötunni Með allt á hreinu – úr kvikmynd]