Band míns föður (1995-96)

Hljómsveitin Band míns föður var upphaflega ekki hugsuð til að koma fram opinberlega utan leiksýninga en sveitin var hluti af sýningunni Land míns föður sem Leikfélag Selfoss setti á svið veturinn 1995-96.

Meðlimir hennar voru Gunnar Jónsson trommuleikari, Smári Kristjánsson bassaleikari, Helgi E. Kristjánsson gítarleikari, Jón Gunnar Þórhallsson trompetleikari, Eyþór Frímannsson básúnu- og trompetleikari og Sigurmundur Páll Jónsson saxófónleikari.

Eftir að sýningum lauk kom sveitin fram í nokkur skipti opinberlega, m.a. á páskadjasshátíð sem haldin var á Selfossi.

Auglýsingar