Hljómsveitin Flowers var um tveggja ára skeið ein allra vinsælasta sveit landsins og skákaði þá veldi Hljóma sem höfðu svo gott sem einokað markaðinn á Íslandi til nokkurra ára. Sögu sveitanna tveggja lauk með sameiningu þeirra og stofnun súpergrúppunnar Trúbrots og á sama tíma birtist önnur sveit, Ævintýri sem var að mestu skipuð þeim Flowers-liðum…
Flowers – [ep] Útgefandi: Tónaútgáfan Útgáfunúmer: T104 Ár: 1968 1. Slappaðu af 2. Andvaka 3. Glugginn 4. Blómið Flytjendur: Jónas R. Jónsson – söngur og flauta Arnar Sigurbjörnsson – gítar Sigurjón Sighvatsson – bassi Karl J. Sighvatsson – orgel og píanó Gunnar Jökull Hákonarson – trommur
Flamingo kvartettinn starfaði á Norðurlandi, að öllum líkindum á Akureyri, árið 1958 og hugsanlega lengur. Engar upplýsingar finnast um hverjir skipuðu þessa sveit og er óskað eftir upplýsingum um það sem og starfstíma hennar. Einhverju sinni var Óðinn auglýstur sem söngvari Flamingo og eru allar líkur á að þar sé átt við Óðin Valdimarsson sem…
Haustið 1997 var starfrækt tríó á Akureyri undir nafninu Flat 5 / Flat five (ᵇ5) en hún kom kom í nokkur skipti í heimabænum og flutti m.a. jólalög í djassútsetningum. Meðlimir tríósins voru þeir Kristján Edelstein gítarleikari, Jón Rafnsson kontrabassaleikari og Haukur Pálmason trommuleikari.
Djasssveitin Flat 5 / Flat five (ᵇ5) starfaði veturinn 1982-83 meðal nemenda og kennara innan tónlistarskóla FÍH (Félags íslenskra hljómlistarmanna), og lék á nokkrum tónleikum. Meðlimir Flat 5 voru Vilhjálmur Guðjónsson gítar-, saxófón- og píanóleikari (yfirkennari djassdeildar FÍH), Sigurður Long saxófónleikari, Ludwig Símonar víbrafón- og píanóleikari, Bjarni Sveinbjörnsson bassaleikari og Árni Áskelsson slagverksleikari. Þeir komu…
Hafnfirska hljómsveitin Flasa starfaði á síðari hluta tíunda áratugar síðustu aldar og var m.a. meðal þátttökusveita í Músíktilraunum. Ekki liggur fyrir hvenær Flasa var stofnuð en hún var vorið 1996 farin að leika nokkuð opinberlega á heimaslóðum í Hafnarfirði, m.a. á tónleikunum Kaktus ´96. Ári síðar, vorið 1997 keppti sveitin í Músíktilraunum Tónabæjar og voru…
Flamingo kvintettinn (um tíma kvartett) var meðal vinsælustu ballsveita landsins upp úr 1960 og var um tíma fastráðin í Vetrargarðinum í Tívolíinu í Vatnsmýrinni, sveitin lék einnig nokkuð hjá ameríska hernum á Keflavíkurflugvelli. Sveitin var stofnuð síðsumars 1960 og var fljótlega komin í Vetrargarðinn í Tívolíinu þar sem hún skemmti lengstum en lék þó einnig…
Óskað er eftir upplýsingum um hljómsveit sem gekk undir nafninu Flamingo kvintettinn. Vitað er að hljómsveit undir þessu nafni starfaði í Hafnarfirði undir lok sjötta áratugar 20. aldarinnar og var Viðar Hörgdal Guðnason harmonikkuleikari einn meðlima hennar. Sveit með þessu nafni lék á dansleik á Hótel Hveragerði vorið 1959 og er líklegt að um sömu…
Árið 1998 starfrækti Herdís Hallvarðsdóttir (Grýlurnar, Islandica o.fl.) hljómsveit sem bar heitið Flautaþyrlarnir en sú sveit var líklega starfandi innan Fíladelfíusafnaðarins og flutti því trúarlegt efni, sveitin mun einnig hafa flutt efni á tónleikum sem Herdís hafði þá nýverið sent frá sér á sólóplötunni Það sem augað ekki sér. Engar upplýsingar er að finna um…
Flautaþyrlarnir var ekki starfandi hljómsveit heldur nafn yfir flytjendur lags og texta Ómars Ragnarssonar, Það er ekki hægt annað, sem keppti í úrslitum sönglagakeppninnar Landslagsins haustið 1991. Það voru þau Ómar og Þuríður Sigurðardóttir sem sungu lagið í keppninni og á plötu sem kom út með lögunum en hinir eiginlegu Flautaþyrlar voru þeir Friðrik Karlsson…
Félag íslenzkra dægurlagahöfunda starfaði um nokkurt skeið um og eftir miðbik síðustu aldar og var nokkuð öflugt framan af en að lokum lognaðist starfsemin út af eftir að hafa barist í bökkum í nokkur ár. Félagið var stofnað haustið 1955 með því að um tuttugu og fimm manna hópur dægurlagahöfunda kom saman í því skyni…
Sex afmælisbörn koma við sögu Glatkistunnar að þessu sinni: Óskar Páll Sveinsson hljóð- og upptökumaður er fimmtíu og fjögurra ára í dag. Hann var á yngri árum söngvari og hljómborðsleikari hljómsveitarinnar Medium en sneri sér síðan að upptökufræðum, starfaði sem tæknimaður hjá Ríkisútvarpinu og við upptökur og hljóðblöndun á fjölmörgum plötum hér heima áður en…
Glatkistan 