Spilliköttur (1983-85)

Hljómsveitin Spilliköttur var ein af þeim fjölmörgu tilraunakenndu sveitum sem störfuðu í kjölfar nýbylgjusenunnar í byrjun níunda áratugnum en hún var starfrækt í Kópavogi, vöggu pönksins.

Meðlimir Spillikattar voru þeir Sigurður Halldórsson bassaleikari, Ingólfur Örn Björgvinsson saxófónleikari og Birgir Baldursson trommuleikari en þeir voru þá á sama tíma einnig í hljómsveitinni Gakk, við fjórða mann.

Spilliköttur lék á nokkrum tónleikum á þeim tíma sem sveitin starfaði, 1983 til 85 og eitt lag kom út með þeim félögum á safnkassettunni Rúllustiganum árið 1984 – fleiri upptökur munu vera til með sveitinni.