Að lífið sé skjálfandi

Að lífið sé skjálfandi
(Lag Schubert – texti Sigurður Þórarinsson)

Að lífið sé skjálfandi lítið gras
má lesa í kvæð’ eftir Matthías
en allir vita, hver örlög fær
sú urt sem hvergi í vætu nær.

viðlag
Mikið lifandi skelfingar ósköp er gaman
að vera svolítið hífaður
Mikið lifandi skelfingar ósköp er gaman
að vera svolítið hífaður.

Það sæmir mér ekki sem Íslending
að efast um þjóðskáldsins staðhæfing
en skrælna úr þurrki ég víst ei vil
og vökva því lífsblómið af og til.

viðlag

Nú þekkist sú skoðun og þykir fín
að þetta vort jarðlíf sé ekkert grín,
menn eigi að lifa hér ósköp trist
og öðlast í himninum sæluvist.

viðlag

En ég verð að telja það tryggara
að taka út forskot á sæluna,
því fyrir því gefst ekkert garantí
að hjá Guði ég komist á fyllerí.

viðlag

[á fjölmörgum plötum]