Blindsker

Blindsker
(Lag / texti: Bubbi Morthens)

Skömmu‘ áður en vindurinn sofnar uppi á hæðunum,
eins og morgundöggin sprettur svitinn fram.
Andartaki áður en nýr dagur kemur með póstinum
ákveður sólin að hylja sinn harm.

viðlag
Og ég veit ég þarf að leika sama leikinn,
veruleikinn er eins og gömul mynd.
Ég sest niður með kaffið, set Bowie á fóninn,
þitt uppáhaldslag var Wild is the wind.
Öll þessi ár sem gáfu okkur það
sem aðrir óskuðu sér,
elskendur í stormi sem aldrei sáu
að ástin var aðeins blindsker.

Ég geng sömu götuna, hitti sama fólkið,
geri sömu hlutina og ég gerði með þér.
Þó dagurinn sé sá sami er það ekki sama nóttin,
því nóttin var okkar tími til að byrja með.

viðlag
 
[m.a. á plötunni Das Kapital – Lili Marlene]