Blús í G

Blús í G
(Lag / texti: Magnús Eiríksson)

Mánudagsmorgunn, á fætur ég fer,
höfuðið á mér þunnt eins og gler.
Ég þrái að fá þig, sjá þig,
sofa eina nótt hjá þér.

Hvað var ég að gera?, Hvar fékk ég að vera?
Í ókunnri borg, svo fjarri þér.
Ég þrái að sjá þig, fá þig,
hvíla eina nótt hjá þér.

Tungan við góminn er eins og gróin.
Gerbragð í munni af öldrykkju er.
Ég þrái að fá þig, sjá þig,
sofa eina nótt hjá þér.

Ég horfi út um dyrnar, geng út um gluggann,
geri allt vitlaust hvar sem ég fer.
Ég þrái að fá þig, sjá þig,
hvíla eina nótt hjá þér.

Í hillingum heyri ég þig syngjandi sálma,
svona‘ ertu heilög í augum mér.
Ég þrái að fá þig, sjá þig,
sofa eina nótt hjá þér.

[á plötunni Mannakorn – Mannakorn]