Í Hlíðarendakoti

Í Hlíðarendakoti
(Lag / texti: Friðrik Bjarnason / Þorsteinn Erlingsson)

Fyrr var oft í koti kátt,
krakkar léku saman.
Þar var löngum hlegið hátt,
hent að mörgu gaman.
Út um sléttar urðu þar
einatt skrýtnar sögur
þegar saman safnast var
sumarkvöldin fögur.

Eins við brugðum okkur þá
oft á milli bæja
til að kankast eitthvað á
eða til að hlæja.
Margt eitt kvöld og margan dag
máttum við í næði
æfa saman eitthvert lag
eða syngja kvæði.

Bænum mínum heima hjá,
Hlíðar brekkum undir,
er svo margt að minnast á,
margar glaðar stundir.
Því vill hvarfla hugurinn,
heillavinir góðir,
heim í gamla hópinn minn,
heim á fornar slóðir.

[m.a. á plötunni Kór Hafnarfjarðarkirkju – Þar aðeins yndi fann ég]