Í Hallormsstaðarskógi

Í Hallormsstaðarskógi
(Lag / texti: Svavar Benediktsson / Kristján frá Djúpalæk)

Í Hallormsstaðarskógi
er angan engu lík.
Og dögg á grasi glóir
sem gull í Atlavík.
Og fljótsins svanir sveipast
í sólarlagsins eld,
og hlæjandi, syngjandi
frelsinu fagnandi,
fylgdumst við burtu það kveld.

Úr Hallormsstaðarskógi
ber angan enn í dag.
Og síðan hefur sungið
í sál mér þetta lag.
Því okkar liðna ótta
var engri nóttu lík.
Og ennþá hún lifir
í minningu minni
sú mynd úr Atlavík.

[m.a. á plötunni KK & Maggi Eirík – Langferðalög]