Hljómsveitin Hljóp á snærið starfaði um ríflega tuttugu ára skeið í Sandgerði, líklega þó ekki samfleytt en sveitin var lengi fastagestur á bæjarhátíðinni Sandgerðisdögum og lék reyndar víðar annars staðar um landið. Hljóp á snærið virðist hafa komið fram á sjónarsviðið fyrst í kringum 1994 og lék þá bæði í heimabæ sínum Sandgerði sem og…
Hljómsveit Kristjáns Þorkelssonar starfaði árið 2002 og lék þá fyrir eldri borgara í Sandgerðisbæ. Sveitin lék á slíkri skemmtun um haustið en einnig er heimild fyrir að Kristján Þorkelsson hafi leikið á sams konar skemmtun í byrjun sama árs en þá voru með honum Torfi Ólafsson gítarleikari, Ingvar Hólmgeirsson harmonikkuleikari og Einar Örn Einarsson söngvari,…
Glatkistan óskar eftir upplýsingum um samkomuhús í Sandgerði sem gekk undir nafninu Hljómskálinn og var í notkun að minnsta kosti síðari hluta sjöunda áratugar síðustu aldar og fram á áttunda áratuginn. Svo virðist sem dansleikir hafi verið haldnir í þessu húsi en einnig mun annars konar starfsemi hafa verið þar, ekki er ólíklegt að húsið…
Hljómsveitin Steypa var starfrækt í Sandgerði um tveggja ára skeið á fyrri hluta tíunda áratugar síðustu aldar, sveitin spilaði rokk í anda svokallaða Seattle-sveita. Steypa spilaði töluvert árið 1992, mest þó á Suðurnesjunum en vorið 1993 var sveitin meðal keppnissveita í Músíktilraunum. Þá var hún skipuð þeim Ólafi Egilssyni gítarleikara, Magnúsi Magnússyni bassaleikara, Garðari Eiðssyni…
Hljómsveitin Spíritus starfaði í Sandgerði á fyrri hluta tíunda áratugarins og lék nokkuð á dansleikjum á Suðurnesjunum en einnig á höfuðborgarsvæðinu. Spíritus var stofnuð síðla árs 1992 upp úr hljómsveitinni Tengdó en meðlimir sveitarinnar voru Rúnar Þór Guðmundsson söngvari, Ólafur Þór Ólafsson gítarleikari, Heiðmundur Clausen bassaleikari, Kristinn Einarsson hljómborðsleikari og trommuleikari sem nafn vantar á…
Afar takmarkaðar upplýsingar er að finna um hljómsveit sem kölluð var Sjálfumglöðu riddararnir og hugsanlegt er að hún hafi verið eins manns sveit Smára Guðmundssonar frá Sandgerði, sem flestir þekkja sem annan meðlim systkina tvíeykisins Klassart. Heimildir eru fyrir því að Sjálfumglöðu riddararnir hefðu komið fram sumarið 1996 í Sandgerði en „sveitin“ kom reyndar aldrei…
Hljómsveitin Frumraun starfaði í Sandgerði árið 1992, hún var skipuð meðlimum á unglingsaldri og lék þá um haustið á tónleikum sem haldnir voru í tengslum við M-hátíð á Suðurnesjunum. Óskað er eftir upplýsingum um meðlimi þessarar sveitar, hljóðfæraskipan og starfstíma.
Hljómsveitin Flugan frá Sandgerði starfaði í nokkur ár um og upp úr aldamótum, lék nokkuð á dansleikjum og skemmtunum á Suðurnesjunum og sendi frá sér eina plötu. Sveitin var stofnuð formlega 1999 en þá höfðu nokkrir félagar í Sandgerði verið að leika sér með hljóðfæri í einhvern tíma á undan og starfað undir nafninu Konukvöl,…
Jazzfjelag Suðurnesjabæjar stendur fyrir tónleikum í kvöld, 1. október í Bókasafni Sandgerðis við Skólastræti og hefjast þeir klukkan 20:00. Það er bassaleikarinn Sigmar Þór Matthíasson sem er miðpunktur tónleikanna, hann gaf út sína fyrstu sólóplötu, Áróru í september 2018 en hún hlaut tvær tilnefningar til Íslensku Tónlistarverðlaunanna í flokki jazz- og blústónlistar á síðasta ári.…
Hljómsveit starfaði í Sandgerði í kringum aldamótin (1999 og 2000) undir nafninu Botnfiskarnir. Engar frekari upplýsingar finnast um þessa sveit, og þær væru því vel þegnar.
Nerðir var skammlíf sveit úr Sandgerði sem starfaði 1992. Sveitin spilaði grunge rokk og meðlimir hennar voru Viggó Maríasson, Smári Guðmundsson, Heiðmundur B. Clausen, Ólafur Þór Ólafsson og Pálmar Guðmundsson. Engar upplýsingar er að finna um hljóðfæraskipan Njarða.
Upplýsingar um Karlakór Miðneshrepps (stundum einnig nefndur Karlakór Miðnesinga) eru af afar skornum skammti en svo virðist sem kórinn hafi starfað á árunum milli 1951 og 1964, líklega nokkuð samfleytt. Miðneshreppur er nú á dögum nefndur Sandgerðisbær dags daglega. Þrátt fyrir að kórinn hafi ekki mörg starfsár að baki komu margir stjórnendur við sögu hans,…
Dúettinn Hobbitarnir var stofnaður 2004 í Sandgerði og hefur verið starfandi allt til dagsins í dag. Meðlimir hans eru Ólafur Þór Ólafsson og Hlynur Þór Valsson en báðir spila þeir á gítar og syngja. Hobbitarnir hafa einkum skemmt á heimavelli þótt þeir fari víða um land. Þeir hafa á skemmtunum sínum spilað eigið efni auk…
Hljómsveitin Hvítar reimar úr Keflavík og Sandgerði var stofnuð snemma vors 1987 og keppti nokkru síðar í Músíktilraunum Tónabæjar. Meðlimir sveitarinnar voru Sigurður R. Óskarsson hljómborðsleikari, Guðmundur Skúlason trommuleikari, Lárus F. Guðmundsson söngvari og Sverrir Ásmundsson bassaleikari. Hún komst ekki áfram í úrslit tilraunanna.
Hljómsveitin Jónatan úr Sandgerði og Njarðvík starfaði a.m.k. 1990 og 91 og keppti um vorið 1991 í Músíktilraunum Tónabæjar. Meðlimir sveitarinnar voru þá þeir Ólafur Þór Ólafsson gítarleikari, Heiðmundur B. Clausen bassaleikari, Þórður Jónsson trommuleikari, Kristinn Hallur Einarsson hljómborðsleikari og Inga Rósa Þórarinsdóttir söngkona. Þó svo að sveitin kæmist ekki í úrslit keppninnar var Ólafur Þór…
Hljómsveitin Skóp frá Sandgerði var stofnuð síðla árs 1986 og keppti vorið eftir í Músíktilraunum Tónabæjar. Sveitin hafði þar ekki erindi sem erfiði enda komst hún ekki í úrslit. Meðlimir sveitarinnar voru þá Þórður Pálmi Jónsson trommuleikari, Ólafur Þór Ólafsson söngvari og gítarleikari, Kristinn H. Einarsson hljómborðsleikari og Heiðmundur B. Clausen bassaleikari. Ári síðar tók…
Blúsbandið Tabula Raza var starfandi a.m.k. á árunum 2002 – 2006, ein heimild segir hana frá Sandgerði. Ekki liggja fyrir frekari upplýsingar.
Glatkistan 