Taktar frá Vestmannaeyjum

Hljómsveitin Taktar frá Vestmannaeyjum var skipuð ungum tónlistarmönnum úr gagnfræðiskólanum þar í bæ og starfaði í um tvö ár, sveitin keppti m.a. í hljómsveitakeppni sem haldin var um verslunarmannahelgina 1969 í Húsafelli.

Meðlimir Takta voru Stefán Geir Gunnarsson gítarleikari [?], Þórólfur Guðnason, Óli Már Sigurðsson, Valdimar Gíslason, Árni Áskelsson og Tómas Tómasson. Ekki er víst að þeir hafi allir verið í sveitinni á sama tíma enda voru nokkrar mannabreytingar í henni, eins gætu fleiri hafa komið við sögu hennar.

Taktar voru síðan endurvaktir á 21. öldinni, árin 2004 og 2009.