Í Vestmannaeyjum var starfrækt hljómsveit árið 1993 (hugsanlega fram á 1994) undir nafninu Coma. Meðal meðlima sveitarinnar voru Gunnar Geir Waage Stefánsson gítarleikari og Magni Freyr Ingason trommuleikari en Glatkistan hefur ekki upplýsingar um aðra meðlimi hennar.
Hljómsveit sem bar nafnið C&S (borið fram Cogs / Kogs) starfaði í Vestmannaeyjum 1997 og 98 og var skipuð ungum tónlistarmönnum. Sveitin var stofnuð haustið 1997 og voru meðlimir hennar þá Birgir [?] söngvari, Leó [?] gítarleikari, Björn [?] gítarleikari, Laugi [?] bassaleikari og Svavar [?] trommuleikari. Sveitin var enn starfandi sumarið 1998 og lék…
Hljómsveitin The Gæs var nokkuð sérstök en hún var skipuð þekktum knattspyrnumönnum í Vestmannaeyjum sem þá léku í efstu deild. Sveitin kom fyrst fram á lokahófi ÍBV haustið 1994 og voru meðlimir hennar þá Rútur Snorrason hljómborðsleikari, Heimir Hallgrímsson (síðar landsliðsþjálfari) trommuleikari, Sigurður Gylfason söngvari og gítarleikari og Steingrímur Jóhannesson bassaleikari. The Gæs kom fram…
Myndlistamaðurinn Guðni A. Hermansen var þekktur fyrir list sína sem að mestu leyti var innblásin af lífinu og landslaginu í Vestmannaeyjum og hann vildi nánast hvergi annars staðar vera, en hann var einnig kunnur tónlistarmaður hér fyrrum og tók þátt í blómlegu djasstónlistarlífi í Eyjum um og eftir miðbik síðustu aldar. Guðni Agnar Hermansen var…
Harmonikkuleikarinn Gísli H. Brynjólfsson starfaði með nokkrum hljómsveitum í Vestmannaeyjum um miðja tuttugustu öldina en sendi frá sér plötu með harmonikkutónlist úr ýmsum áttum kominn á efri ár. Gísli Hjálmar Brynjólfsson fæddist á Eskifirði 1929 en fluttist fjögurra ára gamall með fjölskyldu sinni til Vestmannaeyja og kenndi sig síðan við Eyjarnar. Hann var málarameistari að…
GH sextett starfaði í Vestmannaeyjum og var líkast til djassskotin hljómsveit. Sveitin var stofnuð 1961, ekki liggur fyrir hversu lengi hún starfaði en líklega voru það nokkrir mánuðir uns sveitin gekk í gegnum mannabreytingar og gekk eftir það undir nafninu Rondó sextettinn. Meðlimir GH sextetts voru Aðalsteinn Brynjúlfsson bassaleikari, Jón Stefánsson söngvari, Huginn Sveinbjörnsson klarinettuleikari,…
Árið 1988 starfaði unglingahljómsveit í Vestmannaeyjum undir nafninu Galdarkarlarnir. Óskað er eftir upplýsingum um meðlimi og hljóðfæraskipan þessarar sveitar auk annarra bitastæðra upplýsinga.
Upplýsingar óskast um hljómsveit sem bar nafnið OSL og var að öllum líkindum starfandi í Vestmannaeyjum 1998, sveitinni brá þá fyrir í tónlistardagskrá þjóðhátíðar um verslunarmannahelgina. Þessar upplýsingar má gjarnan senda Glatkistunni.
Óskað er eftir upplýsingum um hljómsveit í Vestmannaeyjum sem starfaði undir nafninu O.K. (eða hugsanlega OK.) að öllum líkindum fyrir síðustu aldamót, fyrir liggur að Gísli Elíasson var trymbill sveitarinnar en engar aðrar upplýsingar er að finna um hana.
Í kringum 1990 (nákvæm tímasetning liggur ekki fyrir) starfaði unglingahljómsveit um skamma hríð undir nafninu Mas, í Vestmannaeyjum. Fyrir liggur að gítarleikari sveitarinnar var Árni Gunnarsson en hér er óskað eftir upplýsingum um aðra meðlimi hennar, hljóðfæraskipan og annað bitastætt.
Hljómsveitin Winnie the pooh (sem á sér augljósa skírskotun í sögupersónuna Bangsímon) starfaði í Vestmannaeyjum árið 1994, líklega var um fremur skammlífa sveit að ræða. Sveitin keppti í Músíktilraunum Tónabæjar vorið 1994 og voru meðlimir hennar þá Árni Hafsteinsson söngvari, Magnús Elvar Viktorsson gítarleikari, Helgi Tórshamar gítarleikari, Jóhann Ágúst Tórshamar bassaleikari, Sigurgeir Viktorsson trommuleikari og…
Hljómsveitin VSOP (V.S.O.P.) starfaði í Vestmannaeyjum haustið 1994 en hún var stofnuð um það leyti. Ekki liggur fyrir hversu lengi sveitin starfað eða hverjir skipuðu hana en allar upplýsingar þess eðlis eru vel þegnar.
Dixielandsveitin Vinir Óla starfaði á tíunda áratug síðustu aldar í tæpan áratug en ekki er loku fyrir skotið að hún hafi starfað lengur. Sveitin var skilgetið afkvæmi eins og það var orðað eða angi af Lúðrasveit Vestmannaeyja og eins og með fleiri slíka anga eru skilgreiningar á slíkri sveit ekki alltaf á hreinu, stundum nefnd…
Árið 1996 starfaði hljómsveit eða sönghópur innan hvítasunnusafnaðarins í Vestmannaeyjum undir nafninu Vinabandið. Meðlimir Vinabandsins voru þau Helga Jónsdóttir, Arnór Hermannsson og Högni Hilmisson en ekki liggja fyrir frekari upplýsingar um það, þ.e. hvort um hljómsveit eða sönghóp var að ræða, og hver hljóðfæraskipan þeirra var ef um var að ræða hljómsveit. Óskað er því…
Hljómsveitin Viggó tinnitus starfaði í Vestmannaeyjum árið 1996 í nokkra mánuði. Meðlimir hennar voru Þröstur Jóhannsson bassaleikari, Birgir Hrafn Hafsteinsson hljómborðs- og gítarleikari, Ívar Bjarklind söngvari, Gísli Elíasson trommuleikari og Leifur Geir Hafsteinsson gítarleikari.
Hljómsveitin Við sem fljúgum var ballsveit sem starfaði í Vestmannaeyjum veturinn 1989-90. Meðlimir hennar voru Þórarinn Ólason söngvari, Birkir Huginsson saxófónleikari, Óskar Sigurðsson trommuleikari, Pétur Erlendsson gítarleikari, Jón Kristinn Snorrason bassaleikari og Hersir Sigurgeirsson hljómborðsleikari. Sigurður Ómar Hreinsson var líklega fyrsti trymbill sveitarinnar en Óskar tók við af honum. Stór hluti sveitarinnar starfaði síðar með…
Vestmannakórinn svokallaði starfaði í Vestmannaeyjum í áratugi á síðustu öld og var gerður góður rómur að þessum blandaða kór. Kórinn starfaði í fjölmörg ár áður en hann hlaut í raun nafn og hvað þá skipulagða starfsemi en hann var fyrst settur saman í tilefni af aldarafmæli Jóns Sigurðssonar árið 1911, þá var efnt til hátíðahalda…
Xport var stofnuð sem húshljómsveit á Skansinum í Vestmannaeyjum haustið 1984, og þar lék hún fram að áramótum. Meðlimir sveitarinnar voru Pálmi Gunnarsson söngvari og bassaleikari, Þorsteinn Magnússon gítarleikari og söngvari, Ragnar Sigurjónsson trommuleikari og Guðmundur Benediktsson hljómborðsleikari og söngvari. Eftir áramótin 1984-85 lék Xport víða uppi á landi en var einnig með annan fótinn…
Hljómsveitin Prestó var starfrækt um skeið í Vestmannaeyjum, á árunum 1992 og 93. Sveitin lék blandaða tónlist og var fyrst og fremst ballhljómsveit, og varð reyndar svo fræg að leika á litla pallinum á Þjóðhátíð Vestmannaeyinga. Meðlimir Prestó voru Þórarinn Ólason söngvari, Pétur Erlendsson gítarleikari, Birkir Huginsson saxófónleikari, Hersir Sigurgeirsson hljómborðsleikari, Henry Erlendsson bassaleikari og…
Haustið 1997 var starfandi unglingahljómsveit í Vestmannaeyjum undir nafninu Braindead bugs. Meðlimir sveitarinnar voru Jóhann Örn Friðsteinsson söngvari og gítarleikari, Viðar Lárus Sveinsson trommuleikari og Arnar Valgeir Sigurjónsson bassaleikari. Engar upplýsingar er að finna um hversu lengi þessi sveit starfaði.
Hljómsveitin Bobbar úr Vestmannaeyjum var sett sérstaklega saman til að leika á Þjóðhátíð Vestmannaeyinga sumarið 1964 að frumkvæði þjóðhátíðarnefndar. Sveitin æfði fyrir viðburðinn í nokkurn tíma og lék síðan „nýju dansana“ fyrir þjóðhátíðargesti tvö kvöld í röð, og þar við sat. Meðlimir Bobba voru þeir Örlygur Haraldsson bassaleikari, Guðni Guðmundsson [píanóleikari?], Þorgeir Guðmundsson gítarleikari, Sigurður…
Hljómsveitin Blekking frá Vestmannaeyjum keppti í Músíktilraunum vorið 1993 en hafði ekki erindi sem erfiði þar enda mun tónlist sveitarinnar hafa verið nokkuð á skjön við það sem þótti móðins á þeim tíma í tilraununum, þrátt fyrir ágæt tilþrif að sögn. Meðlimir Blekkingar voru Þröstur Jóhannsson gítarleikari, Gísli Elíasson trommuleikari, Unnþór Sveinbjörnsson gítarleikari, Guðrún Á.…
Hljómsveitin Big heads var auglýst á unglingaballi í Vestmannaeyjum vorið 1988 en ekkert annað er að finna um sveitina. Allar frekari upplýsingar má senda Glatkistunni með fyrirfram þökk.
Hljómsveitin Bellatrix starfaði í Vestmannaeyjum 1978-79 að minnsta kosti. Meðlimir þessarar sveitar voru Hlöðver Guðnason gítarleikari, Friðsteinn Vigfússon Waagfjörð trommuleikari, Sigurður Ingi Ólafsson gítarleikari, Kristín Runólfsdóttir söngkona og Kristinn Jónsson bassaleikari.
Í Vestmannaeyjum við stríðslok var starfandi hljómsveit ungra tónlistarmanna í gagnfræðiskólanum í Vestmannaeyjum, sem sumir hverjir áttu síðar eftir að setja svip sinn á tónlistarlífið í Eyjum og víðar. Það var vorið 1944 sem þeir Marinó Guðmundsson (kallaður þá Malli skó) trompetleikari, Gísli Hjálmar Brynjólfsson gítarleikari, Guðjón Kristófersson gítarleikari, Guðni A. Hermansen harmonikkuleikari, Björgvin Guðmundsson…
Glatkistan óskar eftir upplýsingum um hljómsveit sem bar nafnið Turnover og gæti hafa verið starfandi í Vestmannaeyjum, hvenær liggur þó ekki fyrir. Hverjir meðlimir þessarar sveitar voru, hvenær hún starfaði og hversu lengi o.s.frv. væru upplýsingar sem væru vel þegnar.
Árið 1985 starfaði ballsveit, að öllum líkindum í Vestmannaeyjum, undir nafninu Trípólí. Allar tiltækar upplýsingar um þessa sveit óskast sendar Glatkistunni.
Á árunum 1981 og 82 (að minnsta kosti) starfaði unglingahljómsveit undir nafninu Titanic í Vestmannaeyjum, hún var nokkuð öflug í spilamennskunni í eyjunni og þar lék á fjölmörgum böllum. Meðlimir sveitarinnar voru Grímur Þór Gíslason trommuleikari (síðar þekktur sem Grímur kokkur), Óðinn Hilmisson bassaleikari, Guðjón Ólafsson gítarleikari, Helga Björk Óskarsdóttir söngkona, Arnar [Óskarsson eða Jónsson]…
Hljómsveitin Taktar frá Vestmannaeyjum var skipuð ungum tónlistarmönnum úr gagnfræðiskólanum þar í bæ og starfaði í um tvö ár, sveitin keppti m.a. í hljómsveitakeppni sem haldin var um verslunarmannahelgina 1969 í Húsafelli. Meðlimir Takta voru Stefán Geir Gunnarsson gítarleikari [?], Þórólfur Guðnason gítarleikari (síðar sóttvarnarlæknir), Óli Már Sigurðsson bassaleikari, Valdimar Gíslason gítarleikari, Árni Áskelsson trommuleikari…
Tacton sextettinn starfaði í Vestmannaeyjum um miðjan sjöunda áratug síðustu aldar. Sveitin var stofnuð í byrjun árs 1963 og var Guðni Guðmundsson fyrsti hljómsveitarstjóri hennar en síðan urðu allmiklar mannabreytingar í henni áður en hún gerðist húshljómsveit í Samkomuhúsinu í Vestmanaeyjum. Meðlimir hennar þá voru þau Hannes Bjarnason gítarleikari (og hljómsveitarstjóri), Einar Guðnason trommuleikari, Gunnar…
Eyjasveitin Óp Lárusar starfaði í Vestmannaeyjum 1988 og lék m.a. á Þjóðhátíð það sumar. Meðlimir sveitarinnar voru Þorsteinn Ingi Þorsteinsson söngvari, Pétur Erlendson gítarleikari, Helgi Tórshamar gítarleikari, Jón Kr. Snorrason bassaleikari og Óskar Sigurðsson trommuleikari. Víðir Þráinsson hljómborðs- og saxófónleikari bættist líklega í hópinn og svo virðist sem Róbert Marshall (síðar fjölmiðla- og alþingismaður) hafi…
Hljómsveitin Þögnin starfaði í Vestmannaeyjum 1969 og líklega lengur, og var skipuð ungum meðlimum á aldrinum þrettán til fimmtán ára. Meðlimir Þagnarinnar voru Sigurjón Ingi Ingólfsson gítarleikari, Einar Hallgrímsson söngvari og gítarleikari, Guðmundur Jóhann Olgeirsson hljómborðsleikari, Valþór Sigþórsson trommuleikari og Kristinn (Diddi) Jónsson bassaleikari. Sól sveitarinnar mun hafa risið hvað hæst þegar hún var meðal…
Hljómsveitin Umbrot starfaði í Vestmannaeyjum um miðjan áttunda áratug liðinnar aldar, nánar tiltekið eftir gos en nafn sveitarinnar á sér einmitt skírskotun til Vestmannaeyjagossins 1973. Meðlimir Umbrots voru Einar Hallgrímsson gítarleikari, Bjartmar Guðlaugsson trommuleikari, Guðlaugur Sigurðsson hljómborðsleikari [?] og Friðrik Gíslason bassaleikari [?]. Þegar Bjartmar hætti í sveitinni tók Einar sæti hans við trommusettið en…
Hljómsveitin Ímynd var starfrækt í Vestmannaeyjum að minnsta kosti á árunum 1985 og 86. Engar upplýsingar finnast um hverjir skipuðu þessa sveit en þær væru vel þegnar.
Hljómsveitin Nýja bandið starfaði í Vestmannaeyjum veturinn 1983-84. Sveitin lék líklega eingöngu í Eyjum en meðlimir hennar voru Óskar Kjartansson gítarleikari, Einar „Klink“ Sigurfinnsson söngvari, Eðvald Eyjólfsson trommuleikari, Jóhannes Ágúst Stefánsson (Gústi) hljómborðsleikari og Guðmundur Rúnar Lúðvíksson söngvari og bassaleikari.
Tríóið Náttsól starfaði um nokkurra mánaða skeið í Vestmannaeyjum árið 1985 og lék þar á öldurhúsunum. Meðlimir Náttsólar voru þau Sigurrós Ingólfsdóttir söngkona og gítarleikari, Sigurgeir Jónsson söngvari og gítarleikari og Ruth Reginalds söngkona en sú síðast nefnda bjó um tíma í Vestmannaeyjum. Náttsól starfaði frá því um veturinn og eitthvað fram á sumarið 1985.
Um tveggja ára skeið rétt eftir aldamótin 1900 starfaði blandaður kór í Vestmannaeyjum undir heitinu Principal kórinn. Jón Ágúst Kristjánsson (1879-1949) stjórnandi kórsins hafði stofnað hann haustið 1903 og söng kórinn í nokkur skipti á meðan hann starfaði. Ekki voru allir á eitt sáttir við nafngift kórsins en engu að síður fór gott orð af…
Hljómsveit með þessu nafni lék í guðsþjónustum og poppmessum í Landakirkju í Vestmannaeyjum á árunum 1994 – 2005. Söngvararnir Guðrún Ágústsdóttir, Hjördís Kristinsdóttir, Þórarinn Ólason og Hreiðar Stefánsson komu fram með sveitinni framan af en þeir Dans á rósum-liðar Viktor Ragnarsson bassaleikari, Eyvindur Ingi Steinarsson gítarleikari og Eðvarð [?] trommuleikari sáu um hljóðfæraþáttinn. Heiða Björk…
Karlakór verkamanna var starfandi í Vestmannaeyjum um nokkurra ára skeið á árunum 1936-42. Árni Hálfdán Jóhannsson Johnsen stjórnaði kórnum fyrri þrjú árin en síðan Guðjón Guðjónsson. Þessi kór hafði yfirleitt að geyma um tuttugu og fimm söngmenn en þeir voru flestir utanbæjarmenn, farandverkamenn sem komu og fóru.
Karlakór Vestmannaeyja hinn fyrsti starfaði um þriggja áratuga skeið um aldamótin 1900. Kórinn var stofnaður haustið 1881 og var Sigfús Árnason organisti stjórnandi kórsins fyrstu árin, kórinn var oft kenndur við hann, nefndur Karlakór Sigfúsar Árnasonar. Kórinn var fremur fámennur í upphafi en stofnmeðlimir hans voru tólf, þeim fjölgaði þó smám saman. Þegar Sigfús fluttist til…
Litlar upplýsingar er að finna um Karlakór Vestmannaeyja sem starfaði að öllum líkindum á árunum 1936-39, undir stjórn Sigmundar Einarssonar. Frekari upplýsinga er óskað um þennan kór.
Karlakór var starfandi í Vestmannaeyjum, líklega á fjórða áratug síðustu aldar, undir stjórn Halldórs Guðjónssonar. Engar upplýsingar liggja fyrir um þennan kór en þeir sem hefðu þær mættu gjarnan miðla þeim til Glatkistunnar.
Sá Karlakór Vestmannaeyja sem starfaði hvað lengst og áorkaði hvað mestu, var starfræktur á um rúmlega tuttugu ára skeiði um miðja síðustu öld. Það sem þó einkenndi starf hans öðru fremur voru tíð kórstjóraskipti en sjö stjórnendur komu við sögu hans, þar af einn þeirra þrívegis. Það var Ragnar Halldórsson tollþjónn í Vestmannaeyjum sem var…
Hljómsveitin D-7 (Díseven / Dee seven) var starfrækt í Vestmannaeyjum og þótti efnileg á sínum tíma, sveitin dó þó drottni sínum án þess að slá almennilega í gegn. D-7 var stofnuð vorið 1997 og vakti þegar nokkra athygli þegar hún tók þátt í Rokkstokk hljómsveitakeppninni í Keflavík, þar var hún meðal efstu sveita og var…
Hljómsveitin Dauðarefsing starfaði í Vestmannaeyjum og verður sjálfsagt aðallega minnst fyrir að Bjartmar Guðlaugsson var í henni en hann átti eftir að verða stórt nafn í íslensku tónlistarlífi um einum og hálfum áratug síðar. Dauðarefsing var stofnuð síðsumars 1970 í Eyjum, meðlimir hennar voru í byrjun auk Bjartmars sem lék á trommur, Valdimar Gíslason gítarleikari,…
Ballhljómsveitin Dr. Sáli starfaði framan af í Vestmannaeyjum en síðar á höfuðborgarsvæðinu eftir því sem heimildir herma. Ekki er ljóst hverjir skipuðu Dr. Sála að öllu leyti en 1993 mun hún hafa verið níu manna sveit, þá voru meðlimir hennar Gunnlaug Rósalind Sigurðardóttir, Guðlaugur Ólafsson, Óskar Sigurðsson, Pétur Erlendsson [gítarleikari?], Viktor Ragnarsson bassaleikari, Hersir Sigurgeirsson,…
Lítil brasssveit innan Lúðrasveitar Vestmannaeyja gekk undir nafninu Rondo árið 1979. Hvergi er að finna upplýsingar um hversu margir skipuðu þessa sveit eða hversu lengi hún starfaði.
Í Vestmannaeyjum var blómlegt djasstónlistarlíf eftir miðja síðustu öld og þar voru fremstir í flokki Guðni Agnar Hermansen og nokkrir aðrir. Guðni hafði starfrækt GH sextettinn um tíma en með mannabreytingum tóku þeir upp nýtt nafn árið 1960, Rondó sextettinn. Rondó sextettinn var líkast til alla tíð skipaður sama mannskapnum að mestu, Guðni lék á…
Rondó var hljómsveit sem starfaði í Vestmannaeyjum snemma á níunda áratug liðinnar aldar. Svo virðist sem hún sé fjarskyld öðrum Rondó hljómsveitum tengdum Eyjunum en meðlimir hennar voru Einar Guðnason trommuleikari, Óli [?] Jónsson [?], Björn Bergsson gítarleikari og söngvari, Sigurður Óskarsson orgelleikari og Huginn Sveinbjarnarson [?], sá síðastnefndi hafði leikið á klarinettu með Rondó…
Ekki liggur alveg ljóst fyrir hvenær nákvæmlega danshljómsveitin Jassinn starfaði í Vestmannaeyjum en hún var þó að minnsta kosti starfandi 1929-34. Það þarf vart að taka fram að hún var fyrsta hljómsveit sinnar tegundar í Eyjum, ekki hefur þó verið um eiginlega djasssveit að ræða. Meðlimir Jassins voru þeir Ingi Kristmannsson píanóleikari, Hafsteinn Snorrason saxófónleikari,…
