Skólahljómsveitir Gagnfræðaskóla Vestmannaeyja (um 1950-86)

Skólahljómsveitir störfuðu í fjölmörg skipti við Gagnfræðaskóla Vestmannaeyja en upplýsingar um þær eru hins vegar af skornum skammti.

Þannig greina heimildir frá hljómsveit sem var starfandi við skólann veturinn 1951-52, einnig 1956 og svo 1961 en þá voru fjórar hljómsveitir sagðar starfandi innan skólans – þó er óljóst hvort þessar sveitir voru beinlínis skólahljómsveitir eða bara hljómsveitir skipaðar tónlistarmönnum í skólanum. Þá var hljómsveit starfandi innan skólans veturinn 1968-69 (Taktar) en hún starfaði reyndar einnig utan skólans).

Árið 1986 var hljómsveit starfandi í Gagnfræðaskóla Vestmannaeyja undir nafninu Skólahljómsveit Vestmannaeyja en hún lék m.a. við hátíðahöld tengd sjómannadeginum. Það má því giska á að sú sveit hafi verið lúðrasveit en slíkar hljómsveitir hafa alltaf verið starfandi meira og minna í Eyjum, sú sveit gæti því þess vegna hafa verið tengd tónlistarkskólanum eða lúðrasveitinni í bænum.

Óskað er hér með eftir frekari upplýsingum um hljómsveitir sem gætu kallast Skólahljómsveit Gagnfræðaskóla Vestmannaeyja.