Telpnakór Jóns Ísleifssonar (1937-45)

Telpnakór Jóns Ísleifssonar (Erlur)

Telpnakór Jóns Ísleifssonar (einnig nefndur Erlur) starfaði undir nokkurra ára skeið undir stjórn söngkennarans og kórstjórnandans Jóns Ísleifssonar.

Jón Ísleifsson, sem stofnaði og stjórnaði fjölmörgum kórum um miðja síðustu öld, stofnaði telpnakórinn líklega snemma árs 1937 fremur en 1936 og innihélt hann um fjörutíu stúlkur. Kórinn starfaði líkast til til ársins 1945, jafnvel lengur og á þeim tíma söng hann reglulega við barnaguðsþjónustur í Dómkirkjunni en einnig á söngskemmtunum sem haldnar voru við ýmis tækifæri s.s. á barnadaginn svokallaða í apríl. Þá söng hann margsinnis í barnatíma útvarpsins.