Samvinnukórinn (1980-85?)
Allar tiltækar upplýsingar varðandi Samvinnukórinn sem að öllum líkindum var starfræktur á fyrri hluta níunda áratugar síðustu aldar, óskast sendar Glatkistunni.
Samúel & Jónína [fjölmiðill] (1971-72)
Samúel & Jónína varð til upp úr samruna tímritanna Samúels annars vegar og Jónínu hins vegar og starfaði í um tvö ár. Ástþór Magnússon hafði stýrt táningablaðinu Jónínu og hugði á nám erlendis og bauð samkeppnisaðilanum Samúel nafnið, Þórarinn Jón Magnússon stýrði hinu nýja sameinaða blaði sem kom út í nokkur skipti frá því í…
Samúel [2] (1974-75)
Hljómsveitin Samúel mun hafa verið starfandi á Fáskrúðsfirði a.m.k. árin 1974 og 75. Litlar upplýsingar er að finna um þessa sveit en meðal meðlima hennar voru Ólafur Ólafsson bassaleikari, Björn Jóhannsson gítarleikari, Helgi Ingason [?] og Agnar Sveinsson trymbill. Ekki liggur fyrir hvort fleiri skipuðu Samúel eða hversu langur líftími sveitarinnar var.
Sangria (1997-98)
Hljómsveitin Sangria (einnig kölluð Sandgryfja um tíma) lék á ballstöðum höfuðborgarinnar og eflaust víðar á árunum 1997-98. Meðlimir Sangriu voru allmargir þann tíma sem sveitin starfandi en þeirra á meðal voru Hjörtur Howser hljómborðsleikari, Jens Hansson saxófónleikari, Friðrik Sturluson bassaleikari, James Olsen söngvari og trommuleikari, Haraldur Þorsteinsson bassaleikari, Rúnar Georgsson saxófónleikari og sjálfsagt fleiri.
Afmælisbörn 11. febrúar 2017
Glatkistan hefur í dag upplýsingar um tvö afmælisbörn tengdar tónlistargeiranum: Berglind Björk Jónasdóttir söngkona er fimmtíu og átta ára. Hún er ein þriggja Borgardætra en hefur að auki sungið með hljómsveitum eins og Snillingunum og Saga Class. Söng Berglindar er að finna á plötum fjölmargra listamanna s.s. Geirmundar Valtýssonar, Guðrún Gunnarsdóttur, Rúnars Þórs, Ingva Þór…
Afmælisbörn 10. febrúar 2017
Eitt afmælisbarn kemur við sögu í dag: Jóhann Bachmann Ólafsson (Hanni Bach) trommuleikari frá Selfossi er fjörutíu og eins árs gamall á þessum degi. Hanni hefur leikið með mörgum hljómsveitum í gegnum tíðina en þekktastar þeirra eru Skítamórall og Írafár. Aðrar sveitir eru til dæmis Loðbítlar, Poppins flýgur og Boogie knights svo fáeinar séu tíndar…
Afmælisbörn 9. febrúar 2017
Og enn eru það afmælisbörn dagsins á skrá Glatkistunnar: Egill Ólafsson tónlistarmaður er sextíu og fjögurra ára. Hann er einn af þekktustu söngvurum þjóðarinnar og hefur sungið með mörgum af vinsælustu hljómsveitunum, þar má nefna Spilverk þjóðanna, Stuðmenn og Þursaflokkinn en hann hefur einnig sungið með minna þekktum sveitum eins og 3to1, Tamlasveitinni, Scream og…
Afmælisbörn 8. febrúar 2017
Afmælisbörnin eru fjögur talsins í dag: Fyrstan skal nefna Jónatan Garðarsson tónlistarséní sem er sextíu og tveggja ára en hann hefur verið viðloðandi tónlist í áratugi með einum og öðrum hætti. Hann hefur verið í hljómsveitum, samið lagatexta, skrifað um tónlist, komið að félags- og réttindamálum tónlistarmanna og er það sem almennt er kallað –…
Afmælisbörn 7. febrúar 2017
Afmælisbörn dagsins eru fimm talsins en öll eru þau látin: Gylfi Þ. Gíslason tónskáld og stjórnmálamaður (1917-2004) hefði átt þennan afmælisdag en hann samdi sönglög sem mörg hafa komið út á plötum. Hann samdi m.a. lög við ljóð Tómasar Guðmundssonar sem margir þekkja, t.d. Hanna litla, Ég leitaði blárra blóma, og Lestin brunar. Þorvaldur Steingrímsson…
Afmælisbörn 6. febrúar 2017
Fjölmörg afmælisbörn í tónlistargeiranum koma við sögu í dag: Signý Sæmundsdóttir sópransöngkona er fimmtíu og níu ára en hún hefur sungið á fjölmörgum plötum, meðal annars með Bergþóri Pálssyni og sem einsöngvari með kórum. Hún hefur einnig raddþjálfað og stjórnað söngkvartettnum Út í vorið og kammerkórnum Ópus 12 / Kammerkór Þorgeirs. Einar Tönsberg er fjörutíu…
Samkórar og fleiri viðbætur í gagnagrunn Glatkistunnar
Enn bætist í gagnagrunn Glatkistunnar og frá áramótum hafa um fimmtíu flytjendur bæst í hann, mestmegnis í formi hljómsveita og nú síðast samkóra. Meðal þess nýs efnis sem komið er inn má nefna hljómsveitir eins og S.h. draumur, Safír, Salernir og Salka, einstaklinga eins og Salómon Heiðar, auk fjölda samkóra – líklega um tuttugu talsins.…
Samkór Rangæinga [1] (1974-81)
Samkór Rangæinga hinn fyrri var öflugur blandaður kór sem starfaði í Rangárþingi undir stjórn hjónanna Friðriks Guðna Þórleifssonar og Sigríðar Sigurðardóttur, sem áttu stóran þátt í að lyfta grettistaki í tónlistarlífi sýslunnar á þeim tíma. Kórinn var stofnaður um áramótin 1973-74 af þeim hjónum sem stýrðu honum í sameiningu fyrst um sinn en síðar var…
Samkór Oddakirkju (1995-96)
Samkór Oddakirkju var skammlífur blandaður kór en hann var forveri Samkórs Rangæinga hins síðari, og reyndar sami kórinn. Kórinn var stofnaður út frá Kirkjukór Oddakirkju haustið 1995 en söngfólki víða að úr Rangárvallasýslu var bætt inn í hann. Það var Guðjón Halldór Óskarsson sem hafði frumkvæði að stofnun kórsins en hann var jafnframt stjórnandi hans.…
Samkórinn Þristur (1977-87)
Samkórinn Þristur starfaði í þremur hreppum í Eyjafirðinum á síðustu öld en kórinn söng einkum á tónleikum á heimaslóðum. Kórinn var stofnaður 1977 og tók til starfa þá um haustið, svo virðist sem hann hafi einungis verið starfandi yfir vetrartímann og á vorin hélt hann árlega tónleika í félagsheimilinu Freyvangi en það var eins konar…
Samkór Þórshafnar – Efni á plötum
Samkór Þórshafnar – Útgefandi: [engar upplýsingar um útgefanda] Útgáfunúmer: [engar upplýsingar um útgáfunúmer] Ár: [engar upplýsingar] [engar upplýsingar um efni] Flytjendur: [engar upplýsingar um flytjendur]
Samkór Þórshafnar (1995-98)
Samkór Þórshafnar var blandaður kór sem starfaði í nokkur ár á Þórshöfn á Langanesi. Ekki liggur alveg fyrir hversu lengi kórinn var starfræktur en líklega var það á árunum 1995-98. Svo virðist sem Sigrún Jónsdóttir hafi stýrt kórnum upphaflega en Alexandra Szarnowska og Edyta K. Lachor tekið við af henni í sameiningu. Samkór Þórshafnar var…
Samkór Vestur-Ísafjarðarsýslu (1992)
Blandaður kór var starfandi á Flateyri árið 1992 undir stjórn Ágústu Ágústdóttur prestfrúar í Holti í Önundarfirði. Þetta var kór sem innihélt um fjóra tugi söngfólks, og bar heitið Samkór Vestur-Ísafjarðarsýslu. Svo virðist sem kórinn hafi ekki starfað nema í fáeina mánuði.
Samkór Vestur-Barðastrandarsýslu (1974)
Samkór Vestur-Barðastrandarsýslu var skammlífur blandaður kór sem settur var saman fyrir hátíð sem Vestfirðingar eins og aðrir Íslendingar héldu í tilefni af 1100 ára afmælis Íslandsbyggðar. Jón Ólafur Sigurðsson stjórnaði Samkór Vestur-Barðastrandarsýslu.
Samkór Reykjavíkur [1] (1943-55)
Samkór Reykjavíkur starfaði í um áratug um miðja síðustu öld, erfitt reyndist þó að manna söngstjórastöðu fyrir þennan fjölmennasta kór landsins og svo fór að lokum að starfsemi hans lagðist niður. Það var Jóhann Tryggvason sem hafði veg og vanda að stofnun kórsins en byrjað var að auglýsa eftir söngfólki um haustið 1942, hann var…
Samkór Reykhólahrepps – Efni á plötum
Samkór Reykhólahrepps – Samkór Reykhólahrepps [snælda] Útgefandi: Ragnar Jónsson Útgáfunúmer: RJ 003 Ár: 1993 1. Bjarkarlundur 2. Áfangar Flytjendur: Samkór Reykhólahrepps – söngur undir stjórn Ragnars Jónssonar Ragnar Jónsson – píanó
Samkór Reykhólahrepps (1992-95)
Fremur takmarkaðar upplýsingar er að finna um Samkór Reykhólahrepps en hann starfaði á síðasta áratug tuttugustu aldarinnar og jafnvel fram á þá tuttugustu og fyrstu. Svo virðist sem kórinn hafi starfað á árunum 1992 til 98, Ragnar Jónsson skólastjóri tónlistarskólans á Reykholti var fyrsti stjórnandi hans en Ólöf Sigríður Þórðardóttir virðist hafa tekið við af…
Samspil Óla Jóns (2000)
Sampil Óla Jóns var djasskvintett settur saman fyrir eina uppákomu í Múlanum sumarið 2000. Meðlimir sveitarinnar, þeir Þorgrímur Jónsson bassaleikari, Róbert Reynisson gítarleikari, Ragnar Emilsson gítarleikari, Helgi Svavar Helgason trommuleikari og Birkir Freyr Matthíasson trompetleikari, höfðu allir verið við nám í djassdeild FÍH veturinn á undan undir handleiðslu Ólafs Jónssonar (bróður Þorgríms) og þaðan er…
Afmælisbörn 5. febrúar 2017
Eitt afmælisbarn kemur við sögu í dag: Dalamaðurinn Friðjón Þórðarson fyrrum alþingismaður og ráðherra (fæddur 1923) hefði átt afmæli á þessum degi en hann var einn söngkvartettsins Leikbræðra sem gerðu garðinn frægan hér á árum áður. Leikbræður gáfu út nokkrar plötur, þar af eina stóra með eldri upptökum en hún kom út 1977. Friðjón lést…
Afmælisbörn 4. febrúar 2017
Glatkistan hefur upplýsingar um eitt afmælisbarn í dag: Óskar Norðmann einsöngvari og stórkaupmaður (1902-71) átti afmæli á þessum febrúar degi en hann var einna fyrstur íslenskra einsöngvara til að starfa á erlendri grundu. Hann söng einsöng á plötum með Karlakór KFUM og einnig á nokkrum öðrum 78 snúninga plötum. Söng hans má heyra á safnplötunni…
Samfélagslega ábyrgt Blúskvöld á Café Rósenberg
Blúsfélag Reykjavíkur heldur svokallað Samfélagslega ábyrgt Blúskvöld á Café Rósenberg Klapparstíg 27, mánudagskvöldið 6. febrúar nk. klukkan 21. Það verða Blúsboltarnir sem stíga á svið en það eru þeir Halldór Bragason gítarleikari og söngvari, Eðvarð Lárusson gítarleikari, Tryggvi Hübner gítarleikari, Birgir Baldursson trommuleikari og Sigurþór Þorgilsson bassaleikari. Allur ágóði af Blúskvöldinu rennur í sjúkrasjóð Tomma…
Afmælisbörn 3. febrúar 2017
Afmælisbörn dagsins eru tvö að þessu sinni: Sigríður (Guðmundsdóttir) Schiöth söngkona og organisti (1914-2008) hefði átt afmæli á þessum degi. Hún var mikill drifkraftur í söngmálum Eyfirðinga og reyndar Húsvíkinga einnig, hún stýrði fjölmörgum kórum og var organisti víða um norðlenskar sveitir, söng sjálf með kórum og hélt jafnvel einsöngstónleika, samdi bæði sönglög og ljóð,…
Afmælisbörn 1. febrúar 2017
Í dag eru tvö afmælisbörn á skrá Glatkistunnar: Tage Ammendrup (1927-95) átti afmæli á þessum degi en hann var mikilvirkur plötuútgefandi og kom að tónlist með ýmsum hætti. Hann rak tvær hljómplötuútgáfur, Íslenzka tóna og Stjörnuhljómplötur og komu eitthvað á fjórða hundrað platna út undir merkjum þeirra. Hann gaf ennfremur út tvö tímarit um tónlist,…
Afmælisbörn 31. janúar 2017
Á þessum degi koma fjögur afmælisbörn við sögu Glatkistunnar: Fyrstan skal telja Árna Matthíasson tónlistarskríbent á Morgunblaðinu um þriggja áratuga skeið, hann hefur einnig setið í dómnefnd Músíktilrauna frá 1987 og skrifað bækur um tónlist svo dæmi séu nefnd. Árni er sextugur á þessum degi og því stórafmæli. Benedikt Brynleifsson trommu- og ásláttarleikari er þrjátíu…
Afmælisbörn 30. janúar 2017
Fjórir tónlistarmenn eru skráðir með afmæli á þessum degi: Ingvi Þór Kormáksson bókasafnsfræðingur og tónlistarmaður er sextíu og fimm ára gamall. Hann hefur gefið út fjölmargar sólóplötur og auk þess tekið þátt í Eurovision undankeppnum og öðrum tónlistarkeppnum, jafnvel unnið til verðlauna erlendis í slíkum keppnum. Ingvi Þór lék með fjölmörgum hljómsveitum á árum áður,…
Samkór Hellissands (1976-78)
Afar takmarkaðar upplýsingar er að finna um Samkór Hellissands en hann var starfandi a.m.k. á árunum 1976-78 undir stjórn Helgu Gunnarsdóttur. Allar nánari upplýsingar um þennan kór væru vel þegnar.
Samkór Akureyrar (1936-40)
Þegar Þjóðverjinn Robert Abraham (Róbert A. Ottósson) flúði hingað til lands 1935 undan ágangi nasista í Þýskalandi settist hann fyrst um sinn að á Akureyri. Þar kenndi hann við tónlistarskólann og var um tíma mjög áberandi í akureysku tónlistarlífi. Eitt af verkum hans nyrðra var að stofna Samkór Akureyrar 1936 en hugtakið samkór var þá…
Samkór Húsavíkur [1] (1942)
Samkór Húsavíkur hinn fyrsti var skammlífur en hann starfaði líklega aðeins í fáeina mánuði. Kórinn var stofnaður í ársbyrjun 1942 og starfaði af því er virðist fram á vorið en hann náði einungis að halda eina tónleika á þeim tíma. Stjórnandi Samkórs Húsavíkur var Ásbjörn Stefánsson læknir en um sextíu manns voru í kórnum.
Samkór Norður-Héraðs (1992-2004)
Samkór Norður-Héraðs starfaði um tólf ára skeið í kringum síðustu aldamót. Norður-Hérað var sveitarfélag á Austurlandi en sameinaðist Fellahreppi og Austur-Héraði árið 2004 undir nafninu Fljótsdalshérað, svo virðist sem kórinn hafi þá verið lagður niður. Nokkrir kórstjórar komu að stjórn kórsins, fyrst þeirra mun hafa verið Helga Guðrún Loftsdóttir en einnig voru Rosemary Hewlett, Þórður…
Samkór Neskaupstaðar [2] (1968-69)
Tilraun var gerð til að starfrækja blandaðan kór á Neskaupstað veturinn 1968-69, hann hlaut nafnið Samkór Neskaupstaðar rétt eins og kór sem starfað hafði á staðnum rétt rúmlega áratug áður. Stjórnandi Samkórs Neskaupstaðar var Jón Mýrdal en kórinn var skammlífur og starfaði líklega aðeins í fáeina mánuði.
Samkór Neskaupstaðar [1] (1945-57)
Samkór var starfandi á Norðfirði í ríflega áratug á fimmta og sjötta áratug síðustu aldar. Það var Magnús Guðmundsson kennari á Neskaupstað sem hafði frumkvæði að stofnun kórsins vorið 1945 en hann hlaut nafnið Samkór Neskaupstaðar og söng fyrst opinberlega á verkalýðssamkomu þann 1. maí eða einungis tveimur vikum eftir að hann hóf æfingar. Kórmeðlimir…
Samkór Mýramanna – Efni á plötum
Samkór Mýramanna – Yfir bænum heima Útgefandi: Samkór Mýramanna Útgáfunúmer: DSM 001 Ár: 1994 1. Yfir bænum heima 2. Við gengum tvö 3. Sjómannasöngur 4. Söngur sáðmannsins 5. Oft er hermanns hvíld 6. Ég að öllum háska hlæ 7. Sjáið hvar sólin hún hnígur 8. Litla Stína 9. Ágústnótt 10. Kvöldljóð 11. Í páfans sal…
Samkór Mýramanna (1981-)
Blandaður kór hefur verið starfandi í áratugi í Borgarbyggð undir nafninu Samkór Mýramanna, hann hefur sent frá sér tvær plötur og eina snældu. Það var Einar Ole Pedersen bóndi í Álftártungukoti sem var aðal hvatamaður að stofnun kórins vorið 1981, Hans Jensson (saxófónleikari Lúdó sextetts o.fl.) varð fyrsti stjórnandi hans en hann var ennfremur einn…
Samkór Hvammstanga (1989)
Afar takmarkaðar upplýsingar er að finna um Samkór Hvammstanga aðrar en að hann mun hafa verið starfandi árið 1989 undir stjórn Guðjóns Pálssonar. Frekari upplýsingar um kórinn óskast sendar Glatkistunni.
Samkór Húsavíkur [3] (2001-09)
Samkór Húsavíkur var starfandi um nokkurra ára skeið á árunum 2001-09 í bænum en starfsemi hefur legið niðri síðustu árin. Kórinn var stofnaður árið 2001 og var Hólmfríður Benediktsdóttir stjórnandi hans fyrst um sinn en Lisa McMaster tók síðan við af henni. Meðlimir kórsins voru iðulega á bilinu þrjátíu til fjörutíu talsins en sá háttur…
Samkór Húsavíkur [2] (1986-87)
Samkór Húsavíkur var starfandi veturinn 1986-87 á Húsavík undir stjórn Úlriks Ólasonar kirkjuorganista. Þessi kór virðist ekki hafa verið langlífur en upplýsingar þ.a.l. væru vel þegnar.
Afmælisbörn 28. janúar 2017
Eitt afmælisbarn í tónlistargeiranum er á skrá Glatkistunnar í dag: Söngkonan Telma Ágústsdóttir á stórafmæli en hún er fertug á þessum degi. Telma varð landsfræg á einu kvöldi þegar hún söng Eurovision framlag Íslendinga Tell me! ásamt Einari Ágústi Víðissyni árið 2000 en hún var þá söngkona hljómsveitarinnar Spur. Telma er dóttir Ágústs Atlasonar í…
Afmælisbörn 26. janúar 2017
Eitt afmælisbarn kemur við sögu Glatkistunnar á þessum degi: Ingibjörg Lárusdóttir söngkona, flugfreyja og trompetleikari er fjörutíu og sjö ára gömul í dag. Hún leikur reyndar á ýmis hljóðfæri og hefur gefið út jólaplötu ásamt systrum sínum (Þórunni og Dísellu) en þær eru dætur Lárusar Sveinssonar trompetleikara.
Afmælisbörn 25. janúar 2017
Fimm afmælisbörn koma við sögu á þessum merkisdegi: Ingólfur Steinsson tónlistarmaður frá Seyðisfirði er sextíu og sex ára gamall í dag, Ingólfur gerði garðinn frægan með Þokkabót á sínum tíma en hefur einnig leikið með sveitum eins og Lubbum, Stemmu, Krás, The Icelandic duo og Bræðrabandinu auk þess að hafa gefið út sólóplötur. Sveinbjörn Grétarsson…
Salernir [2] (um 1990)
Salernir var pönksveit sem félagarnir Haraldur Gunnlaugsson og Hafþór Ragnarsson úr Brak voru saman í, að öllum líkindum á níunda áratug síðustu aldar. Allar frekari upplýsingar um þessa sveit og aðra meðlimi hennar væru vel þegnar.
Salernir [1] (1984-85)
Hljómsveitin Salernir mun hafa verið starfandi í Keflavík a.m.k. veturinn 1984-85. Einar Falur Ingólfsson, Kristján Kristmannsson, Kristinn Edgar Jóhannsson, Bjarni Thor Kristinsson, Þröstur Jóhannesson og Jón Ben Einarsson voru meðlimir hennar en ekki liggur fyrir hver hljóðfæraskipan sveitarinnar var. Allar upplýsingar eru þ.a.l. vel þegnar.
Salvador (1975)
Hljómsveitin Salvador var skammlíf sveit, starfandi haustið 1975 og kom einu sinni fram opinberlega. Ekki liggur fyrir hverjir skipuðu Salvador en þeir voru allir ungir að árum.
Saltvík ´71 [tónlistarviðburður] (1971)
Útihátíðin Saltvík ´71 er að öllum líkindum með þekktustu unglingasamkomum sem haldnar hafa verið hérlendis. Það voru hljómsveitin Trúbrot og æskulýðsráð Reykjavíkur með Hinrik Bjarnason í forsvari, sem stóðu að hátíðinni en hún sótti fyrirmynd sína til hinnar þriggja daga Woodstock hátíðar sem haldin hafði verið í ágústmánuði tveimur árum fyrr í New York fylki…
Salterium (?)
Hljómsveitin Salterium var frá Vestfjörðum, hvenær liggur ekki fyrir eða hverjir skipuðu þessa sveit en allar upplýsingar þ.a.l. eru vel þegnar og óskast sendar Glatkistunni.
Saltator (1979-80)
Hljómsveitin Saltator var skólahljómsveit við Alþýðuskólann á Eiðum veturinn 1979-80. Meðlimir sveitarinnar komu víðs vegar að af landinu en þau voru Lára Heiður Sigbjörnsdóttir söngkona, Ólafur Jónsson söngvari, Bjarki Halldór Kristjánsson gítarleikari, Gunnar Björnsson gítarleikari, Sigurður Jakobsson trommuleikari og Björn Vilhjálmsson bassaleikari. Sveitin var lögð niður að skólaári loknu um vorið 1980 en meðlimir hennar…
Salómon Heiðar – Efni á plötum
Salómon Heiðar: Tónheimar – ýmsir Útgefandi: Fermata Útgáfunúmer: FM 022 Ár: 2005 1. Kór Aðventkirkjunnar – Ég vil þér fús og feginn hlýða 2. Kór Aðventkirkjunnar – Í ljóssins veldi 3. Kór Aðventkirkjunnar – Langt frá mínum góða Guði 4. Kór Aðventkirkjunnar – Hvöt 5. Kór Aðventkirkjunnar – Ó, blessuð stund 6. Kór Aðventkirkjunnar –…
