Mínus [1] (1996)

Sumarið 1996 var starfandi hljómsveit í Stykkishólmi en hún hét Mínus og var skipuð meðlimum í yngri kantinum. Ekki finnast neinar upplýsingar um meðlimi sveitarinnar eða hljóðfæraskipan og starfstíma og er því hér með óskað eftir þeim.

Víkingasveitin [3] (2007-)

Innan Lúðrasveitar Stykkishólms eru starfandi nokkrir minni hópar og er Víkingasveitin meðal þeirra. Víkingasveitin var stofnuð árið 2007 og er líklega stofnuð í höfuðið á Víkingi Jóhannssyni sem var fyrsti stjórnandi Lúðrasveitar Stykkishólms, sveitin mun víst innihalda þá sem lengst eru komnir í hljóðfæraleiknum eins og það er orðað og er þá væntanlega í því…

Óvera (1971)

Hljómsveitin Óvera frá Stykkishólmi sigraði í hljómsveitakeppni sem haldin var í Húsafelli um verslunarmannahelgina 1971, sveitin var starfandi í nokkra mánuði að minnsta kosti eftir sigurinn í keppninni en varð líklega fremur skammlíf. Vitað er að Gunnar Ingvarsson trommuleikari og Hinrik Axelsson bassaleikari voru meðal meðlima hennar en engar upplýsingar liggja fyrir um aðra Óveru-liða…

Þórsmenn [2] (1968-71)

Hljómsveitin Þórsmenn frá Stykkishólmi starfaði í nokkur ár og lék víða á Snæfellsnesinu, Borgarfirði og allt norður í Húnavatnssýslu. Meðlimir þessarar sveitar voru Lárus Pétursson söngvari og gítarleikari, Sigurður Grétar Hjörleifsson bassaleikari, Hafsteinn Sigurðsson söngvari, trommu- og orgelleikari og Ólafur Geir Þorvarðarson saxófón- og trommuleikari. Sveitin var stofnuð sumarið 1968 og starfaði að minnsta kosti…

Ísjá (1976-80)

Hljómsveitin Ísjá var ein helsta danshljómsveitin á Snæfellsnesi á árunum 1976-80, að minnsta kosti. Meðlimir Ísjár voru Gunnar Ingvarsson trommuleikari, Elvar Gunnlaugsson gítarleikari, Lárus Pétursson gítarleikari, Hinrik Axelsson bassaleikari og Hafsteinn Sigurðsson hljómborðsleikari. Ekki liggur fyrir hver var söngvari sveitarinnar. Ísjá, sem var frá Stykkishólmi, starfaði mestmegnis á heimaslóðum og kann að hafa starfað lengur…

Júnó kvintett (1964-66)

Júnó kvintett starfaði í Stykkishólmi á árunum 1964 til 1966, hugsanlega lengur. Júnó lék einkum á héraðsmótum á heimaslóðum og nágrenni en engar upplýsingar er að finna um skipan sveitarinnar. Eyþór Lárentsínusson söng með sveitinni og var hún þá stundum auglýst sem Júnó og Eyþór.

Drengjalúðrasveit Stykkishólms (1965-66)

Í fjölmiðlum um miðjan sjöunda áratug síðustu aldar er lítilræði að finna um Drengjalúðrasveit Stykkishólms. Upplýsingar um þessa sveit er af skornum skammti en ekki er ólíklegt að þessi sveit hafi heyrt undir Tónlistarskóla Stykkishólms sem stofnaður var 1964, lúðrasveit hafði starfað í bænum síðan 1944.

Busarnir (1987-92)

Hljómsveitin Busarnir var starfrækt á árunum 1987 til 92 en 1991 kom út lag með þeim á safnplötunni Húsið sem gefin var út til styrktar Krýsuvíkursamtökunum. Þá var sveitin skipuð þeim Ólafi H. Stefánssyni gítarleikara, Siggeiri Péturssyni bassaleikara, Njáli Þórðarsyni hljómborðs- og píanóleikara, Grétari Elíasi Sveinssyni trommuleikara og Þorsteini G. Ólafssyni söngvara. Þessi sveit var…

Egon (1955-67)

Hljómsveitin Egon (stundum nefnd Egon kvintett og síðar Egon og Eyþór) lífgaði upp á tónlistarlífið í Stykkishólmi um árabil á sjötta og sjöunda áratug síðustu aldar. Hljómsveitin var stofnuð 1955, meðlimir hennar höfðu allir fengið tónlistargrunn sinn úr Lúðrasveit Stykkishólms, og lék hún á dansleikjum, aðallega á Vesturlandi, framundir lok áratugarins. Sú útgáfa sveitarinnar var…

Forte (1984 – 1987)

Hljómsveitin Forte starfaði í Stykkishólmi a.m.k. á árunum 1984 – 87 en hún tók þátt í Músíktilraunum Tónabæjar vorið 1987. Meðlimir sveitarinnar voru þá Ólafur H. Stefánsson gítarleikari, Ágúst Pétursson gítarleikari, Þorsteinn Gunnar Ólafsson trommuleikari, Njáll Þórðarson hljómborðsleikari (Land og synir o.fl.), Siggeir Pétursson bassaleikari og Jón Bjarki Jónasson söngvari en hluti sveitarinnar átti síðar…

Gígjan [4] (um 1900)

Söngfélag í Stykkishólmi hét þessu nafni líklega skömmu eftir aldamótin 1900, jafnvel eftir 1910. Baldvin Bárðdal mun hafa verið frumkvöðull að stofnun þess en ekki liggur fyrir hvort eiginlegur stjórnandi var við kórinn.

Kvass [1] (1987-88)

Hljómsveit starfandi 1987 í Stykkishólmi. Sigurður Ingi Viðarsson gítarleikari, Kristinn Þór Erlendsson bassaleikari, Unnsteinn Logi Eggertsson trommuleikari, Svavar Guðmundsson hljómborðsleikari og Jón Þór Sturluson söngvari og trompetleikari skipuðu sveitina sem lenti í þriðja sæti Músíktilrauna vorið 1987 (á eftir Stuðkompaníinu og Metan). Sama sumar keppti sveitin í hljómsveitakeppni í Húsafelli um verslunarmannahelgina og lenti þar…

Myrtur (1991)

Hljómsveitin Myrtur frá Akranesi (og Stykkishólmi) starfaði 1991 og keppti þá um vorið í Músíktilraunum, án þess reyndar að komast í úrslit. Meðlimir sveitarinnar voru þá Ingþór Bergmann bassaleikari, Erlingur Viðarsson gítarleikari (Abbababb), Unnsteinn Logi Eggertsson trommuleikari og Þorbergur Auðunn Viðarsson söngvari (Lalli og sentimetrarnir). Ekki liggja fyrir frekari upplýsingar um sveitina.

Strados (1982-83)

Hljómsveitin Strados frá Stykkishólmi var starfandi á árunum 1982-83. Sveitin tók þátt í Músíktilraunum Tónabæjar og SATT haustið 1982 og komst þar í úrslit. Meðlimir Strados  voru Gunnar Sturluson gítarleikari, Rafn Júlíus Rafnsson bassaleikari, Sigurður Sigurþórsson gítarleikari, Hafþór Guðmundsson trommuleikari og Jóna Lovísa Jónsdóttir en hún var söngkona hljómsveitarinnar.