Gigabyte (1994-98)

engin mynd tiltækDúettinn Gigabyte naut nokkurra vinsælda um miðbik tíunda áratugs síðustu aldar en tónlistin var í anda þeirrar danstónlistar sem kennd hefur verið síðan við næntís bylgjuna. Með rökum mætti jafnvel kalla Gigabyte erlenda útgáfu af Stjórninni.

Gigabyte, sem skipuð var kunnu tónlistarfólki, gítarleikaranum Friðrik Karlssyni og söngkonunni Sigríði Beinteinsdóttur (með Mána Svavarsson hljómborðsleikara og tölvumann sem þriðja hjól), átti nokkur lög á safnplötum á árunum 1994-98 auk þess sem Steinar gaf út smáskífu með sveitinni í Þýskalandi og Skandinavíu í samstarfi við erlenda aðila, þær tilraunir virðast þó hafa skilað litlu enda var Friðrik þá á kafi í annars konar verkefnum í London.

Vinsælasta lag dúettsins var Talk talk ábreiðan It‘s my life en einnig sendu þau frá sér frumsamið efni.

Lög sveitarinnar komu út á eftirtöldum safnplötum, Reif í skeggið & Dans(f)árið ´94 (1994), Reif í skóinn (1995), Popp(f)árið ´95 (1995), Pottþétt 9 (1997) og Fire and ice: music from Iceland (1998).

Efni á plötum