Blúsfélag Reykjavíkur stendur fyrir glæsilegri blúsdagskrá í Björtuloftum í tónlistarhúsinu Hörpu í dag frá klukkan 13 til 15 á Menningarnótt þar sem fram koma hljómsveitirnar Ungfrúin góða og búsið, CC Fleet Blues Band og Singletons. Aðgangur er ókeypis og öll eru velkomin svo lengi sem það er sætaframboð. Tónleikarnir eru liður í dagskrá Hörpu á Menningarnótt í samstarfi við Blúsfélag Reykjavíkur og fram koma eftirfarandi blússveitir:

Singletons (13:15 – 13:45)
Hljómsveitin Singletons spilar blús og blúsrokk af krafti og mýkt eftir því sem við á. Hljómsveitina skipa Hannes Birgir Hjálmarsson söngvari og gítarleikari, Gunnar Örn Sigurðsson gítarleikari, Steinar Björn Helgason trommuleikari, Árni Björnsson bassaleikari og Ragnar Ólason píanóleikari.

CC Fleet Blues Band (13:55 – 14:25)
CC Fleet Blues Band flytur kraftmikinn blús með áhrifum úr fönk, sól og rokki. Hljómsveitina skipa Jón Ingiberg Jósteinsson söngvari og gítarleikari, Gunnar Örn Sigurðsson gítarleikari, Jakob Viðar Guðmundsson bassaleikari, Jóhann Vilhjálmsson trommuleikari og Ragnar Ólason píanóleikari.

Ungfrúin góða og búsið (14:35 – 15:05)
Ungfrúin góða og búsið er sex manna hljómsveit sem spilar rokkaðan blús. Hljómsveitina skipa Kristjana Þórey Ólafsdóttir söngkona, Árni Björnsson gítarleikari, Aðalsteinn Snorrason gítarleikari, Helgi Georgsson hljómborðsleikari og söngvari, Jón Bjarki Bentsson bassaleikari og Skúli Thoroddsen, trommuleikari.

Hér má kynna sér alla dagskrá Hörpu á Menningarnótt 2025.